Mareko 11

PENE XI - 11

To Iesu tomo anga ki roto ia Ierusalema: te suke ua kore i te akakino angaia: te tamā anga i te iero: no te akarongo, te pure, e te tu maru: no te bapetizo a Ioane.

1E #Mata 21:1; Luka 19:29; Ioa 12:14VAITATA maira Ierusalema ia ratou, tae atura i Betephage e Betania, i te maunga ra i Oliveta, kua tono atura aia i e toko rua puke pipi ana. 2Kua na ko atura kia raua, Ka aere na korua ki tera vila; e kia tomo atu korua ko roto, e kite korua i tetai punua asini, kua erekia, kare oki i nooia e te tangata; ka tatara ake, e taki mai. 3E kia tuatua mai tetai tangata kia korua, Eaa korua i rave ei? e na ko atu korua, E tau teia i te Atu; e nana e tuku mai i reira ra. 4Aere atura raua, e kite atura i taua punua ra, te erekia ra i te pae ngutupa ki vao ra, i te ngai e tutaki ei nga mataara e rua katoa, kua tatara iora. 5Kua na ko maira tetai pae o te aronga i tu i reira, Eaa korua i tataraʼi i tenana punua? 6Kua karanga atura raua ki ratou i ta Iesu i akaue maira: tuku maira ratou ia raua kia rave ua na. 7Kua taki maira raua i taua punua ra kia Iesu, kua tuku atura i to raua kakau ki rungao; noo iora aia ki rungao. 8#Mata 21:8 E manganui oki tei toatoa i to ratou kakau i te arataa; tipu atura oki tetai pae i te #11:8 Kikau nu tamara.rara rakau, ārikiriki atura i te ara. 9Kua kapiki ua maira te aronga i aere na mua ra, e tei aru mai na muri, na ko maira, #Sala 118:26Hosana; Kia ora aia, ko tei aere mai ma te ingoa o Iehova: 10Kia meitaki te basileia o to tatou metua ra o Davida, ko tei tae mai ma te ingoa o Iehova: #Sala 148:1Hosana i te rangi teitei ra. 11#Mata 21:12Kua tomo aturā Iesu ki roto i Ierusalema, e ki roto oki i te iero; e kia ope te au mea ravarai e pini ua ke i te akaraia e ia, no te mea kua aiai, aere ke atura aia ki Betania, koia ma te tino ngauru ma rua ra.

12 # Mata 21:18 E ao akera, te oki maira ratou mei Betania maira, pongi iora aia: 13#Mata 21:19Akara atura aia i tetai suke i te atea ke, te rauia ra, aere atura aia e akara i te kai ki rungao; e vaitata atura aia, kare e kai i kitea o runga, ko te rau anake ra; kare oki i tae ki te tuatau suke ra. 14Kua karanga aturā Iesu i taua suke ra, na ko atura, Auraka e tangata e kai akaou atu i te kai no rungao ia koe na e tuatau ua atu. Te akarongo atura oki tana au pipi.

15 # Mata 21:12; Luka 19:45; Ioa 2:14 E tae maira ratou ki Ierusalema: tomo aturā Iesu ki roto i te iero ra, kua tuaru atura ki vao te aronga i oko atura e oko maira i roto i te iero ra, tatipoki atura i te au papa a te aronga oko moni ra, e te au nooanga o te aronga i oki i te kukupa ra; 16E kare rava i tuku i te tangata, kia apai i te kapu āriki apinga na roto i te iero ra. 17Kua apii atura aia ia ratou, na ko atura, Kare aina kua tataia e #11:17 Te irava kiriti ki ko nei tei tataia, koia oki Ioa 56:7. Kare e 56 pene i roto i te buka Ioane. Kia akaraia ra te buka Isaia - tei reira te tikaanga.#Isa 56:7“Toku nei are, e karanga ia ïa e are pure no te pa enua ravarai?” kua akariroia io nei ra e kotou #Iere 7:11“e ana no te aronga keia ra.” 18E kite akera te #Mata 21:45,46; Luka 19:47au tata tuatua e te kau taunga nunui ra, kua kimi iora i ta ratou ravenga e ta iaia: te mataku ra ratou iaia, no te mea #Mata 7:28; Mare 1:22; Luka 4:32te va anake ua ra te tangata tini ravarai i tana tuatua. 19E aiai iora, aere atura aia ki vao i taua oire ra.

20 # Mata 21:19 E popongi akera, kia oki mai ratou ra, akara atura ratou i taua suke ra, kua mae rava atura ma ta tumu katoa. 21Kua maara akerā Petero, na ko atura kiaia, E te Orometua, i na, te suke taau i akakino ra, kua mae rava. 22Kua tuatua mairā Iesu, na ko maira kia ratou, Ei akarongo to kotou i te Atua. 23#Mata 17:20; 21:21; Luka 17:6Koia mou oki taku e karanga atu kia kotou nei, Ko te tangata e karanga ua atu i teianei maunga, Kia kiritiia koe, e titiriia ki raro i te tai; ma te ekoko kore i tona ngakau, e te manako tika ra e, ko tana e tuatua ra e tupu ïa; e rauka iaia tana e tuatua ra. 24E teianei e akakite atu au kia kotou e, #Mata 7:7; Luka 11:9; Ioa 14:13; 15:7; 16:24; Iako 1:5,6Te au mea katoatoa ta kotou e pati kia pure ra, kia manako e, e rauka taua au mea ra, kare ïa e kore i te rauka mai. 25E kia pure kotou, e e ara ta kotou ia etai ke ra, #Mata 6:14; Kolo 3:13ka akakore i taua ara ra: kia akakore katoaia ta kotou ara e to kotou Metua i te ao ra. 26#Mata 18:35Kia kore ra kotou e akakore i te ara, kare katoa to kotou Metua i te ao ra, e akakore mai i ta kotou ara.

27E tae akaou atura ratou ki Ierusalema: #Mata 21:23; Luka 20:1e te aaere ua ra aia i roto i te iero ra, kua aere maira te kau taunga nunui ra, e te au tata tuatua, e te aronga pakari, 28Kua na ko maira kiaia, Koai te tumu i rave ei koe i teianei au mea? e naai i oronga mai i te mana ia koe ei rave i taua au mea nei? 29Kua karanga atura Iesu, na ko atura kia ratou, E ui katoa anga taku ia kotou e, kia akakite mai kotou kiaku, ka akakite katoa atu au kia kotou i te tumu i rave ei au i taua au mea nei. 30I te bapetizo a Ioane nei, no te rangi mai aina? e na te tangata aina? Ka akakite mai. 31Kua eumiumi iora ratou ratou uaorai, na ko akera, Kia tuatua tatou, No te rangi mai; e riro aia i te tuatua mai e, Eaa iora kotou i kore ei i akarongo atu iaia? 32Kia tuatua oki tatou, Na te tangata; kua mataku oki tatou i te tangata; #Mata 3:5; 14:5; Mare 6:20kua kite katoatoa oki ratou e, e peroveta tikai a Ioane. 33Kua tuatua maira ratou kia Iesu, na ko maira, Kare matou i kite. Kua karanga aturā Iesu kia ratou, na ko atura, Kare katoa au e akakite atu ia kotou i te tumu i rave ei au i taua au mea nei.

Currently Selected:

Mareko 11: CIMB

Highlight

Copy