ZEKARIA 9
9
A kâwlvêla hnamhai chunga rorêlna
1 #
Is 17.1-3; Jer 49.23-27; Am 1.3-5 Hadrak ram chunga LALPA thu phurrik chu, Damaska chu ân nghatna hmun nîng a tih; mihriem le Israel hnam po po mit chu LALPA tieng a ngha ta sih a;
2Hamath inripuitu chu ni bawk a ta; Tura le Sidon khawm, var hle hai sienkhawm.
3Tura chun kul dettakhai a ta dingin a bâwl a, tangka chu pilvut ang el le rângkachak inthieng chu khawlai chirhak ang elin a sie- khâwl a.
4 #
Is 23.1-18; Ezek 26.1—28.26; Joel 3.4-8; Am 1.9-10; Mt 11.21-22; Lk 10.13-14 Ngai ta, ama chu LALPA chun hnawt suok a ta, tuisuorieta chun a thilthawtheina chu suksieng a tih, chun, meia kâng hmangin um a tih.
5Askelon chun hmûng a ta, ṭîng a tih; Gaza khawmin hmûng a ta, nasa- taka suknatin um a tih; chun, Ekron khawm, a beiseina chu a thlâwn ding a ni sih a; Gazaa inthawk chun lal chu bohmang a ta; Askelon khawm chu hluo ni ta naw ni.
6Asdoda chun hnam inthlapawl chu chêng an ta; Philistin mihai chapona chu sât thlâng ka tih.
7 #
Is 14.29-31; Jer 47.1-7; Ezek 25.15-17; Joel 3.4-8; Am 1.6-8; Zeph 2.4-7 A thisen chu a baua inthawkin le a tirdakumna chu a hahai kâra in- thawkin la hmang ka ta; ama khawm chu ei Pathien ta dinga a la um sun hung nîng a tih; Judaa chun lal hung nîng a ta, Ekron mihai chu Jebus mi ang hung nîng an tih.
8Chun, sipai râl vêng pâwl angin ka in vêla chun umnghâng ka ta, tukhawm fe thlengin kîr naw ni hai a; nêksâwrtuhai khawm fe thleng nâwk ta ngai hrim hrim naw ni hai, tuhin keia mit ngeiin ka hmu ta sih a.
Ziona lal hung tlung ding
9 #
Mt 21.5; Jn 12.15 Aw Zion naunu, nasatakin hlim rawh; aw Jerusalem naunu, inring- takin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngai- tlâwmtakin, sabengtung chungah, sabengtungtê chung ngeia hung chuongin.
10 #
Sm 72.8 Ephraima inthawkin tawlailîr chu sât thlâng ka ta, sakawr chu Jerusalema inthawkin; chun, indona thalngul chu sât thliek ni tâng a tih; chun, ama chun hnamhai kuoma chun inremna thu hril a ta; a ramawp chu tuisuorieta inthawka tuisuoriet chen, Vadungpuia inthawka leihnuoi tâwp chen nîng a tih.
Zion tungding nâwk ding thu
11Chun, nanga chungthua chun, i thuthlung thisen leiin i sal intânghai chu khur sûng tui um nawnaa in- thawk chun ka tir suok tah a.
12Nangni beiseina lungin intâng- hai, kul ngheta chun hung kîr nâwk ro; a lêt hniin ka pêk ding cheu a nih ti vawisûn ngei hin ka phuong hi.
13Ka thalngul dingin Juda chu ka kuoi a, Ephraim chu a thalah ka siem a; Aw Zion, i naupasalhai chu i nau- pasalhai chunga ngei chun ka chawktho ding a nih; aw Grik, mi hrâttak kâwlhnâm angin siem ka ti che.
14LALPA chu anni chunga chun hmu nîng a ta, a thal chu kâwlinlep angin fe suok a tih; chun, Lalpa PA- THIEN chun tawtawrâwt chu mût a ta, simtieng thlivir le chun fêng a tih.
15Sipaihai LALPA chun anni chu hliekhûng a ta; chun, fa zo an ta, vailungdêngin hnêng an ta; chun, dâwn an ta, uoin inrui angin risie siem an ta, mâichâm kilhai ang le thlêngkûmhai anga suksip nîng an tih.
16Chu ni chun LALPA an Pathien chun a mihai chu berâm ruol angin sandam a ta; a ram chunga nasataka varin, lallukhuma lunghlu zep ang chu an ni ding a ni sih a.
17A ṭhatna chu a va nasa lâwm lâwmin, a mawina chu a va nasa lâwm lâwm deh aw! bu chun tlang- vâlhai chu sukhlim a ta, uoin thar chun nunghâkhai chu sukhlim a tih.
Currently Selected:
ZEKARIA 9: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
