GENESIS 10

Noah Tapate Suante

(1 Kron. 1.5-23)

1Huan, hiaite Noah tapa Shem, Ham leh Japheth suante ahi uh. Tuichim tun nung in tapate a neichiat uhi.

2Japheth tapate: Gomer, Magog, Madai, Javan, Tubal, Meshek leh Tiras ahi uh. 3Gomer tapate: Askenaz, Riphath leh Togarmah ahi uh. 4Javan tapate: Elishah, Tarsis, Kittim leh Dodanim ahi uh. 5Huaite a kipan in Jentelte, amau pau leh amau nam bangzel in, amau chite omna tuikulh gam, amau gamte ah a kikhen zak uhi.

6Ham tapate: Kush, Mizraim, Phut leh Kanan ahi uh. 7Kush tapate: Seba, Havilah, Sabtah, Raamah leh Sabteka ahi uh. Raamah tapate: Sheba leh Dedan ahi uhi. 8Kush in tapa Nimrod a nei hi. Amah lei ah mi hattak a honghi panta hi. 9Toupa ma ah sabengmi hattak ahi a; huaiziak in ahi, “Toupa ma a sabeng hattak Nimrod bang ahi” a chih zel uh. 10A lal patna Sinar gam a Babel khua, Erek khua, Akkad khua leh Shinar gam a Kalneh khua ahi uh. 11Huai gam a kipan a pawt a, Assuria gam ah a lut a, Ninevi khua, Rehoboth Ir khua leh Kaineh khua a sat hi. 12Ninevi leh Kalah kikal ah Resen khua a sat a, huai Resen khua thupitak ahi.

13Mizraim in Ludim, Ananim, Lehabim, Naphtuhim, 14Pathrusim leh Kasluhim, Philistiate leh Kaphtorimte pawtna, a suangta hi.

15Kanan in tapa masa Zidon a nei a, Heth leng a neilai a, 16Jesbuste, Amorte, Girgaste; 17Hivte, Arkate, Sinte; 18Arvadte, Zemarte, Hamathte a suang a; huai nung in Kanaan namte a ki thehzakta uhi. 19Kanante gamgi Zidon khua a kipan Gerar, Gaza, Sodom leh Gomorrah, Admah, Zeboim leh Lasa khua tan ahi. 20Huaite, a namte bangzel leh a paute, a gamte leh a namte lak ua bangzel in Ham suante ahi uhi.

21Shem, Eber ta tengteng suangpa, Japheth u in leng tate a nei hi. 22Shem tate: Elam, Assur, Arpaksad, Lud leh Aram ahi uh. 23Aram tapate: Uz, Hul, Gether leh Mas ahi uh. 24Arpaksad in tapa Shelah a nei a; Shelah in tapa Eber a nei hi. 25Eber in tapa nih a nei a: khat min Peleg ahi a, a damlai in lei khen in a omta ngal a; a nau min Joktan ahi. 26Joktan in tapa Almodad, Seleph, Hazarmaveth, Jerah; 27Hadoram, Uzal, Diklah; 28Obal, Abimael, Sheba; 29Ophir, Havilah leh Jobab a nei a; huai tengteng Joktan tapate ahi uh. 30A tenna uh Mesa a kipan suahlam tang Sephar tan ahi. 31Huaite Shem suante ahi uh, a namte bangzel leh a paute bangzel in, a gamte ah leh a chite bangzel in.

32Huaite Noah suan namte ahi ua, a suante uh bangzel in a chite uh lak ah; tuichim tun nung in huaite a kipan ahi a; lei a chichih khenkhiat ahi uhi.

Currently Selected:

GENESIS 10: PAITBSI

Highlight

Copy