LUKE Mathronna
Mathronna
Luke In Amjih Akthra Trong in Jisu in Israel eita kalnatu trongchet amlan khatkho mii naamteta akalnatu amrom. Luke in amjihva Jisu i Akpu vaa Li in onga “Anrankuunga Akthra Trong raannatu,” che mah Akthra Trongi madonna sip i darkaar am mii naamte turelna. Phlaak huui rellakho Luk in amuveia ason, amuveiala amthronna aktonga Jisu athlengna rella amrom, che veikhatla achena a, Jisu in ringram akalna rella amrom Jisu in ringram akalche aknua Khristen ei malot in pungporh che inthek a inraanna thamin i amjihpatal in Noonna Thlou nirik akho ason.
Saruk 2 leh 6 (trongmu athlanga anve) a pootchei khalmo tam ei i mah Akthra Trong khop ah intuukning, mah eichuva ringroiei laavaa thamin che Jisu in apokna a sadamkemei in seh a an an naokhat veia Jisu i mathruunna thlaamma am, Akthra Samaria miivaa pandam che kmaang Asa kupa, tihva thaminei ire. Akthra Trong apumtea liinna amromjava ngen, Li Akseeng, Jisu routlohna a kumei eiva anthlou, che Ringpu in aleh eita a ipna.
Trongmu
Mathronna 1:1–4
Aklup John leh Jisu in anpokna che nao anveina 1:5—2:52
Aklup John in routlohna 3:1–20
Jisu ta amdoina che anlupna 3:21—4:13
Kalili a Jisu in miitam kaar a rou atlohna 4:14—9:50
Kalili nata Jerusalem a 9:51—19:27
Achena kouh a Jerusalem asuung leh aveella Jisu routloh 19:28—23:56
Akpu in aringna, andangna che ringram akalna 24:1–53.
Currently Selected:
LUKE Mathronna: TARAOBSI
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.