MALAKHI 1
1
1Kane ka dei ka khubor kaba U Trai u la ai ha u Malakhi ban ïathuh ïa ki paid Israel.
Ka jingieit U Trai ïa ki Israel
2 #
Rom. 9:13
#
Isa. 34:5-17; 63:1-6; Jer. 49:7-22; Ese. 25:12-14; 35:1-15; Amo. 1:11,12; Oba. 1:1-14 U Trai u ong ha ki briew jong u, “Nga la ju ieit ïa phi borabor.”
Hynrei ki jubab, “Da kumno me la pyn-i ïa ka jingieit jong me ïa ngi?”
U Trai u jubab, “U Iso bad u Jakob ki la long shi para, hynrei nga la ieit ïa u Jakob bad ïa ki khun ki ksiew jong u, 3bad nga la isih ïa u Iso bad ïa ki khun ki ksiew jong u. Nga la pynjot thiaw ïa ka ri lum jong u Iso bad iehnoh noh ïa ka ri ha ki myrsiang.”
4Lada ki khun ki ksiew u Iso, ki Edom, ki ong, “Ïa ki shnong jong ngi la pynjot, hynrei ngin tei pat ïa ki,” te U Trai un jubab, “To ai ba kin tei pat — ngan pynpra biang ïa ki. Ki briew kin khot ïa ki ‘Ka ri kaba sniew’ bad ‘Ka jaitbynriew ïa kaba U Trai u bitar junom.’ ”
5Ki paid Israel kin ïohi ïa kane da ki khmat jong ki hi, bad kin ong, “U Trai u long uba donbor wat shabar ka ri ki Israel!”
U Trai u sneng ïa ki lyngdoh
6U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’ 7Ka dei kumne — kaba ainguh da ka jingbam ka bymdondor ha ka duwan jong nga. Nangta phi kylli, ‘Kumno ngi la rem ha kaba ñiewkor ïa me?’ Ngan ong ïa phi — da kaba phi ñiewbeiñ ïa ka duwan jong nga. 8#Deut. 15:21Haba phi wallam da u jingri uba matlah ne uba pang ne uba dkoh ban kñia ha nga, hato phi pyrkhat ba kam don jingbakla ha kata? Pyrshang ban ai da uba kum uta u jingri ha u lat! Hato un sngewbha ïa phi ne ai ha phi ïa kiba phi kyrpad?”
9Mynta, phi ki lyngdoh, pyrshang ban kyrpad ïa U Blei ba un lehbha ïa ngi. Un ym jubab ïa ki jingduwai jong phi, bad kan long ka jingbakla jong phi. 10U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga. 11Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga! 12Hynrei phi phim burom ïa nga haba phi ong ba ka duwan jong nga kam dondor satia bad haba phi ainguh ha ka da ki jingbam kiba phi la kyntait. 13Phi ong, ‘Katno ngi la ngiah ïa kane baroh!’ bad phi pyn-i ïa ka khmut jong phi sha nga. Kum ka jingainguh jong phi sha nga phi wanrah ïa u jingri ba la shu tuh ne uta uba dkoh ne uba pang. Hato phi pyrkhat ba ngan pdiang ïa kata na phi? 14Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”
Currently Selected:
MALAKHI 1: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.
