MALAKI 2
2
1“Tuhin, aw nangni thiempuhai, hi thutiem hi in ta ding a nih.
2 #
Dt 28.15 In ngai a, ka hming sukropui dinga, in lungrila in sie tlat naw chun, Sipaihai LALPA chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.
3Ngai ta u, nangni leiin chu chi chu kâwk ka ta, in inthâwina êkhai chu in hmaihai chunga chun thêng ka ta, chun, a chu le chun nangni chu lâk hmangin um in tih.
4 #
Nam 3.11-13 Ka thuthlung chu Levi kuoma chun a um theina dingin, hi thupêk hi in kuomah ka hung pêk a nih ti hre tâng in tih, sipaihai LALPA chun a tih.
5 #
Nam 25.12; Dt 33.9; Ezek 34.25 Ka thuthlung chu ama ta ding chun hringna le muongna a na; a ṭi theina ding le, ka hming a ṭina ding le, ka hming ṭiha a ngîr theina dingin a kuoma chun ka pêk a nih.
6 #
Dt 33.10; Jer 23.22; Jak 5.20 Thutak dân chu a baua chun a um a, fel nawna chu a hmûrhaia chun hmu a ni hrim hrim nawh; tluongtak le kei le inremin a khawsa a, mi tamtak chu khawhlonaa inthawkin ân her hmangtir tah a nih.
7 #
Dt 17.9; Gal 4.14 Thiempu hmûrhai chun hriet- thiemna a vawng ding a na, a baua inthawk chun miin dân chu an zawng ding a ni sih a: ama chu sipaihai LALPA mitir chu a ni sih a.
8 #
Jer 18.15; Neh 13.29 Amiruokchu, nangni chu lam- puia inthawk chun in pêt hmang a, mi tamtak chu dâna chun in insuithlûk- tir a; Levi kuoma thuthlung chu in suksiet tah a nih, sipaihai LALPA chun a tih.
9 #
1 Sam 2.30 Chuleiin, nangni khawm mi po po hmaa chun hmusitum le inhnuoiin ka lampuihai in hraw naw ang zûl peiin ka siem cheu a nih; dâna chun mi thlierbîk in lo nei ta si lem a,” tiin.
A ringum nawna leiin Israel zilin a um
10 #
1 Kor 8.6; Job 31.15 Pa hmunkhat seng ei ni naw am a nih? Ei Pathien chun a mi siem seng a ni naw am a nih? Ei thlatuhai thuthlung chu bawsea, iengdinga mi tinin mâni unau chungah khaw- hlotaka ei thaw am a na?
11 #
Ezr 9.1; Neh 13.23 Juda chun khawhlotakin a lo thaw tah a, Jerusalem le Israel lai khawm chun tirdakumna chu thaw a lo ni tah a; Juda chun LALPAIN in- thiengna a hmangai chu a lo suk- pawrchein, pathien danglam naunu- hmei chu a lo nei tah a.
12 #
Neh 13.29 LALPA chun hi thil thawtu, inchûktirtu le a închûktir chu, Jakob puon ina inthawk sât thlâng a tih, sipaihai LALPA kuoma thilinhlânhai inhlântua inthawk le chun.
13Chun, hi khawm hi in thaw nâwk bawk a, LALPA mâichâm chu mitthli le, ṭapna le, thuokdawngnain in inkhum a, chuong lei chun thil inhlân chu a ngaisak ta nawin, in kuta inthawkin ṭhain a pawm ta naw hrim hrim a nih.
14 #
Tv 5.18; 2.17 Nangni chun, “Ieng leiin am ie?” in la ti ta rawp a, I thuthlung nuhmei le i kawppui ni sien khawm, a chunga khawhlotaka i lo thaw tah, i tleirâwl lai nuhmei le nanga kâra chun LALPA chu thuhretu a ni sih a.
15 #
Ezr 9.2; 1 Kor 7.14 Chun, hringna chi chu a nei leiin, ama chun pakhatah a siem a ni naw am a nih? Ieng leia pakhata siem am a na? Pathien chi chu a zawng a nih. Chuleiin, in thlaraua chun fîm- khur unla mi tukhawma a tleirâwl nuhmei chu khawhlotakin thaw naw raw se.
16“Inmâk hi ka theida a nih,” LALPA, Israelhai Pathien chun a tih, “mâni silfên inpâwngnêknaa inkhum leh,” sipaihai LALPA chun a tih. Chuleiin, in thlaraua chun fimkhur unla, khawhlotaka in thaw nawna dingin.
Rorêlna Ni a hung hnai
17 #
Is 43.24 In thuhai chun LALPA chu in suksâwl a. Anachu, “Khâwlai am ama chu kan suksâwl a?” in ta. Chutaka bawk chun, “Mi tukhawm thil suol thaw chu LALPA mithmua chun ṭha a na, anni chunga chun a lâwm a; amanih, rorêlna Pathien chu khâwlai am a um a?” in ti bawk a.
Currently Selected:
MALAKI 2: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
