Angaanga 5

PENE V - 5

Te ara a Anania raua ko Saphira, e to raua matenga: te au akairo i raveia e te au aposetolo: to ratou tapeka angaia, e te akaora angaia e te angela: to ratou akaoki angaia ki te akavaanga, e te tuku angaia i te tuatua a Gamaliela.

1KO tetai tangata ra ko Anania te ingoa, e tana vaine ko Saphira, ooko atura i te kainga, 2E uuna iora i tetai pae i taua oko ra, kua kite katoa tana vaine, #Anga 4:37e taoi maira oki i tetai pae, e tuku iora ki te pae vaevae o te au aposetolo ra. 3#Nume 30:2; Deu 23:21; Kohe 5:4Kua karanga aturā Petero, E Anania, eaa toou ngakau #Luka 22:3i akakiia mai ei e Satani, i pikikaaʼi koe i te Vaerua Tapu, i uunaʼi i tetai pae oko i te kainga na? 4I te vai ua anga ra, kare aina toou uaorai na? kia oko na ra oki, kare aina tei ia koe rai? eaa oki koe i akatupu ei ki roto i to ngakau i tenana tuatua? ko te Atua taau i pikikaa ana, kare te tangata. 5E tei te akarongo anga mai a Anania i taua tuatua ra, #Anga 4:10,11topa iora ki raro, unui rava akera: mataku rava atura te aronga katoa i kite i taua mea ra. 6Kua tu akera te au tangata ou ra, #Ioa 19:40opa iora iaia, e apai atura ki vao, tanu atura. 7E e toru paa ora i topa, kua aere maira tana vaine ki roto, kare i kite i taua mea ra. 8Kua karanga aturā Petero kiaia, Ka akakite mai koe kiaku, ko te oko tikai aina teia i ta korua i oko i te kainga na? Kua tuatua maira aia, A, koia tika tena. 9Kua karanga aturā Petero kiaia, Eaa korua i akaarite ei i ta korua tuatua #Mata 4:7; Anga 5:3e tapikipiki atu i te Vaerua o te Atu? i na, tei te ngutupa mai nei te vaevae o te aronga i tanu i to tane na, e na ratou katoa koe e apai ki vao. 10#Anga 5:5Kua topa iora aia i reira ki raro i tona pae vaevae ra, mate rava akera: e kia tomo mai te au tangata ou ra ki roto, rokoia maira, kua mate rava aia, apai atura ki vao, tanu atura ki te pae o tana tane ra. 11#Anga 5:5; 2:43; 19:17Rokoia taua ekalesia katoa ra e te mataku, e te aronga katoa i kite i taua au mea ra.

12 # Anga 2:43; 14:3; 19:11; Roma 15:19; 2 Kori 12:12; Ebe 2:4 E manganui te akairo e te mea umere i raveia e te rima o te au aposetolo ki rotopu i te tangata katoa ra; (kua #Anga 3:11; 4:32putuputu oki ratou katoa ma te anoano okotai ki roto i te tomoanga o Solomona ra. 13Kareka #Ioa 9:22; 12:42; 19:38tetai pae ra, kare rava ïa tetai i kapiti tika mai kia ratou i te mataku; #Anga 2:47; 4:21kua akapaapaaia ra ratou e te tangata:) 14Te aronga ra i akarongo i te Atu, e manganui rava atura ïa tei kapiti mai kia ratou ra, te tane ma te vaine katoa oki. 15I apai maira oki ratou i te aronga maki ki vao i te arataa ra, tuku atura ki runga i te roi, e te roi rikiriki apaapai ra, #Mata 9:21; 14:36; Anga 19:12peneiake ko te tapokiia ratou e te ata no Petero kia aere na reirao ra. 16E manganui oki to te au oire ra i aere mai, e pini ua ake, i te apai anga mai #Mare 16:17,18; Ioa 14:12i te aronga maki, e te aronga e tamanataia e te vaerua viivii ra, ki Ierusalema; kare rava ïa ratou i toe i te akaoraia.

