JOHAN 3

Isu le Nikodem

1Chun, Pharisaihai laia mi, a hming Nikodem, Judahai hotu pakhat a um a;

2ama chu zânah Isu kuomah a hung a, a kuomah, “Rabbi, Pathiena inthawka inchûktirtua hung i ni ti kan hriet; Pathien an chungah a um naw chun hieng thilmak i thawhai hi tukhawmin thaw thei naw ni hai,” a ta.

3Isûn a dawn a, a kuomah, “Titakzetin, titakzetin ka hril che hi mi tûkhawm an pieng thar naw chun, Pathien ram hmu thei naw ni hai,” a ta.

4Nikodemin a kuomah, “Mi a tar hnungin iengtin am pieng thei a ta? A nu sulah vawi hni lûtin a pieng ding am a nih?” a ta.

5Isûn a dawn a, “Titakzetin, titakzetin ka hril che hi, mi tûkhawm tuia le Thlaraua an pieng naw chun Pathien ramah lût thei naw ni hai,

6taksaa pieng taphawt taksa a nih, Thlaraua pieng taphawt chu thlarau a nih.

7In pieng thar ding ka ti che hi mak ti naw rawh.

8Thli khâwlai khawm a nuom nuomin a hrâng hlak, a ri i hriet deh, nisienlakhawm, khâwtaka inthawka hung am, khâwlai am a fe ding ti i hriet si nawh; tûkhawm Thlaraua pieng chu chuong ang chu an nih,” a ta.

9Chun, Nikodemin a dawn a, a kuomah, “Chuong thil chu iengtin am um thei a ta?” a ta.

10Isûn a dawn a, a kuomah, “Israelhai inchûktirtu i ni si a, chuong chu i hriet naw maw?

11Titakzetin, titakzetin ka hril che hi, keinîn kan hriet chu kan hril hlak, kan hmu chu kan inhriettir hlak; nisienlakhawm, kan thu inhriettir in awi ngai si nawh.

12Khawvêla thil ka hril hmana awi lo cheu a, vâna thil hril lang cheu iengtin am awi in ta?

13Vânah tukhawm an lâwn ngai nawh, vâna inthawka hung ṭum Mihriem Naupa#Ziek ṭhena chu “vâna um” ti an bel chau naw hi chu.

14 # Nam 21.9 “Chun, Mosiein thlalêra rûl a khai kâng ang khan, Mihriem Naupa hi khai kângin a um bawk ding a nih;

15tûkhawm a ring taphawt chun ama leia chatuona hringna an neina dingin.

16Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

17Khawvêl thiemnaw inchangtir dingin Pathienin a Nau khawvêlah a tir nawh, khawvêl ama leia an dam theina dingin a tir a ni lem.

18“Tûkhawm ama ring chu inthiemlovin um naw ni hai, tukhawm a ring naw chu tuta inthawkin inthiemlovin an um nghâl a nih, Pathien Naupa khât nei hming an ring naw leiin.

19Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

20Tûkhawm thil suksuol taphawt chun var an theida hlak, vara khawm an hung nawh, chuong naw chun, an thilthawhai inlang a tih.

21Amiruokchu tûkhawm a thaw dik phawt chu, an thilthawhai Pathien leia thaw an ni ti ân langna dingin, varah an hung hlak,” a ta.

Isu le Johan thu

22Chuong hnunga chun Isu chu a inchûktirhai leh Judai ramah an fe a, chutaka chun Isu an kuomah a um zing a, a baptis hlak a.

23Johan khawmin Ainonah, Salim kâwlah, a baptis bawk a, chutaka chun tui a tam leiin, chun, mi an hung a, baptisma an chang tâwl a.

24 # Mt 14.3; Mk 6.17; Lk 3.19-20 Chuong lai chun Johan intângna inah an la khum si nawh.

25Chun, Johan inchûktirhai le Juda pakhat inthien dân thuah an lo insêl a.

26Johan kuomah an hung a, a kuomah, “Rabbi, Jordan râla i kuoma um, a thu mi în hriettir khan, ngai ta, kha pa khan mi a baptis a, mi po po a kuomah an hung a nih,” an ta.

27Johanin a dawn a, “Mihriemin iengkhawm an nei thei nawh, vâna mi pêk a ni naw chun,

28 # Jn 1.20 ‘Kei Krista ka ni nawh, a hmaa mi tir ka nih,’ ka ti kha nangni ngei a mi hrietpuitu in nih.

29Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

30Ama chu tlatlum ding a nih, kei ruok chu inlâng ding ka nih.

Vâna inthawka hung chu

31“Chung tienga hung chu mi po po nêka chunghnungtak a nih; hnuoia pieng chu hnuoia mi a nih, hnuoi thu a hril hlak, vâna inthawka hung chu mi po po nêka#“Mi po po chunga mi,” annawleh “Mi po poa chunghnung tak” chunghnungtak a nih.

32A hmu le a hriet taphawt ân hriettir hlak a nih; tukhawmin a thu inhriettir an awi nawh.

33A thu inhriettir awi chun, ‘Pathien chu mi indiktak a nih,’ tiin a hming namin a ziek.

34Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

35 # Mt 11.27; Lk 10.32 Pa chun Nau a hmangai a, a kutah iengkim a rêngin a pêk tah.

36Tûkhawm Nau ring taphawt chun chatuona hringna an nei tah, nisienlakhawm, tûkhawm Nau thu awi naw taphawt chun hringna nei naw hi hai, Pathien lunginsenna an chungah a um zing lem a nih,” a ta.

Currently Selected:

JOHAN 3: HMOVBSI

Highlight

Copy