BINZEN 36

Esau Tsipwen

(1 By 1:34-37)

1Hidan hile Esau, Edom tse ko kehü gü tsipwen dan. 2Esau le Kanan nyu tenunyu lo: Hitnyu lü Elon nyugi Adah: Hitnyu Zibeon nyugü Anah nyugi Oholibamah; 3lo Bebaioth sikezen gi Ishmael nyugi Basemath. 4Adah le Eliphaz nnyulo; Basemath le Reuel nnyulo, 5lo Oholibamah le Jeush, Jalam lo Korah tse nnyulo. Kanan kazü nyu peche hidan aphu nnyu pe Esau tsüshü.

6Tsüselo Esau le a-nudan, a-nyu peche lo tenu dan, lo akami aphu pe a-le Kanan nyu hyu kelo senru lo kenya dan sin zen-o a-sikezen gü Jakob nken-o kazü kecha ki güla. 7Jakob au le yhun kebin kazü güle sen kümvu kela genyu a-le tinla; au senru le chonritsin kethyü genyu kengü bin lo nrün ndila. 8Tson-o Esau le Edom rincho ki yhun hü.

9Hidan hile Edom nyu a-bon Esau tsipwen dan. 10-13Esau nu Adah le Eliphaz tse kethyü peche nme nnyulo, lo Eliphaz le a-nyu peche mi pvün le bin: Teman, Omar, Zepho, Gatam lo kenaz. Lo a-nu kecha gü Timna ge a-nyu peche kecha nme nnyu sinlo a-zan le Amalek.

14Esau nu Oholibamah, Zibeon nyugü Anah nyugi le peche mishen nnyulo: Jeush, Jalam lo Korah.

15Esau ge chwikeryü tsipwen le hidan hi. Esau nyuri gü Eliphaz le tsipwen hidan bon: teman, Omar, Zepho, Kenaz, 16Korah, Gatam, lo Amelek. Hidan aphu Esau nu Adah ge chwikeryü.

17Esau nyugü Reuel le tsipwen hidan bon: Nahath Zerah, Shammah, lo Mizzah. Hidan aphu Esau nu Basemath ge chwikeryü.

18Hidan le Esau nu Oholibamah, Anah nyugi ge chwikeryü dan: Jeush, Jalam lo Korah. 19Tsipwen hidan aphu Esau nyenyu.

Seir Nyenyu Dan

(1 By 1:38-42)

20-21Edom kazü nyu yhunkeri dan le Horit temi Seir nyenyu anyugun bon nyu le hidan hi, Lotan, Shobal, Zibeon, Anah, Dishon, Ezer, lo Dishan.

22Lotan le Hori lo Heman pvüphun bon (Lotan le a-zan le Timnah tse kethyü a-lügi nme bin.)

23Shobal le Alvan, Manahath, Ebal, Shepho lo Onam pvüphun dan bon.

24Zibeon le a-nyu peche mihvu le bin Aiah lo Anah. (Hile a-pvü Gada khwe hüo tehen yhun kemvu ki Zükenyen kenthün hyu kelo gü Anah.)

25-26Anah le Dishon a-pvü, tsügü le Hemdan, Eshban, Ithran, lo Cheran pvüphun bon. Anah le Oholibamah tse kethyü a-nyugi ko bin.

27Ezer le Bithan, Zaavan, lo Akan pvüphun bon.

28Dishan le Uz lo Aran pvüphun bon.

29-30Hidan hile Horit kazü nyu Edom tsipwen: Lotan, Shobal, Zibeon, Anah, Dishon, Ezer, lo Dishan.

Edom Raja Dan

(1 By 1:43-54)

31-39Israel nyu raja nme kendi ka raja hidan hile kethen-o Edom so gon ryü:

Dihabah ka Beor nyu gü Bela

Bozrah ka Zerah nyugü Jobab

Teman lojvü nyu Husham

Avith ka Bedad nyu gü Hadad

(a-le Moab kazü nyu teri thyüo

Midian nyu so kvu lola)

Masrekah ka Samlah

Rehoboth züri ki Shaul

Achbor nyu gü Baal Hanan

Pau ka Hadad (a-nu zan le Mehetabel,

a-le Matred nyugi a-bon le Mezahab)

40-43Esau le Edom nyu tsipwen hidan bon: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel, lo Iram. Tsipwen hidan nme me tse keyhun bin pe anyugun tsipwen zan thyüla.

Currently Selected:

BINZEN 36: REGSBSI

Highlight

Copy