Luka 21

PENE XXI - 21

Te apinga a te vaine takaua: te pou anga o te iero, takinga-kino anga i te au Aposetolo, e te oki akaou anga mai o te Mesia, i akakite mamaoia mai.

1NĀNĀ akera aia, #Mare 12:41kite atura i te aronga apinga nui i te tuku anga mai i ta ratou moni ki roto i te pia apinga. 2E kite katoa atura aia i tetai vaine takaua apinga kore i te tuku anga i nga #21:2 Mare 12:42lepeta e rua ki roto. 3Kua karanga atura aia, E tuatua-mou teia taku e karanga atu kia kotou na, #2 Kori 8:12E maata ta te vaine takaua apinga kore nei i tuku ki roto, i ta ratou ravarai: 4No roto oki i te toenga i to ratou apinga maata ta ratou i tuku maira ki roto i te apinga a te Atua: kareka aia nei, kua ope rava tona apinga rikiriki i te tukuia e ia ki roto.

5 # Mata 24:1; Mare 13:1 Te tuatua ra tetai pae i te iero, i te manea i te toka memeitaki e te au atinga, kua karanga atura aia, 6Teianei au mea ta kotou e akara nei; te vaitata mai nei te tuatau, #Luka 19:44kare rava tetai toka e vaioia ki rungao i tetai, ka ope rava ïa i te uriia ki raro. 7Kua ui maira ratou kiaia, na ko maira, E te Orometua, aea ïa au mea e tupu ei? e eaa te akairo e kiteaʼi e, kua vaitata i te tupu? 8Kua karanga atura aia, #Mata 24:4; Mare 13:5; Ephe 5:6; 2 Tesa 2:3Kia matakite, eiaa kotou e vare. E manganui oki te ka aere mai ma toku nei ingoa, e te na ko anga mai e, Ko au te Mesia: e vaitata oki taua tuatau ra: auraka ra kotou e aru atu ia ratou. 9E kia akarongo kotou i te rongo tamaki, e te ngaueue anga, auraka e mataku; na mua oki te reira i te tupu e tikaʼi, kare ra e vaitata te openga i reira. 10#Mata 24:7Kua karanga atura aia kia ratou, E tu mai tetai enua e tamaki mai ki tetai enua, e tetai basileia e tamaki mai ki tetai basileia: 11E te ngaruerue maata i te enua i tera ngai i tera ngai, e te onge, e te maki-mate, e te mea rikarika, e te au akairo mamaata, i te kitea anga mai i runga i te rangi. 12#Mare 13:9; Apo 2:10Ko kotou na ra te ka opukia mai ana, e ka takinga-kinoia, i te tuku anga atu ia kotou ki te au sunago ra, e ki roto i te #Anga 4:3; 5:18; 12:4; 16:24are tapekaanga, #Anga 25:23e ka kavea oki ki mua i te aroaro o te ui ariki e te au tutara, #1 Pete 2:13no toku nei ingoa. 13#Phili 1:28; 2 Tesa 1:5E riro te reira ei tuatua-akakite na kotou. 14#Mata 10:19; Mare 13:11; Luka 12:11E tenana, e akakoro marie kotou, e auraka rava e na mua te kimi i te tuatua ei tuatua anga atu. 15Naku oki e oronga atu i te vaa no kotou e te pakari, #Anga 6:10kare rava e tika i to kotou au enemi kia akakore mai e kia patoi mai. 16#Mika 7:6; Mare 13:12Ka pikikaaia kotou e to kotou ai metua, e to kotou ai taeake, e to kotou uaorai kopu-tangata, e to kotou au tangata uaorai, #Anga 7:59; 12:2e ka mate tetai pae o kotou na ia ratou. 17#Mata 10:22E ka makitakitaia mai kotou e te tangata ravarai i toku nei ingoa. 18#Mata 10:30Kare rava ra tetai io rauru i to kotou na mimiti e ngaro. 19E ora ra kotou kia mou tamou marie. 20#Mata 24:15; Mare 13:4Kia akara ra kotou ia Ierusalema i te takako angaia e te au nuku, kua vaitata rava tona pou i reira, kia kite mai kotou. 21Te aronga e noo i Iudea ra, ka oro ratou ki te maunga i reira; e to roto i te oire ra, ka aere ïa ki vao; e auraka to te au ngai katoa ra e tomo akaou ki roto i te oire. 22E tuatau akaoko anga oki te reira, #Dani 9:26,27; Zeka 11:1e ope ei te au tuatua i tataia ra i te akatupuia. 23#Mata 24:19E ae oki to te au vaine nui ra, e te akangote i te tamariki i te reira tuatau! e mate maata oki to te enua nei i reira, e te riri i rungao i teianei iti-tangata. 24E inga oki ratou i te mata koke, e arataki tuikaaia ïa ki te pa enua ravarai: e ka takatakaiia oki Ierusalema e te au etene, #Dani 9:27; 12:7; Roma 11:25e kia ope tikai to te etene tuatau.

