Rom PROSTAVNA
PROSTAVNA
Romache povitr-sobhek bhett diunk ieujilem te khatir, toiar zaunk Romkarank boroil’lem Pauluchem potr. Romak bhavarteam modem thoddo vell vaur korunk ani uprant tancho adhar gheun Espaneak vochunk Pauluchi ievzonn asli. Kristi bhavarta vixim ani kristi bhavarteancheam jivitak to bhavart koso lagu zata te vixim apli somzonni diunk to hem boroita. Pauluchea sondexachem ekdom sompurnn spoxtt sangnnem hea pustokant asa.
Romache povitr-sobhek noman korun ani tanche passot apleam magnneam vixim tankam sangun, Paulu hea potracho vixoi to, oso spoxtt sangta: “Konn porim, survatek tem xevottak porian , bhavarta udexinch, monxak Dev Apnnak manovto korta” tem, hem xubhvhortoman uzvaddik korta (Rom. 1:17)
Uprant, Paulu, ho vixoi sudharun fuddem vhorta. Sogllim ek sarkim patkache podve khala asat dekhun, sogllea monxakullak Judevank toxem Videxeank Devan Apnnak manovto korchi goroz. Krista sovem bhavarta udexim mon’xank Dev Apnnak manovto korta. Devakodde novi soirigot zaun, Krista sovem ekvottan hem novem jivit Paulu bariksannen dakhoun dita. Povitr Atmea udexim tea kristi bhavarteak Deva sovem xanti mellta toxench patkache ani mornnache te podventlo to sutt’ta. Hea kristi bhavarteachea jivitant Somurticho ani Devachea Atmeache te podvecho hetu kitem to-i Paulu 5-8 veam avesoramnim bhasabhas korta. Uprant mon’xakulla khatir Devache ieuzonnent Judev lok ani Videxi koxim sobtat tea prosnnak zabab sodun kaddunk ho apostl zuzta. Devachi doiallai soglleam mon’xakullak mellche khatir, Jezu vixim Judevanchi nakarnni Devache ievzonnecho to bhag mhonn to tharaun kaddta, ani Judev lok Jezuk sodanch nakarchim nant mhonn to mandun gheta. Nimanne kodden, kheritponnim dusream kodde soirigotimnim mogache chali vixim, Kristi jivit koxem jieunchem tem Paulu boroita. Sorkara ani eka-meka sovem Kristi bhavarteanchi zababdari ani ontoskornnacheo gozali, osle vixoi, Devachi seva mhonn to gheta. Xekim khasgi sondexan ani Devak vakhann’ni diun to hem potr sompoita.
Hea Potrache Manddavollicho Attap
Prostavna ani prokaran 1:1-17
Monxak taronnachi goroz 1:18—3:20
Devachi ievzonn taronna vixim 3:21—4:25
Krista sovem novem jivit 5:1—8:39
Izraela vixim Devachi ievzonn 9:1—11:36
Kristi Bhavarteanchi vagnnuk 12:1—15:13
Khasgim noman ani sompadni 15:14—16:27
Currently Selected:
Rom PROSTAVNA: KONKABSI
Highlight
Share
Copy
Want to have your highlights saved across all your devices? Sign up or sign in
Konkani Goan NT - Novo Korar NT
Copyright © Bible Society of India, 2010.
Used by permission. All rights reserved worldwide.