Angaanga 7

PENE VII - 7

Ta Setephano akatika anga iaia uaorai ki mua i te aroaro o te Sunederi, e te peî angaia ki te toka.

1Kua tuatua maira te taunga maata ra, Koia tika ainei te reira? 2Kua karanga atura aia, #Anga 22:1E tāma, e te au taeake, e te aronga metua nei, ka akarongo mai ana; Kua akakite mai te Atua kakā kia Aberahama ki to tatou metua ka noo ei aia i Mesopotamia ra, ou aia i noo ei i Harana, 3Kua na ko maira kiaia, “#Gene 12:1E aere ke mai koe i to enua e toou kopu-tangata, e aere mai koe ki te enua taku e akakite atu kia koe.” 4#Gene 11:31; 12:4,5Kua aere maira aia mei te enua mai o Kaledea, e noo iora i Harana: e mate atura tona metua, mei reira oki, kua arataki maira te Atua iaia ki teianei enua e nooia e kotou nei; 5Kare ra aia i oronga ua atu i tetai pae kainga ipukarea nona i taua enua nei, e mei tona tapuae te maata: #Gene 12:7; 13:15; 15:3,18; 17:8; 26:3kua tuatua maira aia e oronga mai nona, e no tona uanga a muri ake, kare rai ana tamaiti i reira. 6Kua na ko maira te Atua kiaia e, #Gene 15:13,16e tuitarere tona uanga i te enua ke; e ka ope i te akaaoia e ratou, #Exo 12:40; Gala 3:17e ka takinga-kino mai oki ia ratou, e ka a anere anga mataiti. 7E kua tuatua mai te Atua, “I taua enua i ao ei ratou ra e, naku ïa e akava atu: #Exo 3:12ei reira ratou e aere mai ei” ki ko nei e akamori ei iaku. 8#Gene 17:9,10,11E kua tuku maira aia kiaia i te koreromotu ra i te peritome. E anau akera #Gene 21:2,3,4tana ko Isaaka, peritome iora iaia i te po varu ra; #Gene 25:26e anau akera ta Isaaka ko Iakoba; #Gene 29:31&c; 30:5&c; 35:13,23e anau akera ta Iakoba ko te au tupuna tino ngauru ma rua ra. 9#Gene 37:4,11,28; Sala 105:17E vareae iora te au tupuna ra, oko atura ia Iosepha ki Aiphiti: #Gene 39:2,21,23tei iaia ra te Atua; 10E kua akaora iaia i tona katoa au mate, e kua oronga mai i te pakari e te #Gene 41:37; 42:6meitaki nona i mua i te aroaro o Pharao i te ariki no Aiphiti ra; e nana aia i akariro atu ei tutara i Aiphiti e tona katoa kopu-tangata. 11#Gene 41:54E rokoia iora Aiphiti e Kanaana i te onge e te mate maata, e pini rava akera te enua; e kare rava a to tatou ai metua kai i rauka. 12#Gene 42:1Kia kite rā Iakoba e, e kai tei Aiphiti, kua tono atura aia i to tatou ai metua i te tono anga muatangana. 13#Gene 45:4,16E tae akera ki te rua, akakite mairā Iosepha ki tona ai tuakana; e i akakiteia oki te kopu-tangata o Iosepha kia Pharao. 14#Gene 45:9,27Kua unga aturā Iosepha i te tangata e tiki i tona metua ia Iakoba, #Gene 46:27; Deu 10:22e tona kopu-tangata katoa, e itu ïa ngauru ma rima. 15#Gene 46:5Aere aturā Iakoba ki Aiphiti, #Gene 49:33; Exo 1:6e mate atura ki reira, e to tatou ai metua katoa ra. 16#Exo 13:19; Iosu 24:32E apaiia atura ki Sekema, #Gene 23:16; 33:19tukuia atura ki te tanumanga i okoia e Aberahama ki te moni i te au tamariki a Hamora i te metua no Sekema ra. 17#Gene 15:13; Anga 7:6Kia vaitata ra te tuatau ta te Atua i tuatua mai kia Aberahama ma te taputou ra, #Exo 1:7,8,9; Sala 105:24,25te rai ra oki taua au tangata ra i Aiphiti; 18E tupu akera oki tetai ariki ke, kare i kite ia Iosepha. 19Kimi iora aia i te ravenga pakari i to tatou, e takinga-kino iora i to tatou ai metua, #Exo 1:22i te akaruke anga i ta ratou tamariki kia mate ratou. 20#Exo 2:2I te reira tuatau to Mose anau anga, #Ebe 11:23e purotu maata oki aia, angaiia iora aia i roto i te are o tona metua, e e toru marama: 21#Exo 2:3-10E kia akarukeia aia, kua rave maira te tamaine na Pharao iaia, utuutu atura ei tamaiti nana uaorai. 22E apiiia iorā Mose i te au tuatua pakari a to Aiphiti; #Luka 24:19e mana atura aia i tana tuatua e tana ravenga. 23#Exo 2:11,12E tae akera ki te a tikai o te ngauru anga i tona mataiti, maara akera tona ngakau e aere e akara i tona au taeake i te tamariki na Iseraela. 24E kite atura aia i tetaio ratou i te takinga-kino angaia, akatika atura aia, e ta iora i te tangata Aiphiti ei tutaki no tei takinga-kinoia ra. 25Maara akera aia e kite tona ai taeake e, e ora oki ratou iaia i te Atua: kare ra ratou i kite. 26#Exo 2:13E ao akera kua akakite akaou atura aia kia ratou ra, e te kukumi ra oki e toko rua o ratou, kua vavao atura aia ia raua kia ongi, e na ko atura, E tāma, e taeake korua; eaa korua i takinga-kino ei ia korua uaorai? 27Ko te tangata ra i takinga-kino atu i tona taeake ra, kua opara maira iaia, na ko maira, “#Luka 12:14; Anga 4:7Naai koe i akariro ei tutara e ei akava ia matou nei? 28Ka ta mai koe iaku, mei taau i ta i te Aiphiti i nanai ra?” 29#Exo 2:15,22; 4:20; 18:3,4Oro ke aturā Mose ki Midiana i taua tuatua ra; tuitarere atura i te reira enua, anau akera ana puke tamariki tamaroa i reira toko rua. 30#Exo 3:2E ka a akera ngauru anga o te mataiti i ope, kua mama maira te Angela a te Atu kiaia i roto i te ai i tetai pu ngangaere i te medebara i te maunga ra i Sinai. 31E kia akara aturā Mose, umere atura aia i taua mea ra: e kia akavaitata atura aia ki te pae e akara, kua topa maira te reo o te Atu kiaia ra 32Na ko maira, “#Mata 22:32; Ebe 11:16Ko au te Atua o to ai metua ra, ko te Atua o Aberahama, e te Atua o Isaaka, e te atua o Iakobo.” Rutetetete iorā Mose, kare akera aia e akara atu i te mataku. 33#Exo 3:5; Iosu 5:15Kua tuatua maira te Atu kiaia, “Ka kiriti i to tamaka i to vaevae; ko te ngai oki taau e tu mai ana, e one tapu ïa.” 34“#Exo 3:7Kua akara tikai au i te mate o toku iti-tangata i Aiphiti; e kua akarongo au i to ratou ngunguru anga: i aere mai nei au ki raro nei e akaora ia ratou. E aere mai koe i tenana, ka tono au ia koe ki Aiphiti.” 35Ko tauā Mose ra ta ratou i opara ra, i te na ko anga maira e “Naai koe i akariro ei tutara e ei akava?” koia tei tonokia atu e te Atua i #Exo 14:19; Nume 20:16te rima o te Angela i mama mai kiaia i roto i te pu ngangaere ra ei tutara e ei akaora. 36#Exo 12:41; 33:1Nana ratou i arataki mai ki vao, e rave atura oki i te #Exo 7; 8; 9; 10; 11; 14; Sala 105:27akairo e te piri i taua enua ra i Aiphiti, #Exo 14:21,27,28,29e i te Tai Muramura, e i te medebara oki, #Exo 16:1,35ka a ngauru anga te mataiti.

