MATHI 1

Jisu Khrista Bon nyu

(Lk 3:28-38)

1Abraham nyu le David, David nyugü Jisu Khrista bon nyudan zan kethu lesü le higü hi.

2Abraham nyu le Isak, Isak nyu le Jakob, Jakob nyu le Juda lo a-tsagü sikezen nyu dan. 3Lo Tamar tenugi ge Juda nyu Perez lo Zera au nnyulo; lo Perez nyu le Hezron, Hezron nyu le Aram. 4Aram nyu le Aminadab, Aminadab nyule Nashon, Nashon nyu le Salmon. 5Lo Rahab tenugi ge Salmon nyu Boaz nnyulo, lo Ruth tenugi ge Boaz nyugü Obed nnyulo; lo Obed nyule Jese; 6Jese nyu le David Raja gü.

7Lo nduka Uria nu ge David nyugü Solomon nnyulo, lo Solomon nyu le Rehoboam, Rehoboam nyu le Abija, lo Abija nyu le Asa. 8Lo Asa nyu le Jehoshafat, Jehoshafat nyu le Jehoram, Jehoram nyu le Uzzia, 9Uzzia nyu le Jotham; Jotham nyu le Ahaz; Ahaz nyu le Hezekia, 10lo Hezekia nyu le Manase; Manase nyu le Amon; Amon nyu le Josia. 11Tsüselo anyugun tenzen-o Babilon ki kegun gwünkho ka Josia nyugü Jekonia lo a-tsasikezen nyu dan nnyulo.

12Lo anyugun tenzen-o Babilon nyu gunkelo siki Jekonia nyugü Shealthiel nnyulo; Shealthiel nyu le Zerubbabel. 13Lo Zerubbabel nyu le Abiud; Abiud nyu le Eliakim; Aliakim nyu le Azor. 14Azor nyu le Zadok; Zadok nyu le Akim; Akim nyu le Eliud. 15Eliud nyule Eleazar; Eleazar nyu le Mathan; Mathan nyu le Jakob. 16Lo Jakob nyu le Maria nyepvü Josef; lo Maria ge Jisu Khrista tse kethyü gü nnyulo.

17Hihontse Abraham phou ka gun gü David keti le phou tseryü pezi; lo David phou ka gun gü anyugun tenzen-o Babilon ki kegun keti ko phou tseryü pezi; lo anyugun tenzen-o Babilon ki kegun ka gun gü Jisu Khrista keti le phou tseryü pezi.

Jisu Khrista Kenyu Rüla

(Lk 3:23-38)

18Lo Jisu Khrista kenyu le hihontse. A-jvü Maria lo Josef au no kengü bin titsela; lo au sunthyü kelo mhundyü Kenshün Kapu nyuphou pfü kehü shalo la. 19Tsontsin a-nyepvü Josef le kentsen nyu nme kethyü genyu, süda mhundyü a-no keja pfüla nyu mvuo, kebuo khela titse bin. 20Ai a-le jo tsü rüchün kebin ka, hire, a-minki Npugü lokethyünyu nme le a-ki ryüo, David nyugü Josef, “Nle nnu Maria tsü lo nshvu nya chi; kechamvule a-le nyuphou pvü kebin tsüle Kenshün Kapu nyu kethyü genyu. 21Lo a-le pechenyu nme nnyu loti, lo nle a-zan pe Jisu tholo nye; kechamvule a-le a-temi kemu nyu anyugun kenilo ti.”

22Tsü rüla Npugü le sidyükesha gü no zokeshü dan thyü penlo, 23“Hire, lünyu tsügi le nyuphou pvülo njüo pechenyu nme nnyulo ti, lo a-zan thope Imanuel thyü ti,” (a-kon le, “Sunggigü le Nzan bin laso”).

24Tsüselo Josef le chonsoryüo Npugü lokethyü gü le a-ka kezo hontse Maria tsü lolo la. 25Ai nyu tsügü nnyulo kemvuthen a-le a-nu zen-o peche tenu jvü tsü thyümvu. Tsüsiki nyu tsügü zan pe Jisu tholo.

Currently Selected:

MATHI 1: REGSBSI

Highlight

Copy