INṬANNA 10

Noa naupasalhai thlahai

1Hieng hi Noa naupasal, Sem, Ham, le Japheth thlahai chu an nih; tuilêt hnunga naupasal an ineihai chu.

2Japheth naupasalhai chu: Gomer, Magog, Madai, Javan, Tubal, Mesek le Tiras an nih.

3Gomer naupasalhai chu: Askenaz, Riphath le Togarma an nih.

4Javan naupasalhai chu: Elisa, Tarsis, Kittim le Dodanim an nih.

5Chuonghaia inthawk chun a nih tuipui kama hnamhai chu anni ram ramah an indar ta chu: anni ṭawng ang pei le, anni hnam ang peiin, anni chihai laia seng chun.

6Ham naupasalhai chu: Kush, Mizraim, Put le Kanaan an nih.

7Kush naupasalhai chu Seba, Havila, Sabta, Raama le Sabteka hai an nih. Raama naupasalhai chu Sheba le Dedan an nih.

8Kush chun naupasal Nimrod a nei a: ama chu hnuoia mi hrât hmasatak a nih.

9 Lalpa hmaa ramsuok mi hrâttak a nih; chuleiin a nih, “Lalpa hmaa ramsuok mi hrâttak Nimrod ang a nih,” an ti hlak chu.

10Ân lal phutna chu Sinar rama Babel, Erek, Akkad le Kalne khuo a nih.

11Chu rama inthawk chun a suok a, Assuriaah a lût a, Ninevi, Rehoboth-Ir, Kala le,

12Ninevi le Kala inkâra Resen khuohai a siem a (chu Resen chu khaw ropuitak a nih).

13Chun, Mizraim chun Lud, Anam, Lahab, Naphtu,

14Pathrus, Kaslu (Philistinhai suokna) le Kaphtor mihai a thla a.

15Kanaan chun a nau lutîrah Zidon a nei a, Heth khawm a nei bawk a;

16Jebus-hai, Amor-hai, Girgashai,

17Hiv-hai, Arko-hai, Sin-hai,

18Arvad-hai, Zemar-hai, Hamathai, a thla a; chu hnunga chun Kanaan hnamhai chu an hung indar lien pei ta a.

19Chun, Kanaan hnamhai ramri chu Zidona inthawkin Gerar pan zâwngin Gaza chenin; Sodom, Gomorra, Adma le Zeboiim pan zâwngin, Lasa chenin a nih.

20Chuonghai chu Ham thlahai chu an nih, anni hnamhai ang pei le anni ṭawng ang peiin, anni ram rama le anni chi lai chun.

21Sem, Eber nau po pohai thlatu, Japheth u khawm chun nauhai a nei ve a.

22Sem naupasalhai chu: Elam, Assur, Arpaksad, Lud le Aram an nih.

23Aram nauhai chu: Uz, Hul, Gether le Mash an nih.

24Arpaksad chun naupasal Sela a nei a; Sela chun naupasal Eber a nei a.

25Eber chun naupasal pahni a nei a: pakhat hming chu Peleg a na, a dam lai chun hnuoi hi ṭhein a um ta si a, a sang hming chu Joktan a nih. 26Joktan chun naupasal Almodad, Seleph, Hazarmaveth, Jera,

27Hadoram, Uzal, Dikla,

28Obal, Abimael, Seba,

29Ophir, Havila le Jobab a nei a: chuong po po chu Joktan naupasalhai an nih.

30Chun, an umna chu Mesaa inthawkin khawsak tlâng Sephar pan zâwngin a nih.

31Chuonghai chu Sem thlahai chu an ni a, anni hnamhai ang pei le anni ṭawnghai ang peiin, anni ram ramhaiah, anni chihai ang pei chun.

32Chuonghai chu Noa thlahai hnamhai an ni a, an thlahai ang peiin, an chihai lai chun: tui lêt hnungin chuonghaia inthawk chun a nih, hnuoia hin chi tin an indar ta chu.

Currently Selected:

INṬANNA 10: HMOVBSI

Highlight

Copy