Ioane 4

PENE IV - 4

Te vaine Samaria: te vai ora: te tu o te akamori: te mou i te vaitata anga: te tamaiti a te tangata mana i te akaora angaia.

1E KITE akera te Atu e, kua akakiteia te au Pharisea e, #Ioa 3:22,26e maata ta Iesu i akariro ei pipi, e tana i bapetizo ra, i ta Ioane; 2(Kare rā Iesu tikai i bapetizo, na tana au pipi ra:) 3Akaruke iora aia i Iudea, oki akaou atura ki Galilea. 4E na Samaria aia i te aere e tikaʼi. 5E tae atura aia ki tetai oire i Samaria, ko Sikara te ingoa, tei vaitata ra ki te kotinga kainga #Gene 33:9; 48:22; Anga 10:28ta Iakoba i oronga atu no tana tamaiti no Iosepha. 6Tei reira te ruavai a Iakoba ra: E roiroi akerā Iesu i te aerenga, noo ua iora aia ki te pae o #4:6 Tikaanga - tauatau ruavai ra; kua tae ki te ono o te ora ra. 7Kua aere maira tetai vaine Samaria e uti i te vai: kua karanga aturā Iesu kiaia, Ka o mai ana e inu. 8Kua topa atura oki tana au pipi ki roto i te oire, e oko i te kai. 9Kua tuatua maira taua vaine Samaria ra kiaia, Eaa ua koe, te ngati Iuda na, i pati mai ei iaku i te vaine Samaria nei i te vai? #2 Ari 17:24; Luka 9:52,53; Anga 10:28kare oki te ngati Iuda e tau meitaki i to Samaria. 10Kua karanga aturā Iesu kiaia, na ko atura, Naringa koe i kite ana i ta te Atua i oronga maira, e tei karanga atu kia koe na e, Ka o mai na e inu; kua pati mai ïa koe iaia, #Isa 12:3; 41:3; Iere 2:18; Zeka 13:1; 14:1e kua oronga aia i te vai ora naau. 11Kua tuatua maira taua vaine ra kiaia, E te Atu, kare aau apinga e uti ei, e rua oonu teia; eiea taau vai ora e raukaʼi? 12E maata ainei koe ia Iakoba i to matou metua, ko tei oronga mai na matou i teianei ruavai, e kua inu aia uaorai, e tana au tamariki, e te au puaka? 13Kua karanga aturā Iesu, na ko atura kiaia, Ko te inu i tenana vai, ka kaki akaou ïa: 14#Ioa 6:35,58Kareka te ka inu i te vai e orongaia atu e au nei, kare rava atura aia e kaki akaou; ka riro ra taua vai e orongaia atu e au nana ra, #Ioa 7:38ei vai pupui ua i roto iaia, e tika i te pupui anga, e tae ua atu ki te ora mutu kore ra. 15#Ioa 6:34; 17:23; Roma 6:23; 1 Ioa 5:20Kua tuatua maira taua vaine ra kiaia, E te Atu, ka o mai ana i taua vai ra naku, kia kore au e kaki akaou, kia kore oki e aere mai i ko nei e uti. 16Kua karanga aturā Iesu kiaia, Ka aere, ka tiki i to tane, ka oki mai ei. 17Kua tuatua maira taua vaine ra, na ko maira, Kare aku tane. Kua karanga aturā Iesu kiaia, E tika taau i tuatua maira e, Kare aku tane: 18Ka toko rima akenei oki aau tane; e tenana taau e moe ana, kare ïa te tane naau: e tuatua-mou taau i tuatua mai nei. 19Kua tuatua maira taua vaine ra kiaia, #Luka 7:16; 24:19; Ioa 6:14; 7:40E te Atu, e peroveta koe, te kite nei au. 20I akamori ana to matou ui metua #Aka 9:7ki runga i teianei maunga; e te karanga nei kotou e, #Deu 12:5,11; 1 Ari 9:8; 2 Para 7:12 tei Ierusalema te ngai e tikaʼi kia akamori. 21Kua karanga aturā Iesu kiaia, Ka akarongo mai ana, e maine, #Mata 1:11; 1 Timo 2:8kua vaitata te ora e, kare kotou e akamori i te Metua i teianei maunga, e kare rai oki i Ierusalema. 22#2 Ari 17:29Kare kotou i kite i ta kotou e akamori nei: kua kite matou i ta matou e akamori nei: #Isa 2:8; Luka 24:4; Roma 9:4,5no te ngati Iuda mai oki te ora. 23Kua vaitata, e teianei oki taua ora ra, e akamori ei i te Metua te aronga akamori tika ra, #Phili 3:8ma te vaerua e #Ioa 1:17te tuatua-mou: ko te tu ïa o te tangata akamori ta te Metua e anoano ra. 24#2 Kori 3:12E Vaerua te Atua, e te aronga e akamori iaia ra, kia akamori ma te vaerua e te tuatua-mou ra e tikaʼi. 25Kua tuatua maira taua vaine ra kiaia, Kua kite au e, te aere maira te Mesia, ko te Akatainuia ra ïa: kia riro mai aia ra, #Ioa 4:29,30nana e akakite mai kia matou i te au mea ravarai. 26Kua karanga aturā Iesu kiaia, #Mata 26:63,64; Mare 14:61,62; Ioa 9:37Ko au ïa e karanga atu kia koe na. 27I reira te tae anga mai o tana au pipi, va ua akera ratou, koia i karangaranga atu ki taua vaine ra: kare ua atura tetai i karanga atu e, #4:27 Tikaanga - Eaa.Eaaa taau e ui ana? eaa koe i karangaranga atu ei kiaia? 28Vaio ua iora taua vaine ra i tana āriki vai, aere atura ki roto i te oire, e karanga atura ki te tangata, 29Ka aere mai, ka akara i te tangata i #Ioa 4:25akakite mai kiaku i taku au peu katoa nei; kare ainei tera ake te Mesia? 30Aere atura ratou kiaia ra, no roto mai i te oire. 31Kua tuatua na tana au pipi kiaia, kua na ko ana, E Rabi, ka kai. 32Kua tuatua maira aia kia ratou, E kai taku kia kai, kare ua kotou i kite. 33Kua tuatua iora te aronga pipi ia ratou uaorai, I apai mai ainei te tangata i te kai nana? 34Kua tuatua mairā Iesu kia ratou, #Iobu 23:12; Ioa 6:38; 17:4; 19:30Teia taku kai, ko te akono i tona anoano, to tei tono mai iaku ra, ma te akaoti i tana angaanga. 35Kare kotou i karanga e, e a marama toe e mou ei? i na, e karanga atu au kia kotou, Ka akateitei i to kotou mata, ka akara i te au koro ra; #Mata 9:27; Luka 10:9kua teatea ïa i teianei kua mou. 36#Dani 12:3Te tangata e kokoti ra, e tutaki tana, e kua akaputu i te meitaki no te ora mutu kore: kia rekareka kapipiti, ko te ruru e ko te kokoti. 37Kua tupu io nei te manga tuatua ra e, Na tetai e ruru, e na tetai ke e kokoti. 38E tono au ia kotou ei kokoti i tei kore i angaia e kotou na: na etai ke i angaanga, e te akao ua atu nei kotou ki roto i ta ratou angaanga. 39E manganui maira te tangata no taua oire Samaria ra i akarongo kiaia, #Ioa 4:29no te tuatua a taua vaine i karanga e, Kua akakite mai aia kiaku i taku au peu katoa ra. 40E kia riro mai to Samaria kiaia ra, kua tāpu maira ratou iaia e noo ki o ratou ra: kua noo iora aia i reira e po rua. 41Manganui atura tei akarongo i tana uaorai tuatua; 42Kua tuatua akera i taua vaine ra, Kare no te tuatua aau i tuatua maira, i akarongo atu ei matou: #Ioa 17:8; 1 Ioa 4:14kite ua akenei matou iaia uaorai, kua kite atura matou e, ko te ora mou teia o to te ao, ko te Mesia.

