Potdohbu THUMAKAI
THUMAKAI
ASUNPA LE ASUTPHAT: Hiche lekhabu hi Mosi sut ahi tin akisange. Potdohbu kiti hi “Potdoh” tina ahi. Pathen'in Israelte Egypt mite soh-a aum naova kona apuidohna thusimbu ahi. Pathen'in Mosi hiche natoh tongdoh dinga asol laihin Israelte mipi lhing pasal cheh kum 20 a lhah chunglam chu mihing lakh gup ahiuvin, numei le chapang simthan mihing lakh 30 tobang ahiuve. Israelte chu Egypt gama chun kum 430 anatham denun ahi. Kum 1491 BC vela hi Mosi'n Egypt'a kona ana puidoh-a, gamtep gamchu 1415 BC vela ana lhungu ahi. Hiche kum 40 gamthipma avale laijuva hi Mosi'n Dan lekhabu nga hohi asut hidinga tahsan ahi. Israelte hinkho thusima hiche lekhabu hi Mosi sut ahi tin aseijun ahi.
LEKHABU UMDOL: Potdoh bu-a thusim ho hin semtilbu sunga thuho asunjom peh-in ahi. Semtilbu kichaina lama hin Abraham chilhahte mihing 70 chu Canaan'a kona Egypt gama anachao lutnu thusim akimun ahi. Pathen'in Abraham henga asei bangin kum 400 val achamdenun, Pathen'in kidang tah-a ahuhdoh-a, apuidoh-u thusim akimun ahi. Israel ten hiche gam hi 1491 BC in Mosi khut noija anadalhaove. Hitichun Potdohbu hi Israelte dinga ahungpun doh, ahung kisepdoh nao chu photchetna thusim ahin, hiche potdohbu beijahi Israel thusim kisun theilou ahi. Hitichun Potdohbu lekha hi huhhingna thusimbu ahi. Israel Egypt mite khutna asohchan nao hin mihemte vannoi'a chonset soh-a akihena lim amusah-in, kalchuh kut thusim kimuhin Jesu Christa-a hinna mihem ten aneina hi amusah-e (Pot.12:13,14; Jhn.1:29; 1 Cor 5:7).
ASUNGA THU UMHO
Egypt gama kona Israelte chamlhat (1:1-15:21)
Egypt gama asoh chanu (1:1-22)
Mosi pen le ahinkho masaho (2:1-4:31)
Mosi le Aaron'in lengpa akimaito pilhon (5:1-11:10)
Kalchuh kut le Egypt gama kona ahungpot doh-u (12:1-15:21)
Twipi sana kon Sinai Molsang (15:22-18:27)
Danthu le kitepna (19:1-24:18)
Houbuh le houdan (25:1-40:38)
Currently Selected:
Potdohbu THUMAKAI: THADBSI
Highlight
Share
Copy
Want to have your highlights saved across all your devices? Sign up or sign in
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.