Bap 6

Apostel batele bëkè-bisye zamgbal#6,1-7E bod zamgbal ba bëngabë hë na bavòli a esye nkaban bidi.

1Mëlu mëte, ndò taṅ bëyègè engabed fò abui; E bod ya nnam Grek#6,1Bod ya nnam Grek bëngabë Yuden ya bëngakë babyali a yob yob. bëngasòg Ebrea, amu Ebrea bëkarëga voan minkus mi Grek a ekab-bidi ya amos osë. 2Ndò bë awom ai bëbè bëngaloe nkunda bëyègè, bò na: «Asëki mbëṅ na bikë dzoge ebug Zamba a si, na biasye bod a tëbëlë. 3A babëdzaṅ, tòban bod ya bënë ai olugu a zaṅ dzaan zamgbal, bëtoa ndzalan ai nsisim, ai fëg; mbò biayi tele a esye dzi; 4mfag waan, biayi mvaman ai ngogëlan, ai esye ebug.» 5Ndò adzo di anganyëb bod bësë a nnëm, ndò batòb Stefanus, mod ya angabë ndzalan ai ṅyëbë, ai Mfufub Nsisim; bëtòbò fë Filip, Prokoro, Nikanor, Timon, Parmenas, Nikola, mod ya anganòṅ ṅyëbë a Antiokia, 6ndò batele bò apostel osu, ndò bakogëlan, bëbede bò mò. 7Ebug Zamba enganaṅ, taṅ bëyègè engabui a Yerusalem eyëgan, abui dzam ya bëfada bëngayebë fë.

Babi Stefanus

8Stefanus antoa ndzalan ai maa, ai ngul, angabò biyëṅ bi mam ai bod mëndëm a zaṅ bod ha. 9Ndò bod bëziṅ ya nda-bikoan ya bëloege na 'nda-bikoan fili bod'#6,9Nda-bikoan fili bod: E fili bod nyi engabë Yuden ya bëngabë bëlò osusua, ndò bëngasoeban fili., ai bod ya Sirena, ai Alesandria, ai bod ya Silisia ai Azia, bëngalaṅëdan ai Stefanus, 10dzam da tègè dzam kui a nkoṅ fëg ai nsisim angabë akòbògò etere. 11Ndò batindi bod na bëkad na: Bingawog nyè akòbògò mam më ebyandi mëtyan ai Moses, ai Zamba. 12Ndò bëngamana yoṅolo bod minnëm, ai bëfada, ai bësaṅa bëkalara, ndò bazu nyè dilan, bëbii nyè, bëkëlë ai nyè a nda-mëdzo, 13ndò bëtsigi bë mbë mvaa bëngatëbë, bò na: E mod nyò anë hë akòbò abe ai mfufub etòbògò hi ai mvende. 14Amu biawog nyè adzo na Yesus man Nazaret ṅnyè ayi bug etòbògò dzi, atsende fë e mëtum Moses angalig bia ai mò. 15Ndò e bod bësë bëngabë bëtoa a nda-mëdzo ha bëngabëbë nyè, bëntala asu die hë anë asu englès.

Currently Selected:

Bap 6: NTE12

Highlight

Copy