Luka 10

PENE X - 10

Nga pipi e itu ngauru i te tono angaia, e te oki anga mai ma te rekareka: tei tika kia rave kia rauka te ora: te tangata tupu: te parabole i te tangata Samaria: ko Mareta e Maria.

1E MURI akera, kua akataka atu rai te Atu i e itu ngauru, #Mata 10:1; Mare 6:7tataki toko rua atura i te tono anga ia ratou na mua iaia i te au oire, e te au ngai ravarai tana i akakoro e, e aere katoa aia ki reira. 2Kua karanga atura aia kia ratou, #Mata 9:37,38; Ioa 4:35Te maata ua nei te mou, te iti nei ra te aronga e kokoti: #2 Tesa 3:1e teianei, e pure kotou I te Atu o te mou, kia unga mai aia i tetai aronga ei rave i taua mou nana ra. 3E aere kotou; #Mata 10:16i na, te tono atu nei au ia kotou mei te punua mamoe i rotopu i te au luko ra. 4#Mata 10:9,10; Mare 6:8; Luka 9:3Auraka ei āriki moni e taoiia, auraka ei pute, auraka ei tamaka: #2 Ari 4:29auraka e aroa ua atu i te tangata i te arataa ra. 5#Mata 10:12E te are ta kotou e tomo ra, e akamata na i te karanga atu, Ei au to teianei ngutuare. 6E tei reira te tamaiti no te au, e vai rai ta kotou au ra i rungao iaia: kare ra, ka oki akaou mai ïa ki rungao ia kotou. 7#Mata 10:11E i taua are rai noo ei, #1 Kori 10:27e kai ua rai i te kai, e inu ua rai oki, i ta ratou i oronga mai: #Mata 10:10; 1 Kori 9:4&c; 1 Timo 5:18e tau oki te rave angaanga i tana tutaki. Auraka e aere ki tera are, ki tera are. 8E te oire ta kotou e tomo ra, e oo mai rai ratou ia kotou, ka kai kotou i te kai e tukuia mai i mua i to kotou aroaro. 9#Luka 3:2E akaora oki i to reira maki, e karanga atu kia ratou, #Mata 3:2,4; 4:17; 10:7; Luka 10:11Kua vaitata mai nei te basileia o te Atua kia kotou na. 10E te oire ta kotou e tomo ra, e kare ratou e oo mai ia kotou, e aere atu kotou ki vao ki to reira au arataa, e karanga atu ei 11#Mata 16:14; Luka 9:5; Anga 13:51; 18:6Te one o to kotou oire i piri mai kia matou, e orei atu nei matou, ei akakite anga atu kia kotou: te vaitata mai nei ra te basileia o te Atua kia kotou, kia kite oki kotou. 12Te karanga atura au kia kotou, Kia tae ki taua rā ra, #Mata 10:15; Mare 6:11e ngari ake to Sodoma e to Gomora, i te reira oire. 13#Mata 11:21Aue koe, e Korazina e! aue koe, e Betesaida e! #Eze 3:6naringa oki te au akairo i raveia i roto ia korua, i raveia i Turia e Sidona, kua tataraara takere ratou, kua noo i te reu ai ma te kakau paoa. 14Kareka ko kotou nei, kia tae ki te rā akava anga ra, e ngari ake to Turia e te Sidona. 15#Mata 11:23E ko koe na oki, e Kaperenauma, #Gene 11:4; Deu 1:28; Isa 14:13; Iere 51:53i akateiteiia ki te rangi na, #Eze 26:20; 32:18ka oparaia koe ki raro rava i te po. 16Ko #Mata 10:40; Mare 9:37; Ioa 13:20tei akarongo mai ia kotou na, kua akarongo mai ïa iaku; #1 Tesa 4:8e ko tei akavaavaa mai ia kotou na, kua akavaavaa mai iaku ra, #Ioa 5:23 kua akavaavaa ïa iaia i tei tono mai iaku nei.

17 # Luka 10:1 Kua oki akaou maira te itu ngauru ra ma te rekareka, kua na ko maira, E te Atu, kua vi katoa te au demoni ia matou i to ingoa na. 18Kua karanga atura aia kia ratou, #Ioa 12:31; 16:11; Apo 9:1; 12:8,9kua kite au ia Satani i te topa anga, mei te uira no runga i te rangi ra 19I na, #Mare 16:18; Anga 28:5e akamana atu au ia kotou kia takatakai ua atu ki runga i te ovi e te sekopio, e te mana katoa o te enemi; e kare rava e mea e mate ei kotou. 20Auraka ra kotou e rekareka i te mea i vi te au vaerua kino ia kotou: e rekareka ra #Exo 32:32; Sala 69:28; Isa 4:3; Dani 12:1; Phili 4:3; Ebe 12:23; Apo 13:16; 20:12; 21:27i to kotou ingoa I tataia ki runga i te ao ra.

