Genese 9

PENE IX - 9

Te akameitaki maira te Atua ia Noa, e te papau ra i te koreromotu kiaia, ma ana tamariki ra. Te anuanua.

1KUA akameitaki maira te Atua ia Noa e tana au tamariki; kua na ko maira kia ratou, #Gene 9:7,19; 1:28; 10:32Kia anau, e kia maata kotou, e akaki i te enua nei. 2#Gene 1:23; Hose 2:18E ka tukuia te mataku ia kotou, e te ngarangara ia kotou, ki runga i te au puaka katoa o te enua nei, e ki runga i te au manu katoa o te reva, e ki runga i te au mea katoa e totoro aere ua ki rungao i te enua, e ki runga i te au ika katoa o te tai; tei to kotou rima anake ïa. 3#Deu 12:15; 14:3,9,11; Anga 10:12,13Te au mea ora katoa e aere nei, ei kai ïa na kotou; #Gene 1:29mei te au rakau mata katoa ra, kua oronga #Roma 14:14,20; 1 Kori 10:23,26; Kolo 2:16; 1 Timo 4:3,4katoaia atu e au na kotou. 4#Levi 17:10,11,15; 19:26; Deu 12:23; 1 Samu 14:34; Anga 15:20,29Ko te kiko ra ma te ora katoa i roto, koia te toto ra, auraka kotou e kai. 5Kare ua oki au e kore i te umuumu i te tutaki i to kotou na toto i oraʼi kotou; e umuumu oki au i te reira #Exo 21:28i te au mea ora katoa nei, #Gene 4:9,10; Sala 9:12e i te tangata nei; e umuumu oki au i te tutaki i te ora o te tangata nei, i te rima #Anga 17:26o to te tangata katoa uaorai ra taeake.

6 # Exo 21:12,14; Levi 24:17; Mata 26:52; Apo 13:10 Ko te akamaringi i to te tangata nei toto, na te tangata katoa tona toto e akamaringi: i anga oki aia i te tangata #Gene 1:27ma to te Atua ra tu. 7#Gene 9:1,19; 1:28Ko kotou ra, kia anau, e kia maata roa; kia manganui to kotou uanga ki runga i te enua, e kia maata roa kotou i reira.

8Kua tuatua mairai oki te Atua kia Noa, e tana au tamariki katoa ra, na ko maira, 9#Gene 6:18I na, ko au, te #Isa 54:9akatinamou nei au i taku nei koreromotu kia kotou, e to kotou uanga a muri atu; 10#Sala 145:9E te au mea ora katoa ki ko na kia kotou na, te au manu ra, e te au puaka ra, e te au manu taae katoa i te enua nei ki ko na kia kotou na; e te au mea ora katoa o te enua mei roto katoa mai i te araka. 11#Isa 54:9Te akatinamou nei au i taku nei koreromotu kia kotou; e kore roa e ope akaou te au mea ora katoa i te mate i te vai diluvi; kare oki e diluvi akaouia e mate roa atu ei te enua ra. 12Kua tuatua maira oki te Atua, #Gene 17:11Teia te akairo o te koreromotu taku e tuku nei ei akairo noku e no kotou, e te au mea ora katoa ki ko na kia kotou na, no te au uki katoa e a muri ua atu. 13#Apo 4:3Ko taku anuanua i roto i te tumurangi ra, taku ïa e akono nei, ei akairo no te koreromotu naku, e to te ao katoa nei. 14E kia akatupu au i te tumurangi ki runga ake i te enua nei, e kua kitea te anuanua ki roto i taua tumurangi ra; 15Ei reira au #Exo 28:12; Levi 26:42,45; Eze 16:60e manako ei i taku koreromotu nei, ko au tetai pae, e ko kotou tetai pae, e te au mea ora katoa o nga mea ravarai; e kare rava e vai diluvi akaouia e ope ei te au mea ora katoa i te mate ra. 16Kia anuanuaia oki ki roto i te tumurangi ra, ka akara ïa au, kia maara au #Gene 17:13,19i te koreromotu mutu kore na te Atua, e te au mea ora katoa o nga mea ravarai ki runga i te enua nei. 17Kua tuatua maira te Atua kia Noa, Ko te akairo koreromotu teia, i akamouia e au naku, e te au mea ora katoa ki runga i te enua nei.

18 # 9:18 Ou i te Mesia 2347. E nga tamariki a Noa, mei roto mai i te araka ra, ko Sema ïa, ko Hama ïa, e ko Iapheta; #Gene 10:6ko te metua oki a Hama no Kanaana. 19#Gene 5:32Ko nga tamariki toko toru a Noa ra teia; #Gene 10:32; 1 Para 1:4&ce kua ki katoatoa te enua katoa ia ratou.

20E riro a Noa ei #Gene 3:19,23; 4:2; Mase 12:11tangata tatanu, e kua tanu iora aia i te kainga vine. 21E kua inu oki aia #Mase 20:1; 1 Kori 10:12i te wina, e kona iora; e vai taaka ua atura aia ki roto i tona puakapa. 22Kite akera te metua o Kanaana ra, ko #9:22 Kerekere.Hama, i tona metua i te vai taaka ua anga, e kua akakite akera ki nga tuakana nona i vao ra. 23Kua rave akerā #Exo 20:12; Gala 6:1Sema ma raua ko Iapheta i te kakau, tuku akera ki rungao ia raua, e aere kotua atura ki muri to raua mata, tapoki atura i to raua metua; e kare raua i kite i te vai taaka ua anga o to raua metua. 24E ara akerā Noa i taua wina nana ra, e kite akera aia i ta te tamaiti openga i rave iaia ra. 25Kua na ko akera aia, #Deu 27:16E taumaaiā Kanaana; e riro aia ei #Iosu 9:23; 1 Ari 9:20,21tavini akaaka roa no tona ai tuakana. 26E kua na ko akera oki aia, #Sala 144:15; Ebe 11:16E akameitakiia te Atua o Sema ra ko Iehova; e ka riro oki a Kanaana ei tavini nona. 27E akamaata roa te Atua ia Iapheta, #Ephe 2:13,14; 3:6ka noo oki aia ki roto i te au puakapa o Sema; e ka riro a Kanaana ei tavini nona.

28E ka toru akera o Noa anere i te mataiti e rima ngauru ara i te ora anga, i muri ake i te diluvi ra. 29#9:29 Ou i te Mesia 1998.E to Noa au mataiti katoa, e iva ïa anere, e rima ngauru ara; e mate iora aia.

Currently Selected:

Genese 9: CIMB

Highlight

Copy