DIPESALEME 128
128
Lesego la go boifa Modimo
1Sefela sa go ya Tempeleng.
Go sego mongwe le mongwe
yo o boifang Morena,
yo o tsamayang
mo ditseleng tsa gagwe.
2Ruri,
o tla ja tsa tiro ya diatla tsa gago.
O letlhogonolo! O tshela sentle.
3Mosadi wa gago o tshwana
le moweine o o ungwang,
a le mo teng ga ntlo ya gago.
Bana ba gago ba ntse jaaka
matlhogela a motlhware,
ba dikanyeditse bojelo jwa gago.
4Bona, monna yo o boifang
Morena,
ruri o tla tshegofadiwa jalo.
5A Morena a go tshegofatse
a le mo Sione,
gore o bone letlhogonolo
la Jerusalema ka malatsi otlhe
a bophelo jwa gago,
6o be o bone le bana ba bana
ba gago!
A kagiso e nne le Iseraele!
Currently Selected:
DIPESALEME 128: TSW70
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1970, 1987, 2007. Used by permission. All rights reserved.
