JOHN 20
20
1Zarhkhat chung ni hmasa bik zingka te ah, khua zong a muih ko rih lio ah, Mary magdalin cu thlânah a va kal i lung kha thlân in ṭhial ciain a va hmuh. 2A tli i Simon Peter le lamkaltu dang Jesuh nih a dawtmi sinah a phân i “Bawipa cu thlân in an kalpi, khuazeiahdah an chiah ka hngal lo,” tiah a ti. 3Peter le lamkaltu dang cu an chuak i thlân lei panh in an kal. 4A tlik in an tli i lamkaltu dang nih Peter kha a chawhkanh i thlân kha a phân hma sa. 5Kun buin a chung kha a hun bih i khiangrâng puan kha a hmuh. Asinain a chungah a lut lo. 6Simon Peter zong a hnu in a phân ve, thlân chungah a lut i khiangrâng puan le, 7Alu tuamnâk puan, khiangrang puan sinah um loin fel te i bil cia in a dang tein a um kha a va hmuh. 8Cuticun lamkaltu dang thlân a phân hmaisa mi zong cu a lut ve, cun a hmuh i a zumh. 9Thihnâk in a thawhṭhân awk a si timi Cathiang kha an hngal lo. 10Cuticun lamkaltu kha an innah an tlung ṭhân. 11Asinain Mary tu cu lengah ṭah buin thlân pawngah a dir. Cun ṭah pah in a kun i thlân chung kha a bih. 12Vanmi pa hnih puanrang aih in Jesuh ruak chiahnâk hmunah pakhat Alu lei, pakhat Ake lei i an ṭhut kha a hmuh hna. 13Annih nih, “Minu, zeicadah na ṭah?” tiah an ti. Anih nih, “Ka Bawipa an kalpi i an chiahnâk hmun le ka hngal lo,” tiah a ti. 14A chim dih in â mer i Jesuh a dir kha a hmuh i Jesuh a si kha a hngal lo. 15Jesuh nih, “Minu zei ruangahdah na ṭah? Ahodah na kawl? tiah a ti. Anih nih, dûmcawngtu ah a ruah i, “Kapu, na lâk a si ahcun, na chiahnâk hmun ka chim law, ka lâk lai,” tiah a ti. 16Jesuh nih, “Mary” tiah a ti. Anih nih a mer hnawh i, “Hebru holh in, “Rabboni” tiah a ti (cucu Cawnpiaktu tinâk a si). 17Jesuh nih, “Ka tlai peng hlah, atu tiangin Pa sinah ka kai rih lo; ka u nau hna sinah va kal law, an sinah, “Ka pa, nan Pa, ka Pathian, nan Pathian sinah ka kai lai, a ti tiah, va ti,” tiah a ti. 18Mary Magdalin cu ava kal i lamkaltu hna sinah Bawipa a hmuhnâk kong kha a va chim, cun a sin i a chimmi zong a chimh hna. 19Cuni ṭhiamṭhiam zarhkhat chung ni hmasa bik zanleiah Judah mi hotu an ṭih ruangah lamkaltu hna umnâk innkâ kha an khar hnu ah, an lakah Jesuh cu a rak dir i an sinah, “Nan cungah daihnâk um ko seh,” tiah a ti. 20Cu bia cu a chim dih in an sinah akut le ahnâk kha a zohter hna i Bawipa mui an hmuh cun an i lawm tuk hringhran. 21Jesuh nih, “Nan cungah daihnâk um ko seh,” Pa nih a ka thlah bantukin kei zong nih kan thlah ve hna. 22Cun bia a chim dih in an cungah a thaw a chuahhnawh hna i, “Thiang Thlarau co u. 23Mizei pauh an sualnâk nan ngaihthiam ahcun ngaithiam an si lai; nan ngeihthiam lomi cu ngaithiam lo an si lai,” tiah a ti. 24Hleihnih hna lak i Thomas, faphir an timi kha, Jesuh rat lio ah khan a um ve lo. 25Lamkaltu dang nih, “Bawipa kan hmuh,” tiah an ti. Anih nih “A kut i thir an khehnâk hmape ka hmuh i cuka i ka kut dong in ka sawh i a hnâk i ka kut in ka sawh lo ahcun ka zum lai lo,” tiah a ti. 26Cun niriat hnu ah lamkaltu hna cu inn chungah an um ṭhân, Thomas zong a um ve. Jesuh a ra, inn kha hrenh dih an si ko nain an lakah a hung dir i, “Nan cungah daihnâk um ko seh,” tiah a ti. 27Cuticun Thomas sinah, “Na kut dongin tawng law, ka kut hma hi zoh, nakut in banh law ka hnâk ah sawh. Zum loin um hlah, zum ko,” tiah a ti. 28Thomas nih a leh i, “Ka Bawipa le ka Pathian na si,” tiah a ti. 29Jesuh nih, “Thomas, nangnih cun naka hmuh caah na zumh. Hmu lo in a zummi cu mithuachuak an si,” tiah a ti. 30Jesuh nih a lamkaltu hna mithmuh ah hmelchunhnâk dang tampi a tuah tak tak hna, cu hna cu hi cauk ah hin ṭial an si lo. 31Asinain hi hna hi Jesuh cu Krih Pathian Fapa a si tiah nan zumh i cu zumhnâk thawngin nunnâk Amah min in nan ngeih khawh nâkhnga ṭialmi an si.
Currently Selected:
JOHN 20: HAKABSI
Highlight
Share
Copy
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
Free Reading Plans and Devotionals related to JOHN 20
John Explained Part 3 | Light Overcomes the Darkness
The 7 Words Of Jesus: A Good Friday And Easter Reflection
Holy Week Devotional
