LUKA 3
3
Baptistu Johan thuhril
(Mt 3.1-12; Mk 1.1-8; Jn 1.19-28)
1Chun, Tiberia Kaisar ân lala in- thawka kum sâwmpanga kumah (Pontia Pilat chu Judai ram Bawrsâp a na, Herod chu Galili ram lal a nih, a unau Philip chu Iturea le Trakonitis ram lal a nih, Lusani chu Abilene ram lal a nih.
2Anna le Kaiapha chu Thiempu Laltakhai an nih), thlalêra Zakaria naupa Johan kuoma chun Pathien thu a hung tlung a.
3Chun, ama chu Jordan vadung pang vêl ram tinah a feh a, thil suksuol ngaidamna dingin simna baptisma thu a hril pei a.
4Zâwlnei Isai thu buah,
“Thlalêra mi khêk râwl chun,
‘Lalpa lamlien buotsai unla;
A lampuihai suktlûn ro;
5Ruom tin sung sip ni vawng a ta,
Tlâng tin, muol tin sukhnuoi ni bawk a tih.
Lampui kâwihai hung tlûn a ta,
Lampui inṭumnawhai hung inruol bawk a tih;
6Chun, mi po poin Pathien sandamna hmûng an tih,’ a ta,” tia ziek ang khan.
7Chun, ama chun baptisma chang dinga a kuoma mipui hung suokhai kuoma chun, “Rûl thlahai, lungsen hung tlung ding hi tlânsan dingin tuin am a kâwk cheu a?
8 #
Mt 12.34; 23.33; Jn 8.33 Chuongchun, sim hming input tlâkin ra ro, ‘Abraham kan thlatu a nih annâwm,’ in lungrilin ti el naw ro; Pathienin hieng lunghai hi Abraham thlaahai ân ngîrtir thei ti ka hril cheu hi.
9 #
Mt 7.19
Tu ngei khawm hin hreipui thing bul tinah an sie tah; chuongchun, thing tin ra ṭhaa ra naw taphawt chu an phûr a, meiah an pei hlak,” a ta.
10Chun, mipuihai chun a kuomah, “Anleh ieng am kan thaw ding a na?” an ta, an indawn a.
11Ama chun an kuomah, “Tu- khawm zakuo pahni nei chun a nei naw kuomah pe raw se; tukhawm fâk nei chun chuong ang bawkin thaw raw se,” a ta, a dawn a.
12 #
Lk 7.29
Chun, siedâwltuhai khawm baptisma chang dingin an hung a, a kuomah, “Inchûktirtu, iengam kan thaw ding?” an ta.
13Ama chun an kuomah, “An rêlpêk cheu bâk chu va phût naw ro,” a ta.
14Chun, sipaihai khawmin a kuomah, “Keini teh ieng am kan thaw ding?” an ta, an indawn a. Ama chun an kuomah, “Tukhawm suknawm- nain va hêk naw ro; in hlaw tâwk taphawta chun lungawi ro,” a ta.
15Chun, mihaiin an beisei a, mi po poin Johan chungthu an lungrilah, “Krista a lo ni el khat rawi am?” tia an ngaituo laiin,
16Johan chun a dawn a, an rênga kuomah, “Kei chun chu tuiin ka baptis hlak cheu a; nisienlakhawm, keia nêka ropui lem a hung ding a nih, a kekawk hrui sût tlâk khawm ka ni nawh; ama chun Thlarau Inthieng le meiin baptis a ti cheu a,
17a kutin leipup a chawi a, a hri- zâwl zâp fai hieuna ding le, a bupang- a a bu hluna dingin; a si ruok chu mei rêm thei loin raw hmang a tih,” a ta.
18Chun, infuina thu dang tam- takin mihai kuomah Chanchin Ṭha a hril hlak a.
