1 Korintofoɔ 8

Aduane a wɔde ma Abosom

1 # Aso 15.29 Na abosom afɔrebɔdeɛ ho deɛ, yɛnim sɛ yɛn nyinaa wɔ nimdeɛ. Nimdeɛ ma ahomasoɔ, na ɔdɔ deɛ ɛma nkɔsoɔ. 2#Gal 6.3 Na sɛ ɛyɛ obi sɛ ɔnim biribi a, ɔnnya nhunuu sɛdeɛ ɛsɛ sɛ ɔhunu. 3#Gal 4.9 Na obi dɔ Onyankopɔn a, ɔno na Onyankopɔn nim no. 4#1 Ko 10.19 Na abosom afɔrebɔdeɛ die ho deɛ, yɛn deɛ yɛnim sɛ, ɔbosom nyɛ hwee wɔ wiase, ɛfiri sɛ, onyame biara nni hɔ sɛ ɔbaako no ara. 5Na sɛ nso ɔsoro oo, asase so oo, nnoɔma a wɔfrɛ wɔn anyame wɔ hɔ, sɛ anyame bebree ne awurade bebree wɔ hɔ no a, 6#1 Ko 12.5-6; Kol 1.16 yɛn deɛ, Onyankopɔn baako pɛ na yɛwɔ, Agya no a nnoɔma nyinaa firi ne mu, na yɛn nso yɛwɔ hɔ ma no, ne Awurade baako, Yesu Kristo a wɔnam ne so yɛ nnoɔma nyinaa, na yɛn nso yɛnam ne so wɔ hɔ no.

7 # 1 Ko 10.27 Nanso saa nimdeɛ yi nni nnipa nyinaa mu; enti ebinom de wedare a wɔawedare wɔ abosonsɛm ho bɛsi nnɛ no di no sɛ abosom afɔrebɔdeɛ, na ɛnam sɛ wɔn ahonim yɛ mmerɛ nti, efi ka no. 8#Rom 14.17 Na aduane nkamfo yɛn mma Nyankopɔn; na ɛnyɛ sɛ yɛdi a, yɛbɛyɛ ma, anaa sɛ yɛanni a, yɛbɛtɔ sini. 9#Gal 5.13 Na monhwɛ yie na ɛho kwan a mowɔ no anto wɔn a wɔyɛ mmerɛ no suntidua. 10Na sɛ obi hunu wo a wowɔ nimdeɛ no sɛ wote abosonnan mu adidiiɛ a, ɛremma n’ahonim a ɛyɛ mmerɛ no nnya nnyinasoɔ nkɔdi abosom afɔrebɔdeɛ anaa? 11#Rom 14.15 Ɛnneɛ na ɛnam wo nimdeɛ so na onua a ɔyɛ mmerɛ, a ne nti Kristo wuiɛ no bɛyera. 12Na sɛ moyɛ anuanom bɔne saa pira wɔn ahonim a ɛyɛ mmerɛ no a, na moreyɛ Kristo bɔne. 13#Rom 14.21 Enti sɛ nam die to me nua suntidua a, ɛnneɛ merenni ara da na manto me nua suntidua.

Currently Selected:

1 Korintofoɔ 8: ASW

Highlight

Copy