Malachi THUMAKAI
THUMAKAI
LEKHABU MIN CHULE ASUNA: Malachi kitihi “Kathu pole-a” tina ahi. Kum jabih nina AD laija patna bou Malachi hi mikhat mina gel hung hia ahi. Hiche masanga chu “kathu pole-a” tina-a gel anahia, anasunpa mina ana kihe jenga anahi (3:1). Judah ho tahsan dannin hiche lekha sunpa hi Ezra hinte tiloi aumin, abangin vantil mihem lima hungkhatnin asut hinte tia gelloi jong aume. Ahinla Christian khang hung kipat tillaija patna tahsan hung hipeh-a chu Malachi hi lekhabu anasunpa min ahin, themgao khat jong ahi, tihi ginchat dettah chu anahi.
APHAT CHULE THUPI KIMUHO: Malachi hi themgao nukhah pen ahitan, amahi Judah te kum 70 asohchan nung uva amoh hung kile kit ho phat laija themgao anahia ahi. Malachi lekhabua hin Jehovah ngailutna, thempuho le mipi ho chonsetna, Pakai nikho hung lhun ding thu akiseijin; chule thupole-a pang dinga kisol masa mini thu aseijin ahi (3:1; 4:5,6). Apumpia hin Malachi themgaovin Pathen'in angailutna-a Ezra le Nehemiah noija Judah te amoh hung kile kit ho chunga sele pha ahetnao chunga thu atan ding chu aseijin ahi. Hiche lekhabu sunga hin kum 60 jou nung 457 BC, Haggai le Zekeriah lamkaina noija Houin athah-a tundoh-a aumkit jou nung 516 BC, mipi ho hilchah-a amaho sutup dinga Ezra Babylon'a kona Jerusalem'a ahung thudol akisune. Achai na-a kum 13 jou nunga 444 BC-a kulbang sempha dinga Nehemiah ahung kit thu akimui. Pathen thu hethem hon 450 le 400 BC kikah sunga kisun hinte tin apomcheh-ui.
ASUNGA THU UMHO
Israel Chonsetna (1:1-2:16)
Pathen thutanna le Amihepina (2:17-4:6)
Currently Selected:
Malachi THUMAKAI: THADBSI
Highlight
Share
Copy
Want to have your highlights saved across all your devices? Sign up or sign in
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.