17 # Anga 4:1,2,6 Kua tu akera te taunga maata ra e te aronga katoa i vaitata iaia ra, (koia oki te pupu Sadukea ra,) kua ki rava i te riri. 18#Luka 21:12Kua opu maira to ratou rima i te au aposetolo, tuku atura ia ratou ki roto i te are tapekaanga tangata kikino ra. 19#Anga 12:7; 16:26Na tetai angela ra a te Atu i eeu i te au pa i taua are tapekaanga ra i te po, e kua arataki maira ia ratou ki vao, na ko atura, 20Ka aere ki roto i te iero ra tu ei, ka akakite atu ei ki te tangata #Ioa 6:68; 17:3; 1 Ioa 5:11i te au tuatua ravarai o teianei ora. 21E kite akera ratou i te reira, aere atura ki roto i te iero ra, i te popongi akirata, apii atura. #Anga 4:5,6Kia tae maira te taunga maata ra e te aronga i kapiti kiaia, kua akaputuputu maira i to te Sunederi ravarai, e te aronga pakari katoa i te tamariki na Iseraela ra, e kua tono atura i te karere ki te are tapekaanga ra, e arataki mai ia ratou. 22E tae atura taua aronga taoonga ra, rokoia atura, kare ua ratou i roto i te are tapekaanga ra; kua oki maira ratou e akakite, 23Na ko maira, Rokoia atura e matou, te mou meitaki ra te pa o te are tapekaanga ra, e te aronga tikai oki i te tu ua anga ki vao i te ngutupa ra: kia eeu ra matou i te pa, kare rava e tangata o roto. 24E kite akera te taunga maata, #Luka 22:4; Anga 4:1e te rangatira o te iero ra, e te kau taunga nunui katoa ra, i te reira tuatua, eumiumi iora ratou i taua tuatua ra e, eaa ra a muri ake. 25Kua aere maira tetai tangata, kua tuatua maira kia ratou, na ko maira, I na, te au tangata ta kotou i tuku ki roto i te are tapekaanga ra, tera ake, e tu ua ake ki roto i te iero nei, te apii akera i te tangata 26Kua tiki atura taua rangatira ra, ma te au tavini katoa, e arataki mai ia ratou, kare ra i rave viviki atu; #Mata 21:26kua mataku ratou i te tangata, ko te peîia mai aea ratou ki te toka. 27E kia aratakiia maira ratou ra, tuku atura ratou ki mua i te aroaro o te Sunederi ra: kua ui maira te taunga maata ra kia ratou, na ko maira, 28#Anga 4:18Kare aina matou i akaue tika atu kia kotou, auraka kotou e apii ma teianei ingoa? e i na, kua ki rava Ierusalema ia kotou i ta kotou tuatua, #Anga 2:23,36; 3:15; 7:52e te inangaro na kotou kia io mai #Mata 23:35; 27:25te toto o teianei tangata ki runga ia matou nei.

29Kua karanga aturā Petero e te au aposetolo katoa ra, na ko atura, #Anga 4:19Ko te Atua ta matou e akarongo e tikaʼi auraka te tangata. 30#Anga 3:13,15; 22:14Kua akatu io nei te Atua o to tatou ai tupuna ra ia Iesu, ta kotou i ta nei i te patiti anga #Anga 10:39; 13:29; Gala 3:13; 1 Pete 2:24ki runga i te rakau: 31#Anga 2:33,36; Phili 2:9; Ebe 2:10; 12:2Koia ta te Atua i akateitei akenei i tona rima katau ei #Anga 3:15Ariki e ei #Mata 1:21Ora, #Luka 24:47; Anga 3:26; 13:38; Ephe 1:7; Kolo 1:14ei oronga mai oki i te tataraara no Iseraela, e te akakore anga i te ara. 32#Ioa 15:26,27Ko matou oki tona au kite i taua tuatua nei, e te Vaerua Tapu katoa, #Anga 2:4; 10:44ta te Atua i oronga mai ki te aronga e akarongo iaia ra. 33#Anga 2:37; 7:54E kite akera ratou i te reira, motu atura to ratou ngakau i te riri, e akaeatu ua iora i te ravenga e mate ei ia ratou.

34Kua tu akera tetai Pharisea ki runga i taua Sunederi ra, ko #Anga 22:3Gamaliela te ingoa, e apii ture, e tangata akameitakiia e te tangata ravarai, kua akaue atura e arataki atu i te au aposetolo ra ki vao, e kia roa poto ake. 35E kua karanga atura aia kia ratou, E te au tangata no Iseraela nei, e matakite ia kotou i ta kotou rave anga atu i tenana aronga tangata. 36#5:36 E toru mataiti ou te Mesia.Tupu akenei a Teuda i muatangana akenei i te akatietie anga iaia uaorai e tangata maata aia; kapiti katoa atura te tangata iaia e a katoa paa anere; e taia atura aia; e te aronga katoa i akarongo iaia, pueurikiriki ke atura ïa, pou atura. 37Kua tupu akenei oki i muri ake iaia, ko Iuda no Galilea, i te tuatau #5:37 Luka 2:1i tataiaʼi te ingoa ra, e kapiti atura aia i te tangata e manganui i te aru anga atu iaia: e mate katoa atura aia; e te aronga katoa i aru iaia ra, akangaoro rava atura ïa. 38E teianei, teia taku tuatua kia kotou, E akataka ke atu kotou i tenana au tangata, e vaio ua atu: #Mase 21:30; Isa 8:10; Mata 15:13na te tangata teianei angaanga e teianei tuatua, ka ngaro ua ïa: 39#Luka 21:15; 1 Kori 1:25Na te Atua ra, kare rava e kore ia kotou; ko te riro aea oki kotou #Anga 7:51; 9:5; 23:9ei aronga tamaki atu ki te Atua. 40Kua akatika maira ratou iaia; #Anga 4:18e akaokiia maira e ratou te au aposetolo ra ki roto, #Mata 10:17; 23:34; Mare 13:9pāpā atura, e oti akera, kua akaue atura ia ratou, auraka rava e tuatua ma te ingoa o Iesu, e kua tuku atura ia ratou. 41Aere atura ratou mei te aroaro atu o te Sunederi, #Mata 5:12; Roