INṬANNA 43

Josef unauhai Benjamin leh Aiguptaa an fe

1Chun, chu rama chun ṭâm chu a tla nasa hleh a.

2Aiguptaah bu an phur kha an fâk zo chun, an pa chun an kuomah, “Fe nâwk unla, bu tlâwmte bêk ei ta dingin zûn chaw nâwk ro khai,” a tih a.

3Nisienlakhawm, Juda chun a kuomah, “Ama chun, ‘In sangpa in kuoma a hung ṭhang ve naw chun, ka hmêl hmu naw ti niu,’ tiin a mi tiem tlat a nih.

4Kan sangpa hi keini leh i tir chun bu chu inchaw pêk kan ti che:

5i tir naw ruok chun zu fe naw ning ungah; ama chun kan kuomah, ‘In sangpa in kuoma a hung ṭhang ve naw chun ka hmêl hmu naw ti niu,’ a ti tlat sih a,” tiin a hril a.

6Israel chun, “Iengdinga sang dang in la nei thu dâm hril khera ka ta dinga thil ṭha nawtak thaw am in ni leh?” a tih a.

7Anni chun “In pa chu a la dam am? unau dang in la nei am?” tiin kan chanchin le ei laibunghai chanchin a mîn dawn tlat sih a; chuong a thu mîn dawn ang pei chun kan hril a nih: “In sangpa chu hung ṭhuoi thla ro, tîng a tih ti tuin am hre kher kher a ti leh?” an tih a.

8Juda chun a pa Israel kuomah, “Bawipu chu ka kuomah infetir rawh, chuongchun, tho kan ta, fe el kan tih, keini le nangni le ei nau le tehai hi thi loa ei um theina dingin.

9A chungthua hin keiin a bul tum pei ka tih: keia inthawk ngeiin ama chu phût rawh. I kuomah ka hung ṭhuoi nâwk a, i hmaa hin kân ngîrtir nâwk naw chun, a maw chu kum- khuoin phur de ningah;

10muong naw inla chu tuhin a vawihnina khawm kan hung tlung nâwk ta ding bah,” a tih a.

11Chun, an pa Israel chun an kuomah, “Chuong ang a ni si chun hieng ang hin thaw ro, in bâwmhaia khan hi rama thil ṭha ṭhenkhat thinghnai damdawi, khuoizu, rimin- hnik, murra, theihâwngngar le almond thei dâm tlâwmte sengin ama ta ding chun lâwmman dingin chawi thla ro.

12Tangka khawm a lêt hniin chawi unla, in ip bau bula tangka a pêkkîr hai cheu khawm kha chawi kîr nâwk ro; a thaw pal a ni rawi mawh.

13In sangpa khawm chu ṭhuoi unla, tho unla, ama kuoma chun fe nâwk ro,

14in sangpa pakhat le Benjamin hi ân suo pêkna ding cheuin, Pathien Iengkimthawthei chun ama chu inlunginsiettir raw se cheu. Ka nau- hai chu chân a ni leh ka chân ding ni el a tih,” a tih a.

15Chuongchun, anni chun lâwm- man chu an chawi a, tangka khawm chu a lethniin an chawi bawk a. Benjamin khawm an ṭhuoi a: chun, an tho a, Aiguptaa chun an zu feh a, Josef hmaa chun an ngîr nâwk tah a.

16Josef chun Benjamin an kuoma um chu a hmu phingleh, a in enkawltu kuoma chun, “Sawhai saw in sûngah ṭhuoi lût la, sa that la, buotsai rawh, anni sawn sûnah ka kuomah bu an fâk ding a nih,” a tih a.

17Mi chun Josef thupêk ang chun a thawh a; anni chu Josef ina chun a ṭhuoi lût a.

18Chun, Josef ina ṭhuoi lûta an um leiin an ṭih a, “Fe hmasak ṭuma ei ipa tangka a mi pêk kîrhai lei khan a ni hi a mi ṭhuoi lût: ei chunga remchâng zawnga mi thawin, eini le ei sabengtunghai le hin suoka um dinga mi man a tum a ni hi,” an tih a.

19Chun, Josef in enkawltu kuoma chun an va feh a, kawtkhâr bula chun an biek a,

20“Aw pu, kan hung hmasak ṭum khan bu inchaw ding ngawta hung thla kan nih a;

21chun, riebûk kan tlung chun kan iphai chu kan hang hawng a; kan tangka seng chu kan ip bau bulah a lo um ta seng a, kan tangka chu a bûk ngai chiein a lo um a; chuongchun, kan hung chawi nâwk a nih.

22Chun, bu inchâwkna dingin tangka dang kan hung chawi a, kan tangka chu kan ipah tuin am a sie ti kan hriet si nawh,” an tih a.

23Ama chun, “Lungmuongtakin um unla, ṭi naw ro, in Pathien, in pa Pathien chun in iphaia chun ro a pêk cheu a ni chu: in tangka kha ka hmu sih a,” a tih a. Chun, Simeon chu an kuomah a hung ṭhuoi suokpêk tah a.

24A in enkawltu chun anni chu Josef in sûngah a ṭhuoi lût a, tui a pêk a, an ke an sâwp tah a; an sabeng- tunghai chu bu a pêk bawk a.

25Anni chun an lâwmman hung chawi chu Josef sûnbu faha a hung inlawi phaa dingin an lo siem lâwk diem a; chutaka chun bu an fâk ding a nih ti an hriet leiin.

26Josef chu a inah a hung phingleh, an lawmman hung chawi chu in sûngah a kuomah an chawi lût a, hnuoi sikin chibai an bûk tâwl a.

27Ama chun an chanchin ân dawn a, “In pa a chanchin in hril tarpa kha a dam lai am a nih, damin a la um de maw?” a tih a.

28Anni chun, “Kan pa i siehlaw chu a dam lai a nih, damin a la um,” an tih a. Chun, an lu an kûn a, chibai an bûk nâwk a.

29Chun, ama chu a hang dâk a, a sang Benjamin, a nu naupa chu a hmuh a, “Kha kha in mi tlumtak, a chanchin in mi hril kha a ni?” a tih a. Ama bawkin, “Ka naupa, Pathienin lunginsiet raw se che,” a tih a.

30Chun, Josefin a sang a hmu chun lungriemin a thlâk a, chuong- chun, ṭapna hmun inhmawtakin a zawng ta vat a, pindan sûngah a lût a, chutaka chun a ṭap suok tah a.

31Chun, a hmai a phih a, a va suok nâwk a, ân sûm hrâm hrâm a, “Bufâk siem ro le,” a tih a.

32Chuongchun, ama ta dingin atumin, annirawi ta dingin a tumin, Aigupta mihai a fâkpuihai ta dingin a tumin an siem tah a. (Aigupta mihai chun Hebrai mihai chu buthlêng an awtpui thei si nawh; chuong anga thaw chu Aigupta mihai ta ding chun a thieng naw a nih).

33Chuongchun, a upa tak chu a nau lutîr nina angin, a naupang tak chu a nau mitlum nina angin Josef hmaa chun an ṭhung pei a: chuong- chun, mak an ti tâwl seng a.

34Chun, Josef chun a kuoma chanvohai chu an kuomah ân hlân sâwngtir pei a. Benjamin chanvo lem chu an chanvo po po nêkin a lêtngain a tam lem a. Chun, uoin dâm an dâwn a, ama rawi chun an hlim ta hle a.

Currently Selected:

INṬANNA 43: HMARCLBSI

Highlight

Copy