43E po rua akera, aere ke atura aia ki Galilea. 44#Mata 13:57; Mare 6:4; Luka 4:24I tuatua anā Iesu uaorai e, kare te peroveta e rekaia mai e tona uaorai enua tikai. 45E tae atura aia ki Galilea, kite meitaki maira to Galilea iaia, #Ioa 2:22; 3:2i akara na oki ratou i te ravenga tini tana i rave i te oroa i Ierusalema ra: #Deu 16:16i reira katoa ratou i taua oroa ra. 46E tae akaou atura oki a Iesu ki Kana i Galilea, #Ioa 2:1,11i te ngai tana i akariro i te vai ei wina ra.

Te mate ra te tamaiti a tetai tangata mana ra i te maki i Kaperenauma. 47Kite akera aia e kua tae mai a Iesu ki Galilea mei Iudea mai, aere atura aia kiaia ra, pati atura kiaia, kia aere mai aia e akaora i tana tamaiti: kua vaitata oki aia i te mate. 48Kua tuatua mairā Iesu kiaia, #1 Kori 1:23Kia kore kotou e kite i te akairo ma te piri ra, kare ua kotou e akarongo. 49Kua karanga atura taua tangata mana ra, E taku Atu, aere mai ka aere, ka mate aea taku tamaiti. 50Kua tuatua mairā Iesu kiaia, Ka aere i toou aerenga; kua ora to tamaiti. Akarongo ua atura taua tangata ra i te tuatua a Iesu i tuatua maira, aere atura i tona aerenga. 51E te oki atura aia ra, kua aravei maira tona au tavini iaia, kua tuatua maira, #4:51 Tikaanga - naka ko maira, Kua ora to tamaiti. 52Kua ui atura aia ia ratou i te ora i amaru mai ei. Kua tuatua maira ratou kiaia, i nanai i te itu o te ora i peke ei te vera. 53Kite akera te metua e, ko te ora mou ra ïa i tuatua mai ei a Iesu e, Kua ora to tamaiti: akarongo atura aia, e tona kopu-tangata katoa. 54Ko te rua ïa i ta Iesu akairo, iaia i oki mai ki Galilea no Iudea mai, i rave ei.

Currently Selected:

Ioane 4: CIMB

Highlight

Copy