1 TIMOTHI Ka jinglamphrang
Ka jinglamphrang
U Timothi, u samla Khristan na Asia Minor, u la long u khun jong ka kmie kaba long ka Jiw bad u kpa uba long u Grik. U la long u paralok bad u nongïarap ïa u Paul ha ka jingtrei mission jong u. Ka Shithi Kaba Nyngkong U Paul Sha U Timothi ka kren shaphang lai tylli ki mat kiba kongsan.
Ka shithi, nyngkong eh ka long ka jingmaham pyrshah ïa ka jinghikai lamler ha ka balang. Ïa kane ka jinghikai, kaba ïakhleh lang na ki jingpyrkhat ki Jiw bad ki bym long ki Jiw, la pynshong nongrim ha ka jingngeit ba ka pyrthei kaba ngi im ka long kaba sniew bad ba uno uno u lah ban ïoh ïa ka jingpynim tang da ka jingtip buhrieh kaba kyrpang bad da ki jingleh kiba shabar kum kaba kyndiah na ki katto katne ki jingbam bad kaba khlem shongkurim. Ka shithi ka kynthup ruh ïa ki jinghikai shaphang ka rukom pynïaid balang bad ka jingmane Blei, lem bad ka jingbatai ïa ki jinglong kiba kumno ki nongïalam balang bad ki nongïarap ki dei ban don. Ha kaba kut, ïa u Timothi la sneng kumno ban long u shakri babha jong U Jisu Khrist bad shaphang ki jingkitkhlieh kiba u don ïa ki kynhun babun jong ki bangeit.
Ki Jingkdew
Ka jinglamphrang 1:1-2
Ki jinghikai kiba dei ïa ka balang bad ïa ki rangbah pynïaidkam jong ka 1:3—3:16
Ki jinghikai ïa u Timothi shaphang ka kam jong u 4:1—6:21
Currently Selected:
1 TIMOTHI Ka jinglamphrang: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.