PHILIPPI Ka Jinglamphrang
Ka Jinglamphrang
Ïa Ka Shithi U Paul Sha Ki Nong Philippi la thoh sha ka balang kaba nyngkong kaba u Paul u la seng ha Ïurop, ha ka probins#1:0 probins: Kane ka dei ba shu bud beit ïa ka kyntien Province ha ka jingspeldak Khasi. ka Hima Rom ha Makedonia. La thoh ïa ka katba u Paul u dang don ha byndi, bad ha ka por kaba la pynshitom jingmut ïa u da ka jingsngew pyrshah kiwei pat ki nongtrei Khristan ïa u bad kiba pynkhuslai da ka jinghikai bakla ha ka balang ha Philippi. Pynban, kane ka shithi ka pynïoh ïa ka lyer ka jingkmen bad jingsngewskhem ïa kaba lah ban batai tang da ka jingngeit kaba jylliew jong u Paul ha U Jisu Khrist.
Ka daw kaba kongsan haba thoh ïa kane ka shithi ka long ban ai khublei ïa ki Khristan ha Philippi na ka bynta ka jingai ïa kaba ki la phah sha u ha ka por kyrduh. U shim ïa kane ka kabu ban pynskhem biang ïa ki, khnang ba ki lah ban ïoh ïa ka jingshlur bad ka jingsngewskhem wat hapdeng ki jingeh jong u baroh bad ki jong ki ruh. U ïasaid bad ki, ba kin ïoh ïa ka jingsngewrit U Jisu ban ïa kaba shah synshar da ki jingkhwan lalot bad jingsarong. U pynkynmaw ïa ki, ba ka jingim jong ki ha U Khrist ka long ka jingai ïa ka jingaiei U Blei ïa kaba ki la ïohpdiang da ka jingngeit, ym da kaba kohnguh ïa ki niam ki rukom jong ka hukum ki Jiw. U thoh ïa ka jingkmen bad ka jingsuk ba U Blei u ai ha kito kiba im ha U Khrist.
Ha kane ka shithi la ban bha ïa ka jingkmen, ki jingsngewskhem, ka jingïalong shi tylli, bad ka jingïaishah ha ka jingim bad jingngeit Khristan. Ka pynpaw ruh ïa ka jingsngewieit bajylliew kaba u Paul u don na ka bynta ka balang ha Philippi.
Ki Jingkdew
Ka jinglamphrang 1:1-11
Ki jingjia bashimet jong u Paul 1:12-26
Ka jingim ha U Khrist 1:27—2:18
Ka jingthmu na ka bynta u Timothi bad u Epaphroditos 2:19-30
Ki jingmaham pyrshah ïa ki nongshun bad ki jingma 3:1—4:9
U Paul bad ki paralok jong u na Philippi 4:10-20
Ka jingpynkut 4:21-23
Currently Selected:
PHILIPPI Ka Jinglamphrang: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.