MALAKHI 4
4
Apvüwa Tsathangwa tsüna Gho tendha
1Kemisintsa Apvüwa na khiben, “Anyi kekapvü nu nkemehaithu tsüdi pi amatsi ti mecang cü keten tsathangwa tsüna gho tendha. Tsü tsathang wi mathu pi mecang, nu mathu ji mangla nmila ben. 2Isala nthu ijühkina ketenthu tsü hi hangshakeya kekhang na aghani ti nthu miwi shhugho nu aghani kewegü ti sapi mehai kecü sen ghoben. Nthu na amesü zzathu ma jjen wina lisha kechi ti anonghe pi kephenki ben. 3Hi kuli keshagha tsathang wi nthu na gheshighenathu miwi khang yaben, nu mathu na nthu ccü kekhu wi ayyinikhu ti saaben.
4“Imaghawa Mosa na pi kesansithu tsü meshen yalo, tsüna hi Israel nyithu tsüdila nieyalo kesa ghena Sinai Yikha miwi ayenthu nu ayenkhukechithu pi ma cü.
5 #
Mat 11.14; 17.10-13; Mrk 9.11-13; Luk 1.17; Jhn 1.21. “Isala qhethiketen kesa nu Apvüwa tsathang keti tsü npi kegho tuwi hi atusenjüh-kechüwa Elijah kesun pi nthu wi chi cüden. 6Ma abajjathu nu atsangathu leben kechüli nengya thsüaden; nyelethu hi gho nu nthu diyyi tsü yasa ben.”
Currently Selected:
MALAKHI 4: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
