MARKIN 3

Kut Azeng Amandam

(Mt 12.9-14; Lk 6.6-11)

1Hatuka Isua chu Sinagouge a a lut reta, hava han mi angkhat a kuta zeng a oma. 2Hatuka ama siatna ei manthei u na ranga pongansa nikhua, a mandam mo mandam mak mo a en u na. 3Hatuka aman kut zeng kom han, “Anding ro” ati. 4Hatuka akom u na han, “Pongansani hin asa tho mo anthiang asiat mo? Andam mo anthiang athat?” atia. 5Hatuka a malung anchang u ha asiat ati sabaka taksit chunga amani ei en sua na han a koma han, “Na kut son ro,” atia. Hatuka a hong sona a kut ha adam pe vanga. 6Hatuka Pharisi ngai ha asuak u na, ei that thei u na ranga andon chunga Herod abila mi ngai le anril len u.

Tindil kola Mipui

7Hatuka Isua chu a zolai ngai le tindil tiang ase u, hatuka Galili rama mipuiin achan azi u. 8Hatuka a sintho ei lian chu ariat u na Judai ram ata, Jerusalem khua ata, Idumai ram ata, Jordon ral ata, Tura le Sidon kho kol ata mi atampa a kom ahong u. 9Hatuka mi ei tam sika rakuang lei mansuk u ro tia a zolai ngai arila, hantin nok ten min ei na ep sabak rang keng, ati. #Mk 4.1; Lk 5.1-3 10Mi tampa alei mandama, hantin han ana ngai doran ei ton lilip thei u na ranga antuar, annama ei pan u. 11Kachai ratha adon ngaiin chu amu u kip pei a makunga anboka, “Nang Pathian Sapa na ni,” ti na ankhek u.

12Hatuka ama han arui ha puang u ta ni tina a kom u na ati ti tira.

Isuan Somleianni Athang

(Mt 10.1-4; Lk 6.12-16)

13Hatuka tanga a kala, a mi madit ngai a kuia.A hong u na a koma, 14hanuk somleianni a thanga, “Ka bila a om ranga le anchu rang keina thang u.” 15Hanuk chu ana ngai andam rang le kachai ngai notna ningneina ei don thei u na ranga ani na.

16Hanke hiva ngai hi aman a thanga Simon ha Pitor, aphua. 17Zebedai a sapa Jakob a parual Johon ha Boanerge, aphuana hava ha “Khuanri Sapa,” tina. 18Andria, Philip, Bartholomai, Mathai, Thoma, Alphai a sapa Jakob, Thaddai Kanana mi Simon. 19Ansurpu Juda Iskariot, hiva ngai hi.

Isua le Beelzebul

(Mt 12.22-32; Lk 11.14-23; 12.10)

20Hatuka ina ava luta mi ngai ahong anchun reta, hantin han sak nek ngal tho thei lai mak. 21A in sung mi ngaiin hava ha ariat u na, “Achang zei hile” tia asura a ruaina ei tho u.

22Hatuka Lekhanziakpu ngai Jerusalem khua ata ahong ngaiin “Beelzebul alom ke hile ati u. Kachai reng ei ni sika keng kachai ei not chachak,” ati u. #Mt 9.34; 10.25

23Hatuka Lekhanziakpu ngai a kuia, ankhina chonga akom u na, “Soitanin Soitan den hontinmo ei not thei. 24Ram um athetheia anduiten hava ram chu anding thei no ni. 25Inko khat um andui u ten ha inkua chu ngir thei no ni. 26Soitan um anininga anduia aneng ten ngir thei no nia, anpei inti.

27“Tuten ranak anei ina aluta a sum va pot thei ngai mak, ranak anei ha akhit mansa nok anten, akhit sua le a in va rul inti.

28“Tak taka kei na ril u ni zei, miring nai ngai hi ei siat u na ngai dora le Pathian siat rilna lam tin renga ei ril u na ha andual inti. 29Ratha Anthiang kui siat aril ha chu andualna man lai no ni umor taituanam asiat anlona om inti,” ati. #Lk 12.10 30“Kachai annim alom keng,” ei ti u sika han hiva hi ei ril.

Isua Nu le Parualngai

(Mt 12.46-50; Lk 8.19-21)

31Hatuka a nu le a parual ngai ei hong u na tualpanga anding u na ava mankui u. 32Ama asir apanga ansut ngaiin ama kom ei ti u, “Enta, na nu le na parual ngaiin tualpanga nang ana rok u.”

33Aman a masanga hangai rang ha ei ti, “Tumo ka nu? Tumo ka parual?” ati. 34Hatuka asir, apanga ansut ngai tiang anhoia, “En u ta, hiva ngai hi ka nu le ka parual ani u zei. 35Pathian zot anga anmang ngai ke ka parual, ka sarzuar, ka nu” ati.

Currently Selected:

MARKIN 3: RANGBSI

Highlight

Copy