Maseli 1
1
PENE I - 1
Te akoia nei te tangata kia akono i te tuatua, e kia mataku i te Atua.
1 # 1:1 Ou i te Mesia 1000. TE #1 Ari 4:32; Mase 10:1; 25:1; Kohe 12:9maseli a te ariki o Iseraela, a Solomona, te tamaiti a Davida; 2Kia kite i te pakari, e te ako; ei akakite i te au tuatua kite; 3#Mase 2:1,9Kia ārikiia ta te pakari i apii mai, te tuatua-tika, e te tuatua-tau, e te apa kore; 4E o atu i te pakari #Mase 9:4ki te kamakura; te kite, e te akono meitaki, ki te tangata ou. 5E #Mase 9:9riro te tangata pakari i te akarongo, e e tupu te kite, e rauka te kite tikai i te tangata akono meitaki; 6E kite ei i te maseli, e te aiteite anga; te reo o te aronga pakari, e ta ratou #Sala 78:2tuatua pikipiki.
7 #
Iobu 28:28; Sala 111:10; Mase 9:10; Kohe 12:13 Ko te akamataanga o te kite ra, ko te mataku ïa ia Iehova; ko te pakari ra e te ako ra ko tei akavaavaaia ïa e te neneva.
8 #
Mase 4:1; 6:20 E akarongo mai, e taku tamaiti, ki te apii a to metua tane, e auraka e akaruke i te ture a to metua vaine ra: 9E #Mase 3:22riro oki te reira ei pare manea ki runga i to upoko ra, e ei pirianganaoa auro ki runga i to kaki na. 10E taku tamaiti, kia akanauruia mai koe e te aronga rave ara ra, #Gene 39:7&c; Sala 1:1; Ephe 5:11auraka koe e akatika atu. 11Kia tuatua mai ratou e, Taki aere tatou, tatou #Iere 5:26e tapapa i te tangata kia mate, tatou e moetapapa ki te aronga ara kore e kare e tumu; 12Tatou e apuku ora ua ia ratou, mei ia ade ra; kia pou takiri, #Sala 28:1; 143:7mei te aronga e riro ki te vaarua ra; 13E kitea e tatou te apinga meitaki roa ra, e ki to tatou au are i te apinga āru; 14Ei #1:14 Tetai tuatua - ko.ku nei katoa tatou; kia okotai rai pute apinga na tatou katoa ra: 15E taku tamaiti, #Sala 1:1; Mase 4:14auraka koe e kapiti katoa ki to ratou mataara; #Sala 119:101kiritia mai to vaevae i taua aerenga no ratou ra: 16#Isa 59:7; Roma 3:15Te oro ra oki to ratou vaevae ki te kino, e te rapurapu ra ratou i te akamaringi toto. 17Totoa anga puapinga kore to te kupenga ki mua i te mata o te manu ra: 18Ko te reira ra aronga, te tapapa nei ïa ki to ratou uaorai toto: te tuku nei ratou i te ereere kia mate ratou uaorai. 19#Mase 15:27; 1 Timo 6:10Ko te tu ïa o te aronga katoa e morimori i te apinga; e riro ke oki te aronga i rauka ta ratou ra.
20 #
Mase 8:1&c; 9:3; Ioa 7:37 Te kapiki nui nei te pakari ki te ngai atea ra; te puroro maira tona reo ki te au arataa. 21I rotopu i te uipa anga mutamuta ra aia i te kapiki ua anga, i te tomoanga i te au ngutupa; ki roto i te oire i te akakite anga aia i tana tuatua, i te na ko anga e, 22Mei te aa te roa, e te aronga kite kore, e inangaro ei kotou i te tuatua puapinga kore ra? e ko kotou te aronga akavaavaa, e rekarekaʼi i te akavaavaa, e te aronga neneva ra, i te inangaro kore anga i te kite? 23E ariu mai kotou i taku e ako atu nei: i na, #Ioela 2:28e riringi ua atu au i taku vaerua ia kotou, e akakite pu tikai au ia kotou i taku nei tuatua. 24#Isa 65:12; 66:4; Iere 7:13; Zeka 7:11No te mea kua kapiki atu au, e kare i tika ia kotou; kua akatika atu au i toku rima, e kare rava e tangata i akono mai; 25#Sala 107:11; Mase 1:30; Luka 7:30Kua ope ra taku i ako atu i te akarukeia e kotou, e kare i akono mai i taku i akaapa atu: 26#Sala 2:4E kata katoa au kia rokoia kotou e te kino ra; e taitoito atu au, kia rokoia kotou e ta kotou e mataku ra; 27#Mase 10:24Kia rokoia kotou e ta kotou e mataku mei te uriia ra, kia oro mai to kotou tumatetenga mei te puaioio ra; e rokoia iora kotou i te mate e te mamae maata. 28#Iobu 27:9; 35:12; Isa 1:15; Iere 11:11; 14:12; Eze 8:18; Mika 3:4; Zeka 7:13; Iako 4:3Ei reira ratou e kapiki mai ei iaku, kare ra au e ki atu; e kimi vave mai ei ratou iaku, kare ra ratou e kite mai iaku: 29Ko ratou oki #Iobu 21:14; Mase 1:22kare i inangaro i te kite, e #Sala 119:173kare i anoano i te mataku ia Iehova: 30#Mase 1:25; Sala 81:11Kare i anga mai ki taku tuatua; kua ope ra taku i ako atu i te akavaavaaia e ratou. 31#Iobu 4:8; Mase 14:14; 22:8; Isa 3:11; Iere 6:19E teianei, e kai ratou i tei tupu i to ratou uaorai aerenga, e ka iu oki ratou i ta ratou uaorai i akakoro ra. 32Ka mate oki te aronga manako kore ko ratou i tatipake ra, e na te irinaki anga o te aronga neneva ra ratou e akapou. 33#Sala 25:12,13Ko tei akarongo mai iaku ra, ka noo marie ua ïa ma te ora; e #Sala 112:7akaea ua aia ma te mataku kore i te kino.
Currently Selected:
Maseli 1: CIMB
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