25 # Mata 24:21; Mare 13:24; 2 Pete 3:10,12 E e akairo to roto i te rā, e to roto i te marama, e to roto i te au etu; e te mate anga o te pa enua o te ao nei i te tumatetenga; te tai e te kare i te aruru anga; 26E te taravai anga o te ngakau tangata i te mataku, e te manako ua anga i taua au mea ra i te vaitata anga mai i te ao nei; #Mata 24:29ka riro oki te au mea mana o te rangi ra i te ruruia. 27Ei reira ratou e kite ei i te Tamaiti a te tangata, #Mata 24:30; Apo 1:7; 14:14i te aere anga mai na roto i te tiao, ma te mana e te kakā maata. 28E kua tupu anake teianei au mea, e nānā to kotou mata ki runga, e akateitei to kotou mimiti; #Roma 8:19,23te vaitata maira oki to kotou ora. 29#Mata 24:32; Mare 13:28Kua tuatua aia i tetai parabole kia ratou; Ka akara ana i te suke e te rakau tini; 30Kia akara kotou i te kao anga, te kite ua ra kotou e, kua vaitata rava i akaū i reira. 31Koia katoa teia, kia akara kotou i taua au mea nei i te tupu anga, kua vaitata ïa te basileia o te Atua, kia kite oki kotou. 32Koia mou taku e karanga atu kia kotou na, Kare e ope teianei uki, ka ope ei i te tupu taua tuatua nei. 33#Mata 24:35E kore ake te rangi e te enua, kare rava ra taku nei tuatua e kore.

34 # Roma 13:13; 1 Tesa 5:6; 1 Pete 4:7 E matakite ra ia kotou, ko te opue aea to kotou ngakau i te maata o te kai e te kona, e te pekapeka o teianei ao, ka rokoia mai ei kotou e taua rā ra, kare i manakoia atu. 35#1 Tesa 5:2; 2 Pete 3:10; Apo 3:3; 16:15 E rokoia mai oki tei noo i te ao katoa nei i te reira, mei te ereere ra. 36#Mata 24:42; 25:13; Mare 13:33E tenana, e ara kotou, #Luka 18:1e tamou tikai i te pure, kia tau ia kotou te ora i teianei au mea katoa e vaitata mai nei, #Sala 1:5; Ephe 6:13e kia tu kotou ki mua i te aroaro o te Tamaiti a te tangata.

37 # Ioa 8:1,2 I perā Iesu i te apii anga i roto i te iero i te ao; #Luka 22:39e kia po ra, kua aere aia ki vao, e noo atura ki te maunga i tuatuaia ra e, ko Oliveta. 38E i te popongi rava ra, kua aere mai te tangata katoa ki te iero e akarongo iaia.

Currently Selected:

Luka 21: CIMB

Highlight

Copy