ROM 3
3
1Anleh Juda mi chun sâwtna ieng am a nei chuong bîk a? Sertan khawm chu a sâwtna ieng am a ni leh?
2Kawng tinrêngah a sâwt hle. Pathien thuhai an kuomah inkawl- tira a um lei a ni tak.
3Anni laia ṭhenkhathai ringum nawhai sien khawm ieng am a ni chuong leh? An ringumnawna chun Pathien ringumzie chu ieng khawm niloin a siem chuong am a nih?
4 #
Sm 51.4
Teu lo e! Pathien chu mi indiktak lo ni raw se, mi tin chu mi khêlhlip lo nihai sien khawm: “Nangin i thu hrilin thiem în changtir thei a, rorêlpêka i um khawma i hne theina dingin,” ti ziek ang khan.
5Nisienlakhawm, ei fel nawnahai hin Pathien felna chu a suklang mawi zuol si chun ieng am hril ei ta? Pathienin mi a hrem hin, mi fel lo a ni am a nih? (Mihriem dân takin hril ta inla).
6Teu lo e! Chuong a ni chun Pathienin iengtin am khawvêl ro rêl a ta?
7Nisienlakhawm, ka khêl hril leia Pathien thu indikzie ama sukropui khawp raua ân lang nâwk pei chun, ieng dinga kei khawm mi suol anga thiemnaw inchangtira la um rawp am ka na?
8Mîn an mi hêk a, mi ṭhenkhatin ka hril naw tawp an mîn hriltir angin ieng dinga, “Thil ṭha a hung theina dingin thil suol thâwng ei tiu,” tiin ei hril lem naw? Chuong ang mihai chun thiemnaw an chang chu a fel a nih.
Tukhawm mi fel an um nawh
9Annawleh, eini Judahai hi anni nêkin ei ṭha chuong bîk am a nih? Teu lo e! Judahai le Grikhai chu angkhat rawnga suolna suoka um vawng ei nih ti hi hma khawmin ei hril ta kha;
10“Tukhawm mi fel hrim an um nawh.
Pakhat bêk khawm an um nawh,
11Tûkhawm a hre thiem hrim an um nawh,
Tûkhawm Pathien zawng hrim an um nawh.
12 #
Sm 14.1-3; 53.1-3 A ni naw tieng an pêt vawng tah a,
Ienga khawm hmang tlâk loin an um vawng tah a;
Tûkhawm thil ṭha thaw hrim an um nawh;
Pakhat bêk khawm an um nawh.
13An hnuk chu thlân inhawng a na,
An leiin inhlêmna thu a hril a,
An bau sûngah rûl tûr a um a,
14 #
Sm 5.9; 140.3; 10.7 An bau chu ṭawngseinphurna le thu khain a sip a.
15An ke chu thisen insuo dingin a pên hrât a;
16An lampuia chun bohmangna le rinumna a um a.
17 #
Is 59.7-8
Lungmuongna lampui khawm an hriet nawh.
18 #
Sm 36.1
An mithmuah Pathien ṭina hrim a um nawh,”
ti ziek ang khan.
19Dânin iengkhawm a hril taphawt chu Dân thu thua umhai kuomah a hril a nih ti ei hriet a, bau tinrêng hupa a um theina ding le, khawvêla mi po po Pathien rorêla an um theina dingin.
20 #
Sm 143.2; Gal 2.16 Chuongchun, mi tukhawm Dâna thilthaw leiin a mithmuah thiem changin um naw ni hai; Dân leiin suol hriet famkimna a hung um a ni sih a.
Ringna leia felna
21Nisienlakhawm, tuhin Dân ṭhang loa Pathien felna chu suk- langin a um tah; Dân le zâwlneihai thu khawma a hril kha a nih;
22 #
Gal 2.16
chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um nawh a.
23Mi po poin thil an suksuol vawng tah a, Pathien ropuina an chang zo ta naw a nih.
24Chuong a ringtuhai chu Krista Isua intlanna um lei chun, lungin- sietnaa a thlâwna thiem inchangtirin an um a.
25Pathienin ama felzie inentir dingin Krista Isu chu a thisen ringnaa suol thuphachawina dingin a ruot a. Pathien zaidawtheinain in- hmaa suolnahai chu hriet naw tehlêm a thaw a nih.
26Ama ngei chu mi fel a nizie le Isua ringna nei taphawt thiem inchangtirtu a ni zie tulaia inentirna dingin a nih.
27Insuongna chu khâwlai am a um leh? A puo tienga khâr nelin a um tah. Ieng dânin am a na? Thilthaw dânin am a nih? Ni lo e, Ringna dânin a ni lem.
28Chuongchun, Dân thil thaw lei ni loin, ringna leiin miin thiem chang dingin ei ngai a nih.
29Pathien chu Judahai Pathien chau am a nih? Jentailhai Pathien khaw m a ni ve naw am a nih? Ni veh e.
30Sertanhai chu an ring leia thiem inchangtirtu ding le, sertan- nawhai chu an ring leia thiem inchangtirtu Pathien pakhat chau a ni si chun, Jentailhai Pathien khawm ni ve ngei naw ni.#Dt 6.4; Gal 3.20
31Anleh, ringna lei ngawtin Dân chu iengkhawm ni loin ei siem el am a nih? Teu lo e! Dân chu ei sukdet lem hman a nih.
Currently Selected:
ROM 3: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
