ÏOANNIS 21

U Jisu u paw ha ki hynñiew ngut ki Synran

1Hadien kane, U Jisu u la paw sa shisien pat ha la ki synran hajan ka duriaw Tiberias. Kane ka long kumno ka la jia. 2U Simon Petros, U Thomas (ba la khot uba Kha Synrap), u Nathanael (uto uba na Kana ha Galilaïa), ki khun u Sebedi, bad ar ngut kiwei pat ki synran U Jisu ki la don lang. 3#Luk. 5:5U Simon Petros u la ong ha kita kiwei pat, “Ngan leit tong dohkha noh.”

“Ngin wan lang bad me,” ki la ong ha u. Kumta ki la ïamihnoh ha ka lieng, hynrei baroh shi miet kim shym la ngat ei ei ruh. 4Katba nang mih ka sngi, U Jisu u la ïeng halor ryngkew, hynrei ki synran kim ithuh ba dei U Jisu. 5Kumta u la kylli ïa ki, “Ko samla, phi la ïangat ei ei?”

“Ei ei ruh em,” ki la jubab.

6 # Luk. 5:6 U la ong ha ki, “Bret ïa ka jar shaphang kamon jong ka lieng, bad phin sa ngat katto katne.” Kumta ki la bret ïa ka jar bad kim lah tan shuh ïa ka, namar ba ki la ngat bun eh ki dohkha.

7U synran ïa uba U Jisu u ieit u la ong ha u Petros, “U dei U Trai!” Haba u Petros u la ïohsngew ba dei U Trai, u tap da ka jaiñ ïa la ka met (naba u la loit noh ïa la ki jaiñphong) bad u la ryngkoh shapoh um. 8Kiwei pat ki synran ki la wan sha ryngkew ha ka lieng, ki da ïatan ïa ka jar kaba la dap da ki dohkha. Kim shym da don jngai eh na ryngkew, kumba shispah mitar ei ei. 9Haba ki la ïa jam sha ryngkew, ki la ïohi ïa u rnga ding hangta bad ïa ka dohkha ba la buh halor jong ka, bad katto katne u kpu. 10Te U Jisu u la ong ha ki, “To wallam katto katne tylli ki dohkha kiba phi dang shu ngat.”

11U Simon Petros u la leit kiew ha ka lieng bad u la tan sha ryngkew ïa ka jar kaba la dap da ki dohkha kiba heh, baroh ki don shispah sanphew lai tylli; wat la ki la bun katta, pynban kata ka jar kam shym la kad. 12U Jisu u la ong ha ki, “To wan bad to ïabam.” Ym don uwei ruh na ki synran uba la nud ban kylli ïa u, “Me dei uei?” namar ki la tip ba u dei U Trai. 13Te U Jisu u la leit sha khmat, u la shim ïa u kpu, bad u la ai ïa u ha ki; u leh kumjuh ruh bad kita ki dohkha.

14Kane, te, ka la long ka sien kaba lai ba U Jisu u la paw ha ki synran hadien ba u la mihpat na ka jingïap.

U Jisu bad u Petros

15Hadien ba ki la dep bam, U Jisu u la ong ïa u Simon Petros, “Ko Simon, u khun jong u Jona, me kham ieit ma me ïa nga ban ïa kaba kine kiwei ki ieit?”

“Ho-oid, ko Trai,” u la jubab, “me tip ba nga ieit ïa me.”

U Jisu u la ong ha u, “To sumar ïa ki khunlangbrot jong nga.” 16Ha ka sien kaba ar U Jisu u la ong ha u, “Ko Simon, u khun jong u Jona, me ieit ïa nga?”

“Ho-oid, ko Trai,” u la jubab, “me tip ba nga ieit ïa me.”

U Jisu u la ong ha u, “To sumar ïa ki langbrot jong nga.” 17Ha ka sien kaba lai U Jisu u la ong, “Ko Simon, u khun jong u Jona, me ieit ïa nga?”

U Petros u la sngewsih namar ba U Jisu u la kylli ïa u ha ka sien kaba lai, “Me ieit ïa nga?” kumta u la ong ha u, “Ko Trai, me tip ïa kiei kiei baroh; me tip ba nga ieit ïa me!”

U Jisu u la ong ha u, “To sumar ïa ki langbrot jong nga. 18Nga ïathuh ha me ïa ka jingshisha: Haba me dang samla, me ju long uba la pynkhreh bad me leit kat shaba me mon; hynrei haba me la tymmen, men kner la ki jong ki kti bad uwei pat un teh un khum ïa me bad un ïalam ïa me sha kaba mem kwah ban leit.” 19(Ha kaba ong kumne, U Jisu u la kdew kaba kumno u Petros un ïap bad pyndonburom ïa U Blei.) Te U Jisu u la ong ha u, “To bud ïa nga!”

U Jisu bad uwei pat u Synran

20 # Ïoan. 13:25 U Petros u la phai sawdong bad u la ïohi hadien jong u ïa uta uwei pat u synran, ïa uba U Jisu u ieit — uta uba la shong shaniah ha U Jisu ha ka jingïabam miet bad uba la kylli, “Ko Trai, uei u ban sa shetkylla ïa me?” 21Haba u Petros u la ïohi ïa u, u la kylli ïa U Jisu, “Ko Trai, kumno shaphang une u briew?”

22U Jisu u la jubab ïa u, “Lada nga mon ïa u ba un im tad ynda nga wan, ka pher aïu ïa me? To bud ïa nga!”

23Kumta ka khubor ka la pur hapdeng ki nongbud jong U Jisu ba une u synran un ym ïap. Hynrei U Jisu um shym ong ba un ym ïap; u la ong, “Lada nga mon ïa u ba un im tad ynda nga wan, ka pher aïu ïa me?”

24U long u synran uba la kren kine kiei kiei, uta uba la thoh ruh ïa kine; bad ngi tip ba kaei kaba u ong ka long kaba shisha.

Ka jingpynkut

25Mynta, don bun kiwei pat kiei kiei kiba U Jisu u la leh. Lada la thoh ïa ki baroh kawei pa kawei, nga tharai ba ka pyrthei baroh kawei kan ym ngiam jaka ïa ki kitab ha kiba yn thoh.

Currently Selected:

ÏOANNIS 21: KHACLBSI

Highlight

Copy