BVÜKESHHU 37
37
Cenkethenjüh Khitson Kesa
(Bvü 25.10-22)
1Bezalel na akakia chan pi Cenkethenjüh Khitson ma kesie sentimeter 110, keti sentimeter 66, nu kemisi senti- meter 66 tsüti saya. 2Ma suna kemetha pi ma non, ma mei, nu ma katen tsüdila meju kevüliya. 3Ma tsü kepieji suna qei mejü saya, nu tsüthu pi ma ccü mejü wi chiya, qei kenini pi pahan pahan wi chi. 4Ma akakia chan pi tsü kepieji sa nu suna pi tsüthu mejuya, 5nu tsüthu pi Akhitson miwi ma qeithu wi tsü ghe chiya. 6Ma suna tsen kemetha pi ma keshan kesie sentimeter 110, nu kemeza sentimeter 66, saya. 7Ma suna pi cherubim tsi keni cühya, 8kesüsü pi ma katen ghapeli wi chile kesalina. Tsü keni pi ma keshan miwi zhüghu pi kesütan sa thsü. 9Cherubim tsüna ma keshan miwi kaghangli nu manyi gisha zanshigü pi tsü whengbhon yathsü.
Amesa pi Anyiza Kinyile Kesa ghena Miz Kesa
(Bvü 25.23-30)
10Ma akakia chan pi miz kesü ma kesie sentimeter 88, kemeza sentimeter 44, nu kemisi sentimeter 66, tsüti cühya. 11Ma suna tsen kemetha pi tsü mejuya nu pi ma katen la meju kevüliya. 12Ma füghancü kesa kesü ma kemeza milimeter 75, saya nu suna pi tsü ma katen meju kevüliya. 13Ma tsü kepieji suna qei mejü sapi ma ccügwen mejü wi ma ccü keben pen witsü chi. 14Miz kepieji pi chile kesa qeithu tsüpi füghancü kesa kete wi chi. 15Ma kepiejithu tsü akakia chan pi sa nu suna pi tsüthu mejuya. 16Ma suna tsen pi miz wi kesen hyikhu sa; akhu, ahyi, afü, nu akhuzzathu kisengtssü pi kekinyi kesa wi senle kesalina.
Ahula Kedonpen Kesa
(Bvü 25.31-40)
17Ma suna tsen pi ahula kedonpen saya. Ma suna pi ma donbvü nu ma kukhi cühya; ma tsikesa thighethu, kebvüjjen, nu ma tsangthu pi tsü zhüghu pi kesütan sa thsü. 18Ma cüna tugho na ma katen ghapeli kechengcheng chang waben. 19Ma cüna tugho qho kesüsü wi tsikesa thighe kecheng tsüna mcüshüli thighe kebvüjjen nu ma tsangthu saghu pvü keben tsi ti kesa. 20Ahula kedonpen kukhiwa wi tsikesa thighe mejü tsüna mcüshüli thighe kebvüjjen nu ma tsangthu saghu pvü keben tsi ti kesa. 21Ciwi kebvüjjen kesü na ma cüna kechengcheng keni cakhu wi ben. 22Kebvüjjen, ma cüna, nu ahula kedonpenthu tsü suna tsen pi cüghu pi kesütan saya. 23Ma ahula kedonpen tsü ghena ahula tagü saya, nu kemecangqae nu ma khala kechipen tsü suna tsen pi saya. 24Ma ahula kedonpen nu tsü tsanqaithu tsüdi kesa ghena suna tsen kilogram 35, sen.
Hankedemvu pi Kemecang ghena Kekinyipen Kesa
(Bvü 30.1-5)
25Ma akakia chan pi hankedemvu mecang pi kekinyipen kesü saya. Tsü ketikesie meceqe, kesie sentimeter 45, kemeza sentimeter 45, nu kemisi sentimeter 90, saya. Ma ccügwen mejü wi ma ghacüthu tsü zanghu pi kesütan saya. 26Ma suna tsen pi ma shoni, ma ccügwen mejü, ma ghacüthu, nu ma katen meju kevüliya. 27Ma suna pi ma kepie qei keni saya nu pi ma cakhu wi ma katen ghapeli chiya nu ma kepieji pi chi nu pieya thsüle saya. 28Ma akakia chan pi kepiejithu sa nu suna pi tsüthu mejuya.
Kenyenji Deli nu Hankedemvu Kesa
(Bvü 30.22-38)
29 #
Bvü 30.22-38. Ma kenyenji deli kemetha la saya, nu hankemehai pi saghu pi hankedemvu saya.
Currently Selected:
BVÜKESHHU 37: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
