Iakobo 2

PENE II - 2

Eiaa te taeake apinga kore e akavaavaaia: te akarongo demoni: to Aberahama, e to Rahaba.

1E AKU au taeake ra, auraka kotou e mou i te tuatua a to tatou Atu ra a Iesu Mesia, #1 Kori 2:8i te Atu o te kakā ra, #Levi 19:15; Deu 1:17; 16:19; Mase 24:23; 28:21; Mata 22:16; Iako 2:9; Iuda 16ma te akono i te tu o te tangata. 2Kia aere mai oki tetai tangata ki roto i to kotou uipa anga ma te tapeka auro i te rima, ma te kakau manea ra, e kia tomo katoa mai tetai tangata apinga kore ma te kakau kino ra; 3Kite atura kotou i tei kakau i te kakau manea ra, e kua karanga atura kiaia, E noo koe i ko nei ki te ngai meitaki; ka karanga atu ei ki te tangata apinga kore ra, Ka tu atu koe ki ko atu, e kare ïa, e noo koe i ko nei i taku tiroaroaanga vaevae nei: 4Kare aina kua akatu ke kotou, e kua riro ei eumiumi manako kino ra?

5Ka akarongo mai ana, e aku au taeake akaperepere e: #Ioa 7:48; 1 Kori 1:26,28Kare aina ko te aronga apinga kore o teianei ao ta te Atua i iki, #Luka 12:21; 1 Timo 6:18; Apo 2:9ei aronga apinga maata i te akarongo ra, e ei aronga tuanga i te basileia #Exo 20:6; 1 Samu 2:30; Mase 8:17; Mata 5:3; Luka 6:20; 12:32; 1 Kori 2:9; 2 Timo 4:8; Iako 1:12tana i karanga e e oronga mai i te aronga i anoano iaia ra? 6#1 Kori 11:22Kua akavaavaa ra kotou i te aronga apinga kore. Kare aina te aronga apinga maata i takinga-kino mai ia kotou, #Anga 13:50; 17:6; 18:12; Iako 5:6e i kika ia kotou i te akavaanga? 7Kare aina ratou i akakino i taua ingoa meitaki i tapaia ki runga ia kotou na? 8Te akono na kotou i te ture ariki i tataia ra e, #Levi 19:18; Mata 22:39; Roma 13:8,9; Gala 5:14; 6:2“E aroa atu koe i to tangata tupu mei to aroa ia koe uaorai na,” e mea tika ïa ta kotou: 9#Iako 2:1Te akono ana ra kotou i te tu o te tangata ra, te rave ra kotou i te ara, e kua akaapaia kotou e te ture ei aronga ara. 10Ko te tangata oki kia akono ua atu i te ture katoa ra, kia apa ra iaia te ture mea ngiti okotai ra, #Deu 27:26; Mata 5:19; Gala 3:10kua apa ïa te ture katoa iaia. 11Ko tei tuatua mai oki e, #Exo 20:13,14“Auraka rava koe e akaturi,” koia rai oki tei tuatua mai e, “Auraka rava koe e ta ua.” E tenana kore ua rai koe i te akaturi, kia ta ua ra koe, kua riro ïa koe ei tangata ara i te ture. 12Kia tau ta kotou e tuatua, e ta kotou e rave, i ta te aronga e akavaia, #Iako 1:25i te ture rangatira ra. 13#Iobu 22:6&c; Mase 21:13; Mata 6:15; 18:35; 25:41,42Ko te akaapa anake tana e rauka, kare te aroa, ta tei kore rava i aroa ra, #1 Ioa 4:17,18e vi ra te akaapa i te aroa.

14 # Mata 7:26; Iako 1:23 Eaa te puapinga, e aku au taeake, kia tuatua mai tetai e e akarongo tona, e kare ana e angaanga? e ora aina aia i taua akarongo ra? 15#Iobu 31:19,20; Luka 3:11Kia mate oki tetai taeake e tetai tuaine i te putaua, e kare e kai i te au rā katoa ra, 16#1 Ioa 3:18Kia karanga atura tetai o kotou ia raua ra, Kia ora na i te aerenga, kia maanaana oki korua, e kia merengo; kare ra i oronga atu i te mea e meitaki ei te kopapa ra; eaa ua ïa puapinga? 17Koia katoa te akarongo, kare e angaanga, e mea mate ïa, i te mea te vai okotai ua ra. 18E tika ua oki tetai tangata kia tuatua mai iaia e, E akarongo toou, e angaanga oki taku; ka akakite mai ana i toou akarongo kare e angaanga ra, #Iako 3:13ka akakite atu ei au ia koe i toku nei akarongo i taku nei angaanga. 19Kua akarongo koe i te tuatua ra e, Okotai ua Atua; kua tika te reira: #Mata 8:29; Mare 1:24; 5:7; Luka 4:34; Anga 16:17; 19:15kua akarongo katoa oki te au demoni i te reira, e kua rurutakina. 20Kia kite maira koe, e tera ra tangata manako kore e, ko te akarongo kare e angaanga ra, e akarongo mate ïa? 21Kare aina to tatou metua ra ko Aberahama i akatikaia mai i te angaanga, #Gene 22:9,12ka apai ei aia i tana tamaiti ra ia Isaaka ki runga i te atarau ra? 22Te kite ra oki koe e #Ebe 11:17na te akarongo i akatupu i tana angaanga, e no te angaanga i tika ravaʼi te akarongo? 23Tika tikai atura taua tuatua i tataia ra, ko tei na ko ra e, #Gene 15:6; Roma 4:3; Gala 3:6“Kua akarongo a Aberahama i te Atua, e i akonoia atura ïa ei tuatua-tika nana:” e i karangaia maira oki aia e, #2 Para 20:7; Isa 41:8“E oa no te Atua.” 24Kua kite atura kotou e i akatikaia te tangata i te angaanga, kare i te akarongo anake ua. 25Koia katoa oki te vaine akaturi ra #Iosu 2:1; Ebe 11:31ko Rahaba, kare aina aia i akatikaia i te angaanga, ka āriki ei aia i nga tutaka ra, e tuku atura oki na tetai mataara ke? 26Mei te kopapa oki kia kore te vaerua, e mea mate ïa, koia katoa te akarongo kare e angaanga ra, e mea mate katoa ïa.

Currently Selected:

Iakobo 2: CIMB

Highlight

Copy