Apokalupo 7
7
PENE VII - 7
Te aronga tavini o te Atua i te akairo angaia e te angela ra: to Iseraela, e to te pa enua katoa ora anga i te toto o te Mesia.
1E I muri ake i teianei au tuatua, kite atura au i e toko a puke angela i te tu anga i nga tuanga e a o te enua nei, #Dani 7:2i te tāpu anga i nga matangi e a o te ao nei, #Apo 9:4kia kore te matangi e arara ki runga i te enua nei, e te tai, e te au rakau katoa nei. 2E kite atura au i tetai angela ke i te kake anga i te itinga o te rā ra, e tei iaia te akairo a te Atua ora ra: kua kapiki ua maira ma te reo maata i nga angela toko a ra, tei orongaia mai te mana no ratou kia rave kino i te enua e te tai, 3Na ko maira, #Apo 6:6; 9:4Auraka na e rave kino atu i te enua, e te tai, e te au rakau, #Eze 9:4; 14:1kia ope ra te au tavini o to tatou Atua i te akairoia e matou #Apo 22:4to ratou rae. 4#Apo 9:16Kua akarongo atura au i te maata anga o te aronga i akairoia ra: #Apo 14:1okotai anere e a ngauru ma a i te tausani i akairoia ra, no te au kopu ravarai o te tamariki a Iseraela ra. 5To te kopu o Iuda ra, okotai ngauru ma rua tausani i akairoia. To te kopu o Reubena ra, okotai ngauru ma rua tausani i akairoia. To te kopu o Gada ra, okotai ngauru ma rua tausani i akairoia. 6To te kopu o Asera ra, okotai ngauru ma rua tausani i akairoia. To te kopu o Naphatali ra, okotai ngauru ma rua tausani i akairoia. To te kopu o Manase ra, okotai ngauru ma rua tausani i akairoia. 7To te kopu o Simeona ra, okotai ngauru ma rua tausani i akairoia. To te kopu o Levi ra, okotai ngauru ma rua tausani i akairoia. To te kopu o Isakara ra, okotai ngauru ma rua tausani i akairoia. 8To te kopu o Zebuluna ra, okotai ngauru ma rua tausani i akairoia. To te kopu o Iosepha ra, okotai ngauru ma rua tausani i akairoia. To te kopu o Beniamina ra, okotai ngauru ma rua tausani i akairoia.
9E i muri aki i te reira, akara atura au, e i na, #Roma 11:25e aronga maata rava, kare takiri e pou kia tatau, #Apo 5:9no te pa enua ravarai, e te au kopu ravarai, e te au iti-tangata ravarai, e te au reo katoa oki, i te tu ua anga ki mua i te terono, e ki mua i te Punua-mamoe, #Apo 3:5,18; 4:4; 6:11; 7:14ma te kakau teatea i te kakau anga, e ma te kikau nu tamara i to ratou rima; 10E ma te kapiki nui to ratou reo, i te na ko anga e, #Sala 3:8; Isa 43:11; Iere 3:23; Hose 13:4; Apo 19:1No to tatou Atua te ora, #Apo 5:13tei noo ki rungao i te terono, e no te Punua-mamoe. 11#Apo 4:6Te tu anake maira te au angela e kako rava ake taua terono ra, e taua aronga taito ra, e nga mea ora e a ra, e kua tipapa anake iora ki raro to ratou mata ki mua i te terono ra, akamori atura i te Atua, 12#Apo 5:13,14Na ko atura, E tika ïa: ko te akapaatu, e te kakā, e te pakari, e te akameitaki, e te ngateitei, e te mana, e te maroiroi, ei to tatou Atua ïa, e tuatau e tuatau ua atu. Koia ïa. 13Kua tuatua maira tetai o te aronga taito ra iaku, na ko maira, Koai teianei aronga e kakau #Apo 7:9i te kakau teatea nei? e noea mai oki ratou? 14Kua karanga atura au iaia, Kua kite koe, e taku rangatira. Kua tuatua maira aia iaku, #Apo 6:9; 17:6Ko te aronga teia i aere mai mei roto i te mate maata, #Isa 1:18; Ebe 9:14; 1 Ioa 1:7; Apo 1:5; Zeka 3:3,4,5e kua orei i to ratou kakau, e kua akateatea i te toto o te Punua-mamoe ra. 15I noo ei ratou ki mua i te terono o te Atua ra, e i akamori ei ratou iaia i te po e te ao i tona #7:15 Nooanga Atua.nao: e na tei noo ki runga i te terono ra #Isa 4:5,6; Apo 21:3e noo ki rotopu ia ratou. 16#Isa 49:10Kare ratou e pongi akaou, kare oki e kaki vai akaou; #Sala 121:6; Apo 21:4kare oki ratou e iti akaouia e te rā, e te veravera. 17Na te Punua-mamoe oki ko tei noo i rotopu i te terono ra #Sala 23:1; 36:8; Ioa 10:11,14e angai ia ratou, e e arataki oki ia ratou ki te au pupui anga o te vai ora, #Isa 25:8; 21:4e na te Atua e orei i to ratou roi-mata katoa i to ratou mata.
Currently Selected:
Apokalupo 7: CIMB
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
