ZEKARIA 14
14
Jerusalem le hnamhai
1Ngai ta, LALPA ni chu a hung tlung ie, nangmaa inthawka râllâk sum i sûnga an insem ni ding chu.
2Jerusalem chu do dingin hnam po po chu ka kei khâwm ding a ni sih a; khawpui chu lâk nîng a ta, inhai chu kâpkhumin um an ta, nuhmeihai chu ṭhuoi hmangin um an ta, chun, a khawpui chenve zet chu salah fêng an ta, mi la um sunhai ruok chu khaw- puia inthawka sât thlâk ni naw ni hai.
3Chun, LALPA chu fe suok a ta, indona nia a do angin, chuong hnam- hai chunga chun do a tih.
4Chu nia chun a kehai chu Oliv tlânghai, Jerusalem sak ela umhai chunga chun ngîr a ta, chun, Oliv tlânghai chu a laia chun saktieng le thlangtienga chun kakintan a ta, chuongchun, ruom nasatak hung um a tih; chun, chu tlâng chenve chu hmârtieng insawn a ta, a chenve dang chu simtieng insawn a tih.
5Chun, ka tlânghai ruoma chun tlânsieng in ta; tlânghai ruom chun Azel a tlung rak ding a ni sih a: anih, Juda lal Uzzia inlal laia simkhaw- leihnuoi inhnînga in tlânsiet ang khan, tlânsieng in tih; chun, LALPA ka Pathien chu hung a tih, a kuoma mi inthienghai po po leh.
6Chu ni chun a var khawm chu var ta naw nih a, inthim lem tâng a ta;
7amiruokchu, ni khat, LALPA ihriet chu um a tih; sûn khawm ni naw nih a, zân khawm ni naw bawk a tih, amiruokchu, zântieng huna hin var chu hung um a tih.
8 #
Ezek 47.1; Jn 7.38; Tp 22.1 Chun, chu nia chun tui hringhai Jerusalema inthawkin hung suok a ta; a chenve chu saktieng tuisuoriet- ah, a chenve chu thlangtieng tuisuo- rietah, nipui lai le thlasik huna khawm a ni ding a nih.
9Chun, LALPA chu leihnuoi po po chunga laltak ni tâng a ta, chu nia chun LALPA chu pakhat nîng a ta, a hming khawm pakhat chau nîng a tih.
10Ram po po chu Araba, Gebaa inthawka Jerusalem sima Rimmon tienga a lêtkîr angin inher tâng a ta; chun, Jerusalem chu chawisângin um a ta, ama hmun ngei, Benjamin in kawtkhâra inthawka kawtkhâr hma- satak, kul kil kawtkhâr chen le, Hananel in insânga inthawka lal uoin sâwrna khur chenin, chang tâng a tih.
11 #
Tp 22.3 Chun, mihai chu a sûnga chun chêng an ta, ṭawngsie hrim um ta naw nih a; Jerusalem chu himtaka hluo ni lem tâng a tih.
12Chun, hihi hnam po pohai Jerusalem dotuhai chunga LALPAIN a hremna ding hri chu nîng a tih; an kehaia an ngîr zing laiin an taksa chu hung kawrhmang a ta, an mithai chu an mitkhurhaia chun hung thêp- hmang a ta, an leihai khawm chu an bauah hung bohmang a tih.
13Chun, chu ni chun LALPAA inthawka buoina nasatak el chu anni lai chun um a tih; mi tinin mâni tuolbâwm kut chu chel an ta, a kut chu a tuolbâwm kut chunga chun inlet nîng a tih.
14Chun, Juda khawm chun Jerusalem chu do tâng a ta; kil tina hnam po pohai hausakna; rângka- chak dâm, tangka dâm, silfên dâm nasataka tam lâk khâwm nîng a tih.
15Chun, hi hri ang bawk hin, chuong puon inhaia um ran po pohai, sabengtung dâm, sanghâwngsei dâm, sabengtung lien chi dâm, sakawr dâm hri chu chuong ang bawk chun um a tih.
16 #
Lev 23.39-43 Chun, Jerusalem hung thawtu hnam po pohaia a la um sunhai chu kum tin tinin laltak, sipaihai LALPA chu be ding le, Bâwkte ruoiṭhe chu nei dingin hang fe rawp hlak an tih.
17Chun, leihnuoia hnamhai po po tukhawm Laltak, sipaihai LALPA chu be dinga Jerusalema hang fe nawhai chunga chun ruo sûr naw ni.
18Aigupta hnam khawm chu a hang fe nawh a, a hung naw chun, an chungah sûr bik naw nih a, bâwkte ruoiṭhe nei dinga hang fe nawhai hnam LALPAIN a hremna hri chu an chungah um a tih.
19 #
Is 19; Jer 46; Ezek 29—32 Hi hi Aigupta ram hremna chu nîng a ta, bâwkte ruoiṭhe nei dinga hang fe naw hnamhai ta dinga hrem- na ni bawk a tih.
20Chu nia chun sakawr dârṭhihai#Telnêng chunga chun, “LALPA TA DINGA INTHIENG,” ti um tâng a ta, LALPA ina bêlhai khawm chu mâichâm hmaa maihûnhai ang ni tâng a tih.
21Anih, Jerusalema bêl tinhai le, Juda rama bêl tinhai chu sipaihai LALPA ta dinga inthieng ni vawng tâng an tih; chun, mi inthâwihai po po chu hung an ta, hung lâng an ta, chu chun suong an tih; chun, chu nia chun sipaihai LALPA ina chun Kanaan#Ziek ṭhenah “Sumdâwngtu” ti a nih mi ti bîk khawm um ta naw nih.
Currently Selected:
ZEKARIA 14: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
