INṬANNA 50
50
1Chun, Josef chun a pa hmai a sik a, a ṭah a, a fâwp a fâwp a.
2Chun, Josefin a siehlaw damdawi thiemhai chu a pa ruong chu hmawn thei loa siem dingin thu a pêk a: chuongchun, damdawi thiemhai chun Israel ruong chu hmawn thei loin an siem tah a.
3A ruong siemna dingin ni sâwmli an awh a, hmawn thei loa siemna chun ni chuong zât chu a aw hlak hrim a nih; chun, ni sâwmsari sûng Aigupta mihai chun ama an ṭah a.
4Chun, ama an ṭa a bo hnung chun Josefin Pharao sûnghai chu a biek a, “In mi lunginsiet thei chun, lungin- siettakin Pharao hrieta chun,
5‘Ka pain, ngai ta, ka thi ding a ni tah, Kanaan rama ka thlân ka chosaah, chutaka ngei chun mi hung phûm rawh,’ tiin a mîn khâmtir a. Chuleiin, tuhin lunginsiettakin, ka pa hi mi hang inphûmtir rawh; chun, hung nâwk el ka tih, a tih a, tiin hril ro,” a tih a.
6Chun, Pharao chun, “Ân khâmtir ang che chun i pa chu hang phûm raw chu,” a tih a.
7Chuongchun, Josef chu a pa phûm dingin a hang fe tah a. Pharao siehlaw po po, a sûnghai laia upahai leh, Aigupta ram upahai po po le,
8Josef sûnghai po po leh, a unauhai leh, a pa sunghai chu ama leh an fe veh a. An nauhai rawi le, an berâm ruolhai le, an bâwng ruolhai bak chu Gosen rama chun an mâk- san a.
9Anni ruol chun tawlailîrhai le, sakawr chung chuong mihai an hang fe veh a; pâwl ruol lientak an nih.
10Chun, Jordan râla Atad hrizâwl chu an tlung a, chutaka chun nasatakin an ṭah a, ni sari a pa sûnna a siem a.
11Chu rama mi Kanaan mihai chun Atad hrizâwla an mithi sûn chu an hmu chun, “Hi Aigupta mihai mithi sûnna nasatak a ni hi,” an tih a; chuleiin, chu hmun hminga chun Abel-mizraim#Aiguptahai sûnna an inbûk tah a, chu chu Jordan râla um a nih.
12Chun, a naupasalhai chun a thupêk ang peiin an thawpêk a,
13 #
Tt 7.16 a naupasalhai chun Kanaan ramah an zâwn lût a, Abrahamin inphûmna hmun ro dinga, Hit mi Ephrona inthawka a lo puma a închâwk, Mamre zâwna Makpela loa pûka khan an phûm tah a.
14Josef chu a pa phûm zo chun ama le a unauhai le, a pa phûm dinga ama ruola hang fehai po po le chun Aiguptaah an kîr nâwk tah a.
Josefin a unauhai a thlamuon nâwkna
15Josef unauhai chun an pa thi chu an ngaituoin, “Josef hin mi theidâng a ta, a chunga thil ei suksuol po po phuba kha ei chunga hin la hung la kim nek el a ti aw,” an tih a.
16Chuongchun, Josef kuoma hril dingin thu an inchah a, “I pa chun a thi hma khan,
17‘Hieng ang hin Josef kuomah, Lunginsiettakin i unauhai bawsietna le an suolna chu ngaidam rawh, i chungah thil chu an suksuol deha chu, tiin hril ro,’ tiin thu a mi pêk a: tuhin, lunginsiettakin i pa Pathien siehlawhai bawsietnahai chu ngai- dam rawh,” an tih a. Chuonga a kuoma an hang hril chun Josef chu a ṭap tah a.
18A unauhai khawm chu an va feh a, a hmaa chun an bawkkhup tâwl a, “Ngai ta, i siehlawhai kan ni hi,” an tih a.
19Josef chun an kuomah, “Ṭi naw ro, Pathien aiaw am ka nih?
20Nangni chun ka chungah thil suol thaw in lungril a; nisienla- khawm, Pathien chun, vawisûna an um ang ngei hin, mi tamtak dama sanhimna dingin thil ṭhaha in- changtir a lo lungril lem a ni sih a.
21Chuleiin, ṭi naw ro, nangni le in nau-le-tehai chu châwm pei ka tih,” a tih a. Chuongchun, a thlamuon a, bau ṭhatakin a biek tâwl a.
Josef thi thu
22Chun, Josef chu ama le a pa sûnghai leh Aigupta rama chun a um a: Josef chu kum za le sâwm a dam a.
23Josef chun Ephraim nau a tuhai khûp thum chen a hmuh a, Manasse naupa Makir nauhai khawm Josef mal chungah an pieng a.
24Chun, Josefin a unauhai kuom- ah, “Ka thi ding a ni tah a, ni- sienlakhawm, Pathienin hung kan ngei ngei a ti cheu a, hi rama inthawk hi hung ṭhuoi suok cheuvin, Abraham, Isak le Jakob hai kuoma inkhâma pêk a tiem ramah ṭhuoi a ti cheu,” a tih a.
25 #
Ex 13.9; Jos 24.32; Heb 11.22 Chun, Josef chun Israel thlahai chu ân khâmtir a, “Pathienin hung kan ngei ngei a ti cheu a, ka ruhai hi hitaka inthawkin khitieng in zâwn ngei ding a nih,” a tih a.
26Chuongchun, Josef chu kum za le sâwm mi a niin a thih a; a ruong chu hmawntheiloin an siem a, Aiguptaah kuongin an sie tah a.
Currently Selected:
INṬANNA 50: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
