Mareko 7

PENE VII - 7

Te orei anga rima, e te ravenga puapinga kore a te au Pharisea: te au mea e viivii ei te tangata: te vaine Phenia Suria: te tangata turi e te murare i akaoraia.

1KUA #Mata 15:1uipa maira te au Pharisea i reira, e tetai aronga tata tuatua, mei Ierusalema mai, kiaia ra. 2E kia akara ratou i o tokotai puke pipi ana ra i te kai anga i te kai ma te rima viivii, koia oki te rima orei koreia ra, kua akakino maira. 3E akono rai oki te au Pharisea, e te ngati Iuda katoa, i te peu i tukua mai e te aronga taito ra, kare e kai ua i te manga, e na mua ra i te orei marie i te rima. 4E kia oki mai ratou mei te okoanga ra kia kore ratou e orei, kare ua e kaikai. E manganui katoa oki te peu, ta ratou e akono, i te orei anga i te au kapu, e te au pani, e te au kapu veo ra, e te au roi oki. 5#Mata 15:2Kua ui maira te au Pharisea, e te au tata tuatua, kiaia, Eaa taau au pipi nei i kore ei i akono i tei tukuia mai e te aronga taito ra, te kai nei i te kai ma te rima orei koreia ra? 6Kua karanga atura aia kia ratou, na ko atura, E te au pikikaa, te tau tikai nei kotou i ta Isaia i tuatua ia kotou, i tei tataia ra e, #Isa 29:13; Mata 15:8“Ko te vaa o teianei aronga te akameitaki mai iaku; tei te atea ke ra to ratou ngakau iaku. 7E akamori anga puapinga kore ra ta ratou iaku, ka apii ei i tei tukuia mai e te tangata anake ra.” 8Kua kopae oki kotou i ta te Atua ra akauenga, e kua mou piri atura i tei tukuia mai e te tangata nei, i te orei anga pani e te au kapu nei; e e manganui oki te ravenga mei te reira te tu, ta kotou e akono nei: 9E kua na ko atura aia kia ratou, E meitaki mari ta kotou akakore anga i ta te Atua ra akauenga, kia akonoia ta kotou tuatua tukuia maira. 10I tuatua mai oki a Mose, #Exo 20:12; Deu 5:16; Mata 15:4 “E akangateitei atu i to metua tane e to metua vaine;” e, #Exo 21:17; Levi 20:9; Mase 20:20 “Ko tei taumaa i te metua tane e te metua vaine ra, e tamate takiri roaia.” 11Te tuatua nei ra kotou, Te tangata e karanga atu ki tona metua tane, e te metua vaine ra, #Mata 15:5; 28:18Kia tapu, koia oki kia orongaia na te Atua taku apinga katoa e puapingaiaʼi koe nei; 12Auraka e takinga-meitaki atu i tona metua tane, e tona metua vaine, i ta kotou; 13Te pera nei oki kotou i te akakore anga i ta te Atua ra tuatua i ta kotou tuatua tukuia mai, ta kotou e mou nei; e mei te reira ta kotou e rave nei e manganui.

14 # Mata 15:10 Kua karanga atura aia ki taua au tangata ravarai ra, na ko atura kia ratou. Ka akarongo mai ana iaku nei, ko kotou ravarai, kia kite: 15Kare rava to vao nei e viivii ei te tangata kia o ki roto: te au mea ra no roto maira, ko te mea ïa e viivii ei te tangata. 16#Mata 11:15E te tangata e taringa tona ei akarongo anga ra, e akarongo aia. 17#Mata 15:15E kia aere maira aia ki ratou i te are, kia vaio atu i te tangata tini ra, kua ui maira tana au pipi kiaia i taua parabole ra. 18Kua karanga atura aia kia ratou, Te vai kite kore nei rai kotou? Kare kotou i kite, i te au mea no vao nei, kia o ki roto i te tangata, kare aia e viivii i te reira: 19No te mea kare ïa i o ki roto i tona ngakau, ki roto ra i te kopu, i te ngai e taka ke ei te kino o te kai, e akarukeia atura ki vao? 20Kua na ko atura aia, To roto mai i te tangata, ko te mea ïa e viivii ei te tangata. 21#Gene 6:5; 8:21; Mata 15:19No roto mai oki no roto i te ngakau tangata, te manako kikino, te moeaana te akaturi, te ta tangata, 22Te keia, te noinoi apinga, te vareae, te pikikaa, te kanga, te manava kino, te akakino Atua, te nengonengo, e te auouo: 23No roto anake te reira au mea kikino, ko te mea ïa e viivii ei te tangata. 24#Mata 15:21Kua tu akera aia ki runga, aere atura ki te kotinga i Turia e Sidona ra, tomo atura ki roto i tetai are, i inangaro aia auraka tetai tangata kia kite, kare ra aia e ngaro.

25Tetai vaine oki, i uruia tana tamaine iti i tetai vaerua viivii, kite akera aia, kua aere maira, kua akatopa maira ki tona pae vaevae: 26(e Eleni oki taua vaine ra, no Phenia Suria,) kua tuatua meitaki maira aia kiaia, kia tuaru aia i te demoni i roto i tana tamaine ra. 27Kua karanga aturā Iesu kiaia. Kia pangia na te tamariki e tikaʼi: kare e tika kia apai atu i te kai a te tamariki, e akaruke atu ei na te puakaaoa. 28Kua tuatua maira aia kiaia, na ko maira, E tika rai, e te Atu; e kai ra te puakaaoa i te ungaungā kai a te tamariki i raro ake i te kaingakai ra. 29Kua na ko atura aia kiaia, Ka aere i te kainga; kua riro te demoni i roto i to tamaine ra ki vao, ko koe i pera mai na. 30Aere atura aia ki te ngutuare i reira, rokoia atu tana tamaine ra, te takoto ua ra ki runga i te roi, kua riro te demoni ki vao.

31 # Mata 15:29 Akaruke atura aia i te kotinga i Turia e Sidona, aere atura i te pae roto i Galilea ra, na rotopu i te enua ra i Dekapoli. 32#Mata 9:32; Luka 11:14Kua arataki maira ratou i tetai tangata taringa turi e te murare iaia ra; kua tuatua meitaki maira kiaia, kia tuku atu i tona rima ki rungao. 33Kua arataki ke atura aia iaia i taua urupu tangata ra, kua tuku iora i tona rima ki roto i ona taringa, #Mare 8:23; Ioa 9:6tutua akera i te uavare, e kua akatukia atura i tona arero. 34#Mare 6:41; Ioa 11:41; 17:1Kua nānā akera ki runga i te rangi, #Ioa 11:33,38ngunguru iora, e kua na ko atura kiaia, Ephata, koia oki, Kia puata. 35#Isa 35:5,6; Mata 11:5Puata iora ona taringa, matara akera oki tona arero, meitaki maira tana tuatua i reira ra. 36Kua #Mare 5:43ako atura aia ia ratou, Auraka rava e akakite ki te tangata: kia maata ra aia i te ako anga ia ratou e, Eiaa, maata rava atura to ratou akakite aere anga: 37Na ko akera, ma te umere maata, E mea tika rava te au mea katoa tana e rave nei; te akapuata nei aia i te turi, e te tuatua nei te murare iaia.

Currently Selected:

Mareko 7: CIMB

Highlight

Copy