21 # Mata 11:25 Rekareka atura to Iesu vaerua i taua ora ra, kua karanga atura, E akameitaki au ia koe, e taku Metua, te Atu no te rangi e te enua, i te mea ko koe i uuna ke atu i teianei au mea i te aronga pakari e te kite, e kua akakite mai ki te tamariki nei. Koia ïa, e taku Metua, e mea tika ïa ia koe. 22#Mata 28:18; Ioa 3:35; 5:27; 17:2Kua ope rava te au mea katoa i te tukuia mai e taku Metua, tei iaku: #Ioa 1:18; 6:44,46kare rava tetai i kite i te Tamaiti, mari ra ko te Metua; e kare tetai i kite i te Metua, mari ra ko te Tamaiti, e te tangata ta te Tamaiti e inangaro i te akakite atu. 23Kua ariu atura aia ki tana au pipi, kua tuatua ia ratou tikai, E #Mata 13:16ao to te mata i te akara i te au mea ta kotou e akara nei: 24E akakite atu au kia kotou, #1 Pete 1:10e manganui te au peroveta, e te ui ariki, i anoano i te akara i te au mea ta kotou i akara nei, e kare akenei ratou i akara; e i te akarongo i te au tuatua ta kotou e akarongo nei, e kare akenei ratou i akarongo.

25E i na, kua tu akera tetai apii ture ki runga, kua timata maira iaia, na ko maira, #Mata 19:16; 22:35E te Orometua, akapeea au nei e raukaʼi iaku te ora mutukore? 26Kua karanga atura ia kiaia, Eaa tei tataia ki roto i te ture ra? te peea ra koe i te tatau anga? 27Kua tuatua maira aia, na ko maira, “#Deu 6:5E inangaro atu koe i to Atua ia Iehova ma to ngakau katoa, e ma to vaerua katoa, e ma to ririnui katoa, e ma to manako katoa;” “e e aroa atu i #Levi 19:18to tangata tupu mei te aroa ia koe uaorai.” 28Kua karanga atura aia kiaia, E tika taau i tuatua mai nei: #Levi 18:5; Nehe 9:29; Eze 20:11; 13:21; Roma 10:5ka ora koe kia pera. 29Kareka aia #Luka 16:15no te inangaro i te akatika iaia uaorai, kua tuatua maira aia kia Iesu, koai oki toku tangata tupu? 30Kua karanga aturā Iesu, na ko atura, Kua aere atura tetai tangata no Ierusalema ki Ieriko, rokoia iora aia e te anana keia; i aunaia e ratou tona kakau, e kua paruparu oki aia, aere atura ratou akaruke iora iaia, kua vaitata i te mate. 31Kua aere ua maira tetai taunga na taua ara ra; e kia akara atura iaia, #Sala 38:11tapae atura aia, na tetai pae ara atura i te aere. 32E tetai ngati Levi oki i na vaitata maira i taua ngai ra, kua aere mai ia kua akara, anga ke atura na tetai pae ara. 33#Ioa 4:3Tetai tangata Samaria ra, te aere ua ra i tona aerenga, e tae atura ki taua ngai ra, e kite atura aia iaia, aroa atura; 34Aere atura kiaia, kua riringi iora i te inu e te wina ki roto i tona au puta ra, vaî atura, e kua akanoo atura iaia ki runga i tana uaorai puaka, arataki atura aia ki te ngai tapae anga, e tiaki marie atura iaia. 35E popongi akera, kia aere ke aia ra, kua kiriti iora aia i e rua #10:35 Mata 20:2denari no roto i tona pute, e kua o ake ki te tangata are ra, kua karanga atura kiaia, E utuutu koe iaia nei, e kia riro taau moni, naku ïa e tutaki ia koe, kia oki mai au ra. 36I taua nga tangata toko toru ra, koai te tangata tupu iaia, i toou manako anga, i rokoia e te anana keia ra? 37Kua tuatua maira aia, Ko tei aroa atu iaia ra. Kua karanga aturā Iesu iaia, Ka aere koe, e akapera katoa.

38E te aere ua ra ratou i to ratou aerenga, kua tomo atura aia ki roto i tetai vila; #Ioa 11:1; 12:2,3 kua oo maira tetai vaine iaia ki roto i tona are, ko Mareta te ingoa. 39E taeake tona ko Maria te ingoa, #1 Kori 7:32&cko tei #Luka 5:35; Anga 22:5noo ïa i te pae vaevae o Iesu, i te akarongo anga i tana tuatua. 40Ko Mareta ra, kua varenga iora aia i te akono anga i te peu o te manuiri; kua aere maira kiaia ra, kua tuatua maira, E te Atu, kare koe e akono mai, ko au anake teia rave uaʼi, kua akaruke mai nei toku taeake iaku? E karanga atu koe kiaia e rave katoa mai. 41Kua karanga aturā Iesu kiaia, na ko atura, e Mareta e, e Mareta, kua apiapi koe, e te pekapeka na koe i te au mea katoa e manganui: 42#Sala 27:4Okotai rava ra mea e meitaki ei; e kua inangaro oki a Maria nei i taua tuanga meitaki nei, kare rava oki tana e riro ke.

Currently Selected:

Luka 10: CIMB

Highlight

Copy