THILTHAWHAI 15
15
Jerusalem inkhâwmpui
1 #
Lev 12.3
Chun, mi tuhai amanih Judai rama inthawkin an hung thlah a, “Mosie dân anga ser in intantir naw chun sandam ni thei naw ti niu,” tiin unauhai chu an inchûktir a.
2Chuongchun, Paula le Barnaba chu anni le chun insêl namêna an insêl nawa an inkhing tlat leiin, Paula le Barnaba chu, anni laia tuhai amani leh, chu thubuoi chunga chun, Jerusalema tirkohai le upahai kuoma hang fe dingin an ruot a.
3Chuongchun, kohran chun an hang inthlah a, anni chun Jentailhai nghat kîr nâwkzie thu chu hril peiin Phoiniki ram le Samari ram an fang suok tah a; chuongchun, unauhai po po an suklâwm bêk bêk a.
4Chun, Jerusalem chu an hang tlung chun, kohranhai, tirkohai, upahai chun an lo lâwm a, chun, Pathienin anni hmanga thil a thaw- hai po po chu an hril a.
5Nisienlakhawm, Pharisai pâwl, ring ve tuhai amanih an tho a, “Jentailhai ser tan ding a nih. Mosie dân zâwm khawm anni chu tiem#Phût. (Mosie dân khawm zâwm dinga phût kher ding an nih) kher ding a nih,” an ta.
6Chun, tirkohai le upahai chu, chu thu chu ngaituo dingin an inkhâwm a.
7 #
Tt 10.1-43 Chun, an insêl rak hnungin Peter a tho a, an kuomah, “Unauhai, Jentailhaiin keia baua Chanchin Ṭha thu hrea awi dingin, Pathienin inhmaa nangni laia inthawka a mi ruotzie kha in hriet.
8 #
Tt 2.4; 10.44 Chun, lungril hretu Pathienin eini a mi pêk ang bawk khan, Thlarau Inthieng an kuoma pe vein, an chungah a lâwm ti ân hriettir a;
9chun, anni le eini thlier bîk loin, ringnain an lungril a sukthieng tah a.
10Chuongchun, ei thlatuhai le eini izo ta naw, rîngkawl kha inchûktirhai chungah tuhin innghat tumin ieng- dinga Pathien var in sêlkal am a na?
11Anni ring ang bawkin eini khawmin Lalpa Isu lunginsietna leia sandam ding niin ei ring sih a,” a ta.
12Chuongchun, mipui po po an to zing a, Barnaba le Paula Pa- thienin anni hmanga Jentailhai laia inchiknahai le thilmakhai a thaw thu kha an hril sûng po chu an ngai a.
13Chun, an hril zoin Jakobin a hril ve thung a; “Unauhai, ka thu lo ngai ta u,
14Pathienin ama hming put dingin, anni laia mihai la suok dingin Jentailhai a hung kan tîr thu kha, Simeon hin a hril tah.
15Chun, chuong thu le zâwlneihai thu hi ân hme a nih:
16‘Chuong zoa chun kîr nâwk ka ta
David bâwktê chim kha siem nâwk ka tih,
A sietna lai po khawm siem ṭha nâwk ka ta;
17Mi dang, Jentailhai po po ka hming mîn ṭawmpuihai chun,
Lalpa an zawngna dingin
Chu bâwktê chu tungding ka tih, tiin,
18 #
Am 9.11-12
Khawvêl siem tîra inthawkin hieng thu inhriettir hlaktu Lalpa chun a tih,’
ti ziek ang khan.
19“Chuleiin, hieng ang hin ka ruot a nih. Jentailhai laia Pathien tieng nghahai chu sukrinum naw inla,
20 #
Ex 34.15-17; Lev 18.6-23; 17.10-16 milim biekna thil inthiengnaw fâk dâm, indit dâm, sa râkhlum le thisen fâk dâm bân dingin an kuomah ziek lem inla ka ti tak a nih.
21Mosien inhmaa inthawk tah khaw tinah a thu khêkpuitu a nei hlak sih a; inkhâwmna inahai Châwlni taphawt chun a thu chu tiem a ni hlak kha,” a ta.
Jentail kristienhai kuoma lekhathawn
22Chun, tirkohai, upahai kohran po pohai le chun, an pâwla mi thlanga, Paula le Barnaba ruolin Antiokeia infetir ṭha an tih a; an ithlanghai hming chu Juda (Barsaba an ti) le, Sila an nih; anni chu unauhai laia hotu deu an nih.
23Chun, hieng ang hin an ziek a, an kutah an inphur a; “Tirkohai le unauhai laia upahaiin Antiokeia dâm, Suria rama dâm le Kilikia rama Jentail unau umhai chibai an bûk.
24“Kan pâwl laia mi tuhai amaniin thu hrilin an sukbuoi cheu a, in lungril an suklungzîng ti kan hriet a, an kuomah thu iengkhawm kan pêk si nawh.
25Chuleiin, inthuruola kan in- khâwmin, kan dittak Barnaba le Paula,
26Lalpa Isu Krista hming leia thi dâwnlohai hung ruol hin, mi thlanga in kuoma hung tir ve ṭhain kan hriet a.
27Chuongchun, Juda le Sila kan hung tir a ni hi, anni khawmin hieng thu bawk hi ṭawng bauin hril an ti cheu.
28Thlarau Inthieng le keinîn, hieng thu pawimaw naw hi chu phur rik zuol in chungah innghat naw inla, a ṭha kan tih;
29milim biekna sa fâk dâm, indit dâm ma unla kan tih. Hieng hi in ma chun in ta dingin ṭhâng a tih. Damtakin um ro,” tiin.
30Chuongchun, an itir chun an feh a, Antiokei chu an zu tlung a. Mipui chu an ko khâwm a, lekha chu an pêk a.
31Chun, an tiem zoin thlamuong- na thu lei chun an lâwm ta hleh a.
32Chun, Juda le Sila chu zâwlnei an ni bawk a, thu tamtakin unauhai chu an thlamuon a, an sukdet a.
33Chun, chutaka chun sâwt rei an um hnungin, anni hung tirtuhai kuomah kîr nâwk dingin unauhai chun thlamuongtakin an infetir nâwk tah a,
34(Sila ruok chu chutaka um zing a tum a.)#Ziekna ṭhena chun 15.34 na hi a um nawh
35Paula le Barnaba ruok chu Antiokeia chun Lalpa thu inchûktir le hrilin an um zing a, mi dang tamtakhai leh.
Paula le Barnaba an inṭhe
36Chun, ni iengzat amanih hnunga chun, Paulain Barnaba kuomah, “Tuhin fe nâwk inla, khaw tina Lalpa thu ei hrilna taphawta unau umhai kha kan pei inla, an um dân en ei tih,” a ta.
37Chun, Barnaba chun Johan, (Marka an ti chu), an kuoma ṭhuoi ve a tum a, Paula ruok chun, ama chu an kuoma ṭhuoi chu ṭha a ti nawh a.
38 #
Tt 13.13
Pamphulia ramah anni a kîr san a, sinthawnaa an kuoma a fe ve ta naw lei khan.
39Chuongchun, nasatakin an lo insêl tah a, an inṭheh a, Barnaba chun, Marka chu a kuomah a ṭhuoi a, Kupra thlierkâr tieng lawngin a fe tah a.
40Paula ruok chun, Sila a thlang a, unauhaiin Lalpa lunginsietna an inkawltir hnungin a fe suok tah a.
41Chun, kohranhai chu sukdet peiin Suria le Kilikia ram a fang suok tah a.
Currently Selected:
THILTHAWHAI 15: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
