Nnwom 98
98
AWURADE reba
Dwom.
1 #
Dwom 33.3
Monto dwom foforɔ mma AWURADE,
na wayɛ anwanwadeɛ,
ne nifa ne ne basa kronkron
adi nim ama no.
2AWURADE ama wɔahunu ne nkwagyeɛ,
wayi ne tenenee adi, amanaman anim.
3 #
Yes 52.10
Wakae n’adɔeɛ ne ne nokorɛ
ama Israel fie,
asase ano nyinaa ahunu
yɛn Nyankopɔn nkwagyeɛ.
4Nsase nyinaa, mommɔ ose mma AWURADE,
monteam nni ahurisie nto ayeyie dwom.
5Monto dwom mma AWURADE sankuo so,
sankuo ne dwontoɔ nne so.
6 #
Num 23.21
Momfa totorobɛnto ne mmɛn nne mmɔ ose,
Ɔhene AWURADE anim.
7 #
Dwom 96.11-13
Ma ɛpo ne ne mayɛ nworo,
wiase ne wɔn a wɔte mu.
8Ma asuo akɛseɛ mmobɔ nsam,
mmepɔ mmom nni ahurisie,
9AWURADE anim,
na ɔreba abɛbu asase atɛn.
Ɔbɛbu wiase atɛn, tenenee mu,
ne aman wɔ atɛntenenee mu.
Currently Selected:
Nnwom 98: ASW
Highlight
Share
Copy
Want to have your highlights saved across all your devices? Sign up or sign in
The Bible Society of Ghana, 2012