37Ko taua Mose ra oki tei karanga atu ki te tamariki na Iseraela e, “#Deu 18:15,18; Anga 3:22E akatupu to kotou Atua ko Iehova i tetai peroveta no kotou ei roto i to kotou ai taeake na, mei iaku katoa nei rai te tu; #Mata 17:5koia ta kotou e akarongo.” 38#Exo 19:3,17Koia katoa oki tei roto i te ekalesia i te medebara ra, #Isa 63:9; Gala 3:19; Ebe 2:2koia katoa oki e te angela i tuatua mai kiaia i te maunga i Sinai ra, koia katoa oki e to tatou ai metua: #Exo 21:1; Deu 5:27,31; 33:4; Ioa 1:17ko te rave atu i te tuatua ora #Roma 3:2e apai mai na tatou ra: 39Koia tei kore i akarongoia e to tatou ai metua ra, e opara ke atura ratou iaia, e oki akaou atura oki to ratou ngakau ki Aiphiti, 40#Exo 32:1Ka na ko atu ei kia Aarona ra e, “Ka rapa koe i tetai atua ei na mua ia tatou: kareka taua Mose nei i arataki mai ia tatou mei te enua maira mei Aiphiti, kare tatou i kite i tona aerenga.” 41#Deu 9:16; Sala 106:19Kua anga iora ratou i te punua puakatoro i taua au rā ra, e apai atura oki i te atinga ki taua idolo ra, e rekareka atura i ta to ratou uaorai rima i anga ra. 42#Sala 81:12; Eze 20:25,39; Roma 1:24; 2 Tesa 2:11Ariu ke atura te Atua, akaruke mai nei ia ratou kia akamori ua na #Deu 4:19; 17:3; 2 Ari 17:16; 21:3; Iere 19:13i te nuku o te rangi; koia tei tataia ki roto i te buka a te au peroveta ra e, “#Amo 5:25,26E te ngutuare o Iseraela e, i apai mai kotou i te puaka taia naku, e te atinga i te medebara ra, ka a ngauru anga te mataiti ra? 43Kua apai oki kotou i te puakapa o Moloka, e te etu o to kotou atua ko Rephana, te au tu ta kotou i anga ei akamori anga ra: e teianei ka apai ke atu au ia kotou ki ko atu i Babulonia.” 44#7:44 Tetai tataanga - Ko te Are kite oki, tei to tatou ai metua i te medebara.E Are kite oki to to tatou ai metua i te medebara, i akakoroia e ia, ka tuatua mai ei kia Mose ra e, #Exo 25:40; 26:30; Ebe 8:5Ka anga koe mei te tu taau i kite ra. 45Ko #Iosu 3:14ta to tatou ai metua i rave ra, e kua apai maira ratou katoa ko Iosua ki te enua o te etene #Nehe 9:24; Sala 44:2; 78:55; Anga 13:19ta te Atua i tuaru atu i mua i te aroaro o to tatou ai metua ra, e tae rava akenei ki te tuatau ia Davida nei; 46#1 Samu 16:1; 2 Samu 7:1; Sala 89:29; Anga 13:22Ko tei akaperepereia mai ki mua i te aroaro o te Atua ra, #1 Ari 8:17; 1 Para 22:7; Sala 132:4,5inangaro akera kia rauka iaia tetai puakapa no te Atua o Iakoba. 47#1 Ari 6:1; 8:20; 1 Para 17:12; 2 Para 3:1Na Solomona ra i akatu i tetai are nona. 48Kare ra #1 Ari 8:27; 2 Para 2:6; 6:18; Anga 17:24Tei Teitei e noo i te are i angaia e te rima, ta te peroveta i tuatua maira e, “Te na ko mairā Iehova, 49#Isa 66:1,2; Mata 5:34,35; 23:22Ko te rangi toku terono, e ko te enua toku takainga vaevae: eaa te tu o ta kotou are kia akatu noku, e teiea taua ngai akaangaroianga noku ra? 50Kare ainei na toku rima i anga i te apinga tini ravarai nei?” 51#Exo 32:9; 33:8; Isa 48:4E te aronga paketaketa nei, #Levi 26:41; Deu 10:16; Iere 4:4; 6:10; 9:26; Eze 44:9e te ngakau e te taringa peritome koreia nei, e patoi ua rai kotou i te Vaerua Tapu; mei to kotou ai metua, koia katoa kotou. 52#2 Para 36:16; Mata 21:35; 23:34,37; 1 Tesa 2:15Koai to te au peroveta i kore i takinga-kinoia e to kotou ai metua ra? E kua ta ratou i te aronga i akakite mamao mai i te #Anga 3:14aerenga mai o taua Tangata Tuatua-tika ra; e kua riro io nei kotou ei pikikaa atu iaia, e ei tamate rave oki: 53#Exo 20:1; Gala 3:19; Ebe 2:2Kua tukuia mai oki te ture kia kotou na roto i te tupati angela ra, e kare akenei kotou i akono i te reira.

