INṬANNA 35

Pathienin Bethelah Jakob mal a sâwm

1Chun, Pathienin Jakob kuoma chun, “Tho la, Bethelah hang fe la, chutaka chun um rawh: i u Esaua inthawka i tlân hmang laia i kuoma inlâr Pathien ta ding khan chutaka chun mâichâm siem rawh,” a tih a.

2Chuongchun, Jakob chun a sûnghai le a kuoma umhai po po kuoma chun, “Nangni laia mi dang pathien umhai chu sie hmang dai unla, insukthiengin in silfênhai inthleng ro:

3tho ei ta, Bethelah fêng ei tiu: chuongchun, ka lunginzîng laia mi dawna, ka fenaa ka kuoma um pei Pathien ta ding khan mâichâm siem ka tih,” a tih a.

4Chuongchun, mi dang pathien an kuta um po po le, an naa nabe an ibe po po chu Jakob an pêk a, chun Jakob chun Sekem khaw kâwla thingsaisuo hnuoia chun a thuphmang tah a.

5Chun, an feh a, an vêla khuohai chun an lo ṭi nasa hleh a, Jakob naupasalhai chu an hnawt ngam nawh a. 6Chuongchun, Jakob chun Kanaan rama Luz khuo (chu chu Bethel) chu a tlung a, ama le a kuoma umhai po po leh.

7Chun, chutaka chun mâichâm a siem a, a u kuoma inthawka a tlân hmang lai khan chutaka chun Pathien a kuoma ân lâr leiin a hmun chu, “El-Bethel,”#Bethel Pathien a ti tah a.

8Chun, Rebeka dawntu Debora chu a thih a, Bethel thlanga thing- saisuo hnuoia chun an phûm a; thing- saisuo hminga chun “Ṭapna thing- saisuo”#Allon Bakuth an ti tah a.

9Chun, Jakob chu Paddan-aram rama inthawka a hung nâwk chun Pathien a kuomah ân lâr nâwk a, mal a sâwm a,

10Pathien chun a kuomah, “I hming hi Jakob a nih a, i hming hi Jakob ti nâwk ta naw ni hai cheha, i hming chu Israel ni lem tâng a tih,” a tih a; chuongchun, a hminga chun Israel a ti tah a.

11Pathien bawk chun a kuomah, “Kei Pathien Iengkimthawthei#Heb El Shaddai ka nih: chi tamtak inthlain hung pung rawh. Chi ti khawp le chi tum tum um khâwm khawm nanga inthawkin la hung um an tih; i ṭhalbea inthawkin lalhai khawm la hung suok bawk an tih.

12Abraham le Isak kuoma ram ka pêkhai hi i kuomah pêng ka ti che, i um naw hnunga i thlahai kuoma khawm ram hi pe pei ka tih,” a tih a.

13Chun, Pathienin ama a biekna hmuna inthawk chun Jakob chu a fesan tah a.

14Chun, a biekna hmuna chun Jakobin ban (lung ban) a phun a, a chunga chun thilinhlân dâwn mi a buok a, a chungah sahriek a buok bawk a.

15Chun, Jakob chun Pathienin ama a biekna hmun hminga chun Bethel ân bûk a.

Rakil thi thu

16Chun, Bethela inthawk chun an feh a; Ephrath tlungna ding chu hla rei a la nih a, Rakil chun nauha ân vawi a, na deu el hin ân vawi tah a.

17Chun, nataka ân vawi lai chun nau dawm mi chun, “Ṭi naw rawh, naupasal dang i nei ding a ni hi,” a tih a.

18Chun, a thlarau a suok ding lai chun (a thi ta sih a) a hminga chun Ben-oni#Ka lunginzîngna naupa a sak a; a pa ruok chun Benjamin#Ka changtieng naupa a sak a.

19Chuongchun, Rakil chu a thih a, Ephrath lampuia chun an phûm a (Ephrath chu Bethlehem a nih).

20Chun, a thlân chunga chun Jakobin lung a phun a. Chu chu tu chen a Rakil thlân Lungphun la um chu a nih.

Jakob naupasalhai

21Chun, Israel chu a fe pei a Eder. Insâng#Migdal-Eder khêla chun puon in a zar tah a.

22Israel chu chu rama a um lai chun, Reubenin a pa thaikêm Bilha chu a va zâlpui a; chun, Israel chun chu chu a hriet a. Tuhin Jakob naupasalhai chu sâwmpahni an ni tah.

23Leah naupasalhai chu Reuben (Jakob nau lutîr), Simeon, Levi, Juda, Issakar le Jebulun an nih.

24Rakil naupasalhai chu Josef le Benjamin an nih.

25Rakil suoknu Bilha naupasal- hai chu Dan le Naphtali an nih.

26Leah suoknu Zilpah naupa- salhai chu Gad le Aser an nih. Chuong chu Jakob naupasal, Paddan-aram rama pienghai chu an nih.

Isak thi thu

27Chun, Jakob chu Abraham le Isak khuolchâmna hmun Kiriath- arba (Hebron an ti bawk) Mamrea a pa Isak kuom chu a tlung tah a.

28Chun, Isak dam sûng chu kum za le sâwmriet a nih.

29Chun, Isak chun a thlarau ân thlah a, upatak, tarkûna damin a thih a, a chipuihai kuoma ṭhuoiin a um tah a: chun, a naupasalhai Esau le Jakob chun an phûm tah a.

Currently Selected:

INṬANNA 35: HMARCLBSI

Highlight

Copy