MARKA 3
3
Kutzeng sukdam
(Mt 12.9-14; Lk 6.6-11)
1Chun, inkhâwmna ina chun a lût nâwk a, chutaka chun mi pakhat kutzeng hi a lo um a.
2Chun, ama an hêk theina dingin Châwlnin a sukdam ding le sukdam naw ding an enthlit a.
3Ama chun kutzeng kuoma chun, “Hung ngîr dawk rawh,” a ta.
4Chun, an kuoma chun, “Châwlni hin sukṭhat am a thieng, suksiet? sandam am a thieng sukhlum?” tiin ân dawn a. Nisienlakhawm, an to zing a.
5Chun, an lungril ngar zie chu pawitipêk bêk bêkin, lungsen puma anni a en vêl hnungin, chu mipa kuoma chun, “I kut phar rawh,” a ta. Chun, a hang phar dawk a, a kut chu a dam tah a.
6Chun, Pharisaihai chu an suok a, ama an sukhlum theinazie ding ngaituoin Herod pâwla mihai le chun an inrâwn nghâl tah a.
Dîl panga mi tamtak sukdam
(Mt 16.16; Lk 6.17-19)
7Chun, Isu chu a inchûktirhai le chun dîl tieng an fe hmang tah a, chuongchun, Galili rama inthawkin mipui nasatakin an zui tah a.
8Chun, a thil thaw ropuizie chu an hrietin, Judai rama inthawk dâmin, Jerusalema inthawk dâmin, Idumai rama inthawk dâmin, Tura le Sidon khuo vêla inthawk dâmin mipui nasatak a kuomah an hung veh a.
9Chun, mipui lei chun a ta dinga lawnglêng pakhat lo siemrêlpêk dingin a închûktirhai a hril a. “Chuong naw chun mi hneng hut hut rawi an tih,” a ta.
10 #
Mk 4.1; Lk 5.1-3 Mi tamtak a sukdam nghâl tah a; chuongchun, natna nei po po chun ama an them theina dingin an bûm tul tul a.
11Khawhri inthieng nawhai khawmin ama an hmu po leh a hmaa bawkkhupin, “Nang Pathien Naupa chu i nih,” tiin an khêk hlak a.
12Chun, ama chun a chanchin chu phuong lo dingin an kuomah a ti tlat pei a.
Isûn tirko sâwm le pahni a thlang
(Mt 10.1-4; Lk 6.12-16)
13Chun, tlânga chun a hang feh a, amain a dit pohai chu a ko a, chuongchun, anni chu a kuomah an hang feh a.
14Chun, sâwm le pahni a ruot a#Ziek ṭhenah chun “tirkohai ti ân bûk a,” ti a ṭhang, a kuoma an um theina dingin le thu hril dinga a tir dawk theina ding le,
15khawhrihai hnawt dawkna thu nei dinga a tir dawk theina dingin.
16Chuonghai chu, Simon, Peter a înbûk hai;
17Zebedai naupa Jakob le Jakob unaupa Johan hai dâm, (chuonghai chu “Boanerges” ân bûk a, chu chu “Vâninrûm Nauhai,” tina a nih.)
18Andri hai, Philip hai, Bartholomai hai, Matthai hai, Thoma hai, Alphai naupa Jakob hai, Thaddai hai, Kanaana Simon hai;
19a înmantirtu Juda Iskariot hai dâm kha an nih.
Isu le Beelzebub
(Mt 12.22-23; Lk 11.14-23; 12.10)
20Chun, inah a va lût a. Chun, mipui chu an hung khâwm nâwk a, chuongchun, bei takngiel khawm an fâk thei ta nawh a.
21Chun, a sûnghai chun chu chu an hriet a, “ân vêt a ni chu tie,” tiin, ama man tumin an inthawk a.
22 #
Mt 9.34; 10.25 Chun, Dân Inchûktirtuhai Jeru- salema inthawka hung thlahai chun, “Beelzebub#Ziek ṭhenah “Beelzebul” ti a nih a zâwl a ni hi,” an tih a. “Khawhri lal lei annâwm khawhrihai a hnawt dawk hlak hi,” an ti bawk a.
23Chun, Isu chun Dân inchûk- tirtuhai chu a ko a, tekhithuin an kuomah, “Setanin Setan bawk ieng- tin am hnawt dawk thei a ta?
24Ram khawm ama le ama ân do chun, chu ram chu ngîr suok thei naw ni.
25Sûng khat khawm anni le anni an indo chun, chuhai sûng chu ngîr suok thei naw ni hai.
26Setan khawm ama le ama indo a, ân khing si chun, ngîr suok thei naw nih a, bohmang el lem a tih.
27Tukhawm mi hrât ina lûtin a sum chu a lâkpêk thei ngai nawh, mi hrât chu an phier hmasa zet naw chun; chu hnunga ruok chun a in chu inrampêk el an tih.
28Titakzetin ka hril cheu hi, mihriem nauhai hi an suolna po poa le, Pathien hrilsietna kawng tinrênga an hrilsietnahaia khawm chun ngaidam nîng an tih;
29 #
Lk 12.10; 4.1; Lk 5.1-3 tukhawm Thlarau Inthieng meu hrilsetu ruok chun ienglai khawmin ngaidamna hmu naw ni, kumkhaw- tluonga suolna kawnga chun inthiem loin um ta lem a tih,” a tih a.
30(“Khawhri inthieng naw a zâwl a nih,” an ti lei khan chu chu a hril a nih.)
Isu nu le a unauhai
(Mt 12.46-50; Lk 8.19-21)
31Chun, a nu le a unauhai chu an hung a, tuolah an ngîr a, ama ko dingin mi an tir a.
32Chun, a sîr vêl lai chun mipui an lo ṭhung tâwl a; chun, a kuoma chun, “Ngai ta, tuola sawn i nu le i unauhaiin an zawng che,” an ta.
33Chun, ama chun an kuomah, “Ka nu le ka unauhai chu tuhai am an na?” tiin an dawn a.
34Chun, a kâwla ṭhunghai chu a hei en vêl a, “En ta u, ka nu le ka unauhai hi!
35Tukhawm Pathien dit zâwng thawtu phawt chu, chuonghai ngei chu ka unauhai, ka farnuhai, ka nuhai an nih annâwm,” a ta.
Currently Selected:
MARKA 3: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