19Nisienlakhawm, Lal Herod chu a unaupa nuhmei Herodi chung thua le a suksuol po po chunga chun Johan chun a kâwk leiin,
20 #
Mt 14.3-4; Mk 6.17-18 a thil suksuol po po belsain ama chu intângna inah a khum tah a.
Isu baptisma changna
(Mt 3.12-17; Mk 1.9-11)
21Chun, mi po poin baptisma an chang zoin, Isu khawmin baptisma a chang a, a ṭawngṭai a, vân a hung inhawng a,
22 #
Gen 22.2; Sm 2.7; Is 42.1; Mt 3.17; Mk 1.11; Lk 9.35 Thlarau Inthieng chu taksa putin vaṭhu angin a hung ṭum a, a chungah a fu tah a; chun, vâna inthawkin râwl a hung suok a, “Nang ka Naupa dittak i nih; i chungah ka lâwm ngawt el,” a ta.
Isu thlatuhai chanchin
(Mt 1.1-17)
23Chun, Isûn ân chûktir ṭan lai vêl khan ama chu kum sâwmthum lai a ni tah a, mi ngai chun Josef naupa a na,
Ama chu Heli nau a na,
24Ama chu Matthat nau a na,
Ama chu Levi nau a na,
Ama chu Melki nau a na,
Ama chu Janai nau a na,
Ama chu Josef nau a na,
25Ama chu Mattathi nau a na,
Ama chu Amos nau a na,
Ama chu Nahum nau a na,
Ama chu Esli nau a na,
Ama chu Naggai nau a na,
26Ama chu Maath nau a na,
Ama chu Mattathi nau a na,
Ama chu Semei nau a na,
Ama chu Josek nau a na,
Ama chu Joda nau a na,
27Ama chu Joanan nau a na,
Ama chu Rhesa nau a na,
Ama chu Zerubbabel nau a na,
Ama chu Sealtiel nau a na,
Ama chu Neri nau a na,
28Ama chu Melki nau a na,
Ama chu Addi nau a na,
Ama chu Kosam nau a na,
Ama chu Elmadam nau a na,
Ama chu Era nau a na,
29Ama chu Josua nau a na,
Ama chu Eliezer nau a na,
Ama chu Jorim nau a na,
Ama chu Matthat nau a na,
Ama chu Levi nau a na,
30Ama chu Simeon nau a na,
Ama chu Juda nau a na,
Ama chu Josef nau a na,
Ama chu Jonam nau a na,
Ama chu Eliakim nau a na,
31Ama chu Melea nau a na,
Ama chu Menna nau a na,
Ama chu Mattatha nau a na,
Ama chu Nathan nau a na,
Ama chu David nau a na,
32Ama chu Jessai nau a na,
Ama chu Obed nau a na,
Ama chu Boaz nau a na,
Ama chu Salmon nau a na,
Ama chu Nason nau a na,
33Ama chu Aminadab nau a na,
Ama chu Aram nau a na,
Ama chu Hesron nau a na,
Ama chu Perez nau a na,
Ama chu Juda nau a na,
34Ama chu Jakob nau a na,
Ama chu Isak nau a na,
Ama chu Abraham nau a na,
Ama chu Tera nau a na,
Ama chu Nahor nau a na,
35Ama chu Serug nau a na,
Ama chu Reu nau a na,
Ama chu Peleg nau a na,
Ama chu Eber nau a na,
Ama chu Sela nau a na,
36Ama chu Kainan nau a na,
Ama chu Arphaksad nau a na,
Ama chu Sem nau a na,
Ama chu Noa nau a na,
Ama chu Lamek nau a na,
37Ama chu Methusela nau a na,
Ama chu Enok nau a na,
Ama chu Jered nau a na,
Ama chu Mahalalel nau a na,
Ama chu Kainan nau a na,
38Ama chu Enos nau a na,
Ama chu Seth nau a na,
Ama chu Adam nau a na,
Ama chu Pathien nau a nih.
Currently Selected:
LUKA 3: HMARCLBSI
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.