Nnwom 96
96
Asase nyinaa so wura no ayeyie
(1 Berɛsosɛm 16.23-33)
1 #
Dwom 33.3
Monto dwom foforɔ mma AWURADE,
asase nyinaa, monto dwom mma AWURADE.
2Monto dwom mma AWURADE, monhyira ne din,
monka ne nkwagyeɛ mfiri da nkɔ da mu.
3Monka n’animuonyam, amanaman mu,
n’anwanwadeɛ, aman nyinaa mu.
4Na AWURADE yɛ kɛseɛ, na ɔsɛ ayeyie sɛ,
ne ho yɛ hu, anyame nyinaa so,
5na aman anyame nyinaa yɛ abosonhuhuo,
na AWURADE mmom na ɔyɛɛ ɔsoro.
6Ɔhran ne animuonyam wɔ n’anim,
tumi ne ahoɔfɛ wɔ ne kronkronbea hɔ.
7Aman mmusuakuo, momfa mma AWURADE,
momfa animuonyam ne tumi mma AWURADE.
8 #
Dwom 72.10
Momfa AWURADE din animuonyam mma no,
monsoa ayɛyɛdeɛ mmra n’abannwa so.
9Monsɔre AWURADE, ahokeka kronkron mu,
asase nyinaa, mo ho mpopo n’anim.
10 #
Dwom 93.1
Monka amanaman mu sɛ, AWURADE di hene,
na wiase tim hɔ a ɛrenhinhim,
na ɔbɛdi aman so, tenenee mu.
11 #
Dwom 98.7-9; Yes 49.13 Ma ɔsoro ani nnye na asase ho nsane no,
ma ɛpo ne ne mayɛ nworo.
12Ma petee mu ne deɛ ɛwom nyinaa nni ahurisie,
ɛno na kwaeɛ mu nnua nyinaa bɛto anigyeɛ nnwom,
13 #
Aso 17.31
wɔ AWURADE anim, na ɔreba,
na ɔreba abɛbu asase atɛn.
Ɔrebɛbu wiase atɛn tenenee mu,
ne aman wɔ ne nokorɛ mu.
Currently Selected:
Nnwom 96: ASW
Highlight
Share
Copy
Want to have your highlights saved across all your devices? Sign up or sign in
The Bible Society of Ghana, 2012