54 # Anga 5:33 E tei te akarongo anga atu ratou i taua au tuatua ra, motu atura to ratou ngakau i te riri; pakati atura to ratou nio iaia. 55#Anga 6:5Kua ki akera aia i te Vaerua Tapu, akara tamou tikai atura ki runga i te rangi, e kite atura i te kakā o te Atua, e ia Iesu i te tu anga i te rima katau o te Atua ra; 56Kua na ko akera aia, #Eze 1:1; Mata 3:16; 10:11I na, te kite atura au i te rangi i te vetea angaia, #Dani 7:13e te Tamaiti na te tangata i te tu anga i te rima katau o te Atua ra. 57Kua tuoa maira to ratou reo, momani iora i to ratou taringa, oro viviki ua atura ratou ravarai ki runga iaia, 58#1 Ari 21:13; Luka 4:29; Ebe 13:12Turaki atura iaia ki vao i taua oire ra, #Levi 24:16peî iora iaia ki te toka: #Deu 13:9,10; 17:7; Anga 8:1; 22:20e nga tangata kite ra, tuku maira i to ratou kakau ki te pae vaevae o tetai tangata ou ra, ko Saula te ingoa. 59Kua peî iora ratou ia Setephano ki te toka, #Anga 9:14te pure ua ra aia, te na ko ra, #Sala 31:5; Luka 23:46E te Atu, e Iesu e, ka rave mai koe i toku vaerua. 60#Anga 9:40; 20:36; 21:5Tuturi iora aia, kua kapiki ua atura ma te reo maata, E te Atu e, #Mata 5:44; Luka 6:28; 23:34auraka teianei ara e io mai kia ratou nei! E tei te akapera anga ra, moe atura aia.

Currently Selected:

Angaanga 7: CIMB

Highlight

Copy