Ioane 19

PENE XIX - 19

To Iesu akaei angaia, e te pāpā angaia, e te akasatauro angaia: te akairo i tataia e rungao i te satauro: te tua anga i te kakau: te metua vaine ma Ioane: te matenga: te ko anga i te kaokao: te tanu anga.

1RAVE #Mata 20:19; 27:26; Mare 15:15; Luka 18:33akerā Pilato ia Iesu i reira, e kua pāpā atu ra iaia. 2Kua akaei atura te au vaeau iaia i te rakau taratara, ta ratou i atu ra, e kua akakakau atura oki iaia i te kakau muramura, 3E kua karanga atura, Kia ora na, e te ariki o te ngati Iuda! e kua moto atura oki i tona mata. 4Kua aere akaou maira oki a Pilato ki vao, kua tuatua maira kia ratou, i na, i arataki mai nei au iaia kia kotou nei, #Ioa 18:38; 19:6kia kite kotou e, kare ua ona e kino i kitea e au. 5Kua aere maira oki a Iesu ki vao, ma te ei rakau taratara i te ei anga, e te kakau muramura i te kakau anga. E kua tuatua mairā Pilato kia ratou, Ka akara mai ana i taua tangata nei! 6#Anga 3:13E kia akara atura te kau taunga nunui ma te aronga taoonga ra iaia, kua kapiki atura ratou, na ko atura, Ka akasatauro atu, ka akasatauro atu. Kua tuatua mairā Pilato kia ratou, Na kotou uaorai e rave, e akasatauro atu iaia; kareka au, kare oki au i kite i tona kino. 7Kua karanga atura te ngati Iuda kiaia, #Levi 24:16E ture ta matou, e ka mate tika aia i taua ture ra, koia i karanga e, #Mata 26:65; Ioa 5:18; 10:33e Tamaiti aia na te Atua.

8E kite akerā Pilato i taua tuatua ra, maata ua atura tona mataku. 9Oki akaou atura aia ki roto i te are akavaanga, kua karanga atura kia Iesu, Noea a koe na? #Isa 53:7; Mata 27:12,14Kare rā Iesu i tuatua mai kiaia. 10Kua karanga aturā Pilato kiaia, Kare koe e tuatua mai kiaku? kare koe i kite e; tei iaku te akasatauro ia koe, e tei iaku oki te tuku ia koe? 11Kua tuatua mairā Iesu, #Luka 22:53; Ioa 7:30Kare rava oou e mana kia rave mai iaku, naringa kare i orongaia mai toou mana no runga maira: e teianei, ko tei tuku atu iaku ia koe na, ko tana te ara maata. 12Kua kimi tamou ua mairā Pilato kia tukuia aia; kua kapiki atura ra te ngati Iuda, na ko atura, #Luka 23:2Kia tuku koe i tenana tangata, kare koe i to Kaisara: #Anga 17:7ko tei tuatua e koia uaorai te ariki ra, kua patoi atu ia Kaisara. 13E kite akerā Pilato i taua tuatua ra, kua arataki maira aia ia Iesu ki vao, e noo iora ki runga i te nooanga akava, i te ngai e karangaia ra e e Ngai-Patuia, e Gabata i te tuatua Ebera ra. 14#Mata 27:62Ko te rā akamanea anga ïa o te pasa ra, tei te ono paa o te ora ra; kua karanga atura aia ki te ngati Iuda ra, Ka akara mai ana i to kotou ariki. 15Kua kapiki maira oki ratou, Ka akaruke atu, ka akaruke atu, ka akasatauro atu iaia. Kua karanga aturā Pilato kia ratou, Ka akasatauro atu ainei au i to kotou ariki? Kua tuatua maira te kau taunga nunui, #Gene 49:10Kare o matou ariki, mari ra ko Kaisara anake ra. 16#Mata 27:26,31; Mare 15:15; Luka 23:24Kua tuku atura aia iaia kia ratou ra kia akasatauroia.

Kua rave akera ratou ia Iesu, arataki atura. 17Aere atura aia, #Mata 27:31,33; Mare 15:21,22; Luka 23:26,33ma tana satauro i te apai anga, #Nume 15:36; Ebe 13:12ki te ngai e karangaia ra e, e Vairanga katu tangata, i te tuatua Ebera ra, ko Golagota ïa: 18I reira to ratou akasatauro anga iaia, e ko e toko rua puke tangata ke ra, okotai i tetai pae, tetai oki i tetai pae, i rotopu a Iesu. 19#Mata 27:37; Mare 15:26; Luka 23:38Kua tataia iora e Pilato tetai akakiteanga, kua tuku atura ki runga i te satauro. Teia taua tuatua ra, KO IESU I NAZARETA TE ARIKI O TE NGATI IUDA RA. 20Kua tatau iora te ngati Iuda e manganui i taua akakiteanga ra; ko te ngai i akasatauroiaʼi a Iesu ra, tei vaitata ïa i taua oire ra: i tataia taua akakiteanga ra i te tuatua Ebera, te Eleni, e te Roma. 21Kua karanga atura te kau taunga nunui o te ngati Iuda ra kia Pilato, Eiaa e tataia e, Ko te ariki o te ngati Iuda; e na ko ra e, Kua karanga aia e, Ko au te ariki o te ngati Iuda. 22Kua tuatua mairā Pilato, Ko tei tataia e au ra, kua tataia rai.

