BVÜKESHHU AJÜHTUWA
AJÜHTUWA
Bvüshhu ma jjügi bvüya kesa, tsüna lesüshen hawa wi Israel nyi cüki kemechan ntsawa sa kechi tsü —— Israel nyithu na Ejipt wi nssümagha sa keben tsü teshi nu bvüya kesa. Lesüshen hana gishü pi mejü satheng: 1) Nssümagha kesa wina Ibrithu lishachi kecü; 2) Mathu na lentsen wa Sinai Yikha kecu; 3) Anyiza na Sinai Yikha wi ma nyithu ssinu cenkethenjüh sa keya, tsüna mathu kahang yen, keccüna yen, nu ajühkekaghaten yen pi mathu ya tsü nie nu hanglo kesa khuchi kecü; 4) Israel nyithu ghena kekinyipen ajjen sacenkeya nu keqhaikedithu nu Anyiza kekinyi ghena ayenthu.
Tsüdi miwila lesüshen hawa wi Anyiza na khatinu ma nyithu na nyu nssümagha sa keben wi mathu ssisen wa ghaketenwa tsü ghangla mathu pi amizza kesü saya thsüa.
Lesüshen hawi anyi ghangpvüwa na Mosa, Anyiza na ma kessi pi Ejipt wina ma nyithu ssinu shhu thsü. Lesüshen hawi kemechan ntsawa na Ayenthu Tagha zhüghu ketheng —(20)
Hawi Kebenthu
Israel nyithu na Ejipt wina keshhu 1.1—15.21
a) Ejipt wi nssümagha kesa 1.1-22
b) Mosa pvüghakeya nu ma ghanyi cüki 2.1—4.31
c) Mosa nu Aaron manyi Ejipt kadimiwa tuwi kewa 5.1—11.10
d) Shhukeya kemishu nu Ejipt teshi kesa 12.1—15.21
Kenmie Tssükedone wina wa Sinai Yikha kecu 15.22—18.27
Ayenwa nu Cenkethenjüh 19.1—24.18
Cenkethenjüh Nithsüjjen nu Kekinyi ghena kecükegwe kechi 25.1—40.38
Currently Selected:
BVÜKESHHU AJÜHTUWA: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.