Pi zi tiki 10
10
Pinzibaɗi alini Nowa
1Pinzibaɗi alini Nowa a na maini nɵa: Sem, Kam gaini Yafet, asakalni yem n'abai par e wii ali. 2Alini Yafet: Gomer, Magog, Madai, Yavan, Tubal, Mesek gaini Tiras lai. 3Alini Gomer: Askenaz, Rifat gaini Togarma lai. 4Alini Yavan: Eliza, Tarsis, Kittim gaini Rodanim. 5Brawni ziba edi miɗini wudi a tika pini siɗi nagai par, ɗif paŋ a nava afti pini seŋni zi miɗi, pinziba lai piɗi humuni n'a wa woɗi. 6Alini Kam: Kus, Misrayim, Put gaini Kanaan lai. 7Alini Kus: Seba, Havila, Sabta, Rama gaini Sabteka. Alini Rama: Saba gaini Dedan. 8Kus a wa Nemrod, a ɗif na gaŋgalaŋ n'avut midini afti ɗa. 9a na ka a ɗif n'a sɗa ɵar gara wuzani EPIƊ-ƊAI, buri nɵa ɗai lai e miɗi: Ɗif zi ɵar na gaŋgalaŋ gara wuzani EPIƊ-ƊAI maini Nemrod ɵa 10Fuŋ n'abakai na warɗi pai na wiini ɗa a hanɗa: Babel, Erek, Akkad, fuŋ n'abakai na wiini afti na Sineyar paŋ. 11A niyasi edi midini afti par aŋ hala war Asur, a rgiti Ninive, Rehobot-Ir, Kala, 12fuŋ n'abai gaiɗi Reseŋ arbaɗi Ninive gaiɗi Kala. 13Misrayim a wiɗi ɗai na Lud, na Einam, na Lehab gaiɗi na Naftuwa. 14Ɗai na midini afti n'amai sek: Na Kasluwa, na Filistrekai e niyisi edi siɗi par gaiɗi na Kaftor.
15Kanaan a wa Sidon ahini n'avut, asakal par a wa Het, 16Het a tiyɗi Yebuzitekai, Amoritekai, Girgazitekai, 17Hivitekai, Arkitekai, Sinitekai, 18Arvaditekai, Semaritekai gaiɗi Hamatitekai lai. Asakal par piɗi humuniɗi Kanaaniyakai a ɵara edi. 19Aftini Kanaan a tika pini a Sidon par, siɗi Gerar par ɗaw haa a Gaza, siɗi Sodoma gaiɗi Gumura par, Adma gaiɗi Seboyim par ɗaw haa Lesa ta. 20Alini Kam piɗi humuniɗi gaini seŋɗi zi miɗi, e diŋgi war afti zaw ziba maini nɵa. 21Sem, tawalni Yafet n'abai, a wa epiɗi alini Eber paŋ, 22Alini Sem e ɗa maini nɵa: Elam, Asur, Arpaksad, Lud gaini Aram. 23Alini Aram: Us, Hul, Geter gaini Mas. 24Arpaksad a wa Sela, Sela a wa Eber, 25Eber a wa ali sulu: n'avut ɗa yikini ɓa Peleg, buri war mefeŋ na wiini ɗa yai te ɓurwa ca. Tawalni yikini ɓa Yoktan. 26Yoktan a wa Almodad, selef, Hasarmawet, Yera, 27Hadoram, Uzal, Dikla, 28Obal, Abimayel, Saba, 29Ofir, Havila gaini Yobab, hanɗa paŋ e ɗi alini Yoktan. 30E simni arbaɗi Mesa gaiɗi huwuŋi na piɗi futi na dawai par.
31Maini nɵa, alini Sem e diŋgi amai war ziba, war afti lai pini humuniɗi, piŋ seŋɗi zi miɗi. 32Hanɗa e ɗi alini Nowa n'e tipi amai piɗi humuniɗi humuniɗi, war ziba ziba. Ɓraw na wiiɗi ziba edi midini afti paŋ, asakalni yem n'abai par a tika pini gaiɗi.
Currently Selected:
Pi zi tiki 10: MUSGUM
Highlight
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964