23 # Mata 27:35; Mare 15:24; Luka 23:34 E kia akasatauroiā Iesu e te au vaeau ra, kua rave iora i ona kakau ra, kua tua iora e a tuanga, okotai vaeau okotai tuanga; e te pereue katoa ra: kare e tui anga to taua pereue ra, i raranga tapini ravaia. 24Kua tuatua iora ratou ratou uaorai, Auraka tatou e aeae, ka tua kelero ra, kia kitea te atu: tupu atura te tuatua i tataia ra i reira, ko tei na ko ra e, #Sala 22:18“Kua tua iora ratou i toku au kakau no ratou, e kua akatopa kelero oki ratou i toku pereue.” I akapera atura te au vaeau ra. 25#Mata 27:55; Mare 15:40; Luka 23:49E te tu ua ra oki tona metua vaine, e tona taeake, ko Maria #Luka 24:18te vaine a Keleopa ra, e ko Maria i Magadala ra, i vaitata uaorai i te satauro o Iesu ra. 26E kia akara iorā Iesu i tona metua vaine, #Ioa 13:23; 20:2; 21:7,20,24e te pipi akaperepere nana ra, i te tu ua anga i reira ra, kua karanga iora aia i tona metua vaine, #Ioa 2:4E maine, ka akara na i to tamaiti! 27Kua tuatua iora aia ki taua pipi ra, Ka akara na i to metua vaine. #Ioa 1:11; 16:32E i reira ra aia te arataki angaia atu e taua pipi ra i tona uaorai ngutuare. 28E muri ake ra, kua kite oki a Iesu e, #Sala 69:21kua ope te au mea katoatoa i te tupu, kua na ko akera, Kua kaki vai au; kia tupu te tuatua i tataia ra. 29E te vai ra tetai āriki vinega i reira kua ki, #Mata 27:48kua akaki iora ratou i tetai rimu, koia iora i te rara isopa, topiriia atura ki tona vaa. 30E kia inu akerā Iesu i taua vinega ra, kua tuatua maira, #Ioa 17:4Kua oti: kua takupe iora tona upoko ki raro, tuku atura i tona Vaerua.

31Kua karanga atura te ngati Iuda kia Pilato, kia aatiia to ratou vaevae, e kia apai keia to ratou kopapa, #Deu 21:23kia kore e vaioia ki runga i te satauro i te sabati ra, #Mare 15:42; Ioa 19:42no te mea e rā akamanea anga, e sabati maata oki taua sabati ra. 32Kua aere maira te au vaeau, kua aati iora i te vaevae o tetai, e to tetai oki, ko tei akasatauro katoaia ra. 33Kia tae ra ratou kia Iesu ra, kite akera e kua mate aia, kare akera ratou i aati i tona vaevae. 34Ko atura tetai vaeau i tona kaokao i te korare, #1 Ioa 5:6,8taʼe ua maira te toto e te vai. 35Kua kite tikai te mata o te tangata e tuatua i teianei au tuatua, e tuatua-mou oki tana i tuatua ra, kia akarongo kotou; kua kite oki aia e tuatua-mou tana e tuatua nei. 36I tupu ei oki teianei au peu, #Exo 12:46; Nume 9:12; Sala 34:20kia tika te tuatua i tataia ra e, “Auraka roa tetai ivi ona kia aatiia.” 37#Sala 22:16,17; Zeka 12:10; Apo 1:7E te na ko maira oki tetai manga tuatua i tataia ra e, “E akara ratou i ta ratou i ko ra.”

38 # Mata 27:57; Mare 15:42; Luka 23:50 E muri akera i taua au tuatua nei, kua karanga aturā Iosepha no Arimatea ra kia Pilato, e rave aia i te kopapa o Iesu e apai ke atu, e pipi oki aia na Iesu, i mou poiri ua ra #Ioa 9:22; 12:42i te mataku i te ngati Iuda ra: e tika akera ia Pilato. Aere #19:38 Tikaanga - atura.utura aia, apai ke atura i te kopapa o Iesu. 39#Ioa 3:1,2; 7:50E ko Nikodemo oki, ko tei aere mai kia Iesu i te po i muatangana, i aere mai aia ma te vairakau irokia, te manongi, e te aloe, e okotai paa anere te #19:39 Tikaanga - paunu.pauna. 40Kua rave atura ratou i te kopapa o Iesu, #Anga 5:6vaî atura i te kakau orongā, ma te apinga kakara katoa ra, ko ta te ngati Iuda ïa ravenga kia tanu ra. 41E koro tei taua ngai i akasatauroiaʼi aia ra; e tei roto i taua koro ra tetai tanumanga ou, kare ua ra e tangata i vaioia ki roto. 42#Isa 53:9Kua tuku atura ratou ia Iesu i reira, no te mea e rā akamanea anga #Ioa 19:31no te ngati Iuda ra; tei vaitata ua ra taua tanumanga ra.

Currently Selected:

Ioane 19: CIMB

Highlight

Copy