Mathew THUMAKAI
THUMAKAI
ASUNPA: Mathew amin chom Levi (Mrk 2:14) kitipa hi asunpa chu ahi. Amahi kai dong ahin Rome sorkar to tongkhoma kai adonji jehhin Juda ten nasatah-in atheovin ahi. Ama hi kaidonna munna atoupetna anung juidinga Christan anakouva ana juipat jeng ahi. Gospel asutna-a hin ama min aseina channa kaidong Mathew (Matt 10:3) atiji akimui.
KOIHO DINGA KISUNHAM: Mathew gospel hi Nazareth Jesu hi Messiah himonga ham ti hechen thei lou Judah te-a dinga kisun ahi. Mathew hin Christa Judah te-a dinga alengu ahidan hilchetnan David Chapa chule Abraham Chapa tin apen ahi. David phung guija kon ahidanle David khopi Bethlehem'a apendan chule David Chapa ahidan hilchetnan sagivei aseina akimui. (1:1; 9:27; 12:23; 15:22; 20:30; 21:9; 22:42). Leng ahidan thua hin ‘leng gam’ kitihi Mathew hin somnga sanga tamjo aseina akimun ahi.
AKISUTNA PHAT: Mathew sut kipana thupha hi A.D. 80 ahiloule 90 vella kisun dana gel umjongle adihtah-a dinga tahsan um chu A.D. 50 vel laija kisun ahiding tahsan aumin ahi. Ajehchu hiche lekhabu sunga hin A.D. 70 a Jerusalem kisuhmang ding thu jong akimupon ahi. Mathew sut kipana thupha, thupi chu “Christa Leng ahi” tihi ahi.
ASUNG THU UMHO
Khanggui kisut le Jesu pen (1:1-2:23)
John Baptist Natoh (3:1-12)
Jesu Baptize chan le lhep patepma aum (3:13-4:11)
Galilee gama mipi lah-a anatoh (4:12-18:35)
Galilee'a pat Jerusalem (19:1-20:34)
Jerusalem le akimvela hapta nukhah sung (21:1-27:66)
Athodoh le Akilah (28:1-20)
Currently Selected:
Mathew THUMAKAI: THADBSI
Highlight
Share
Copy
Want to have your highlights saved across all your devices? Sign up or sign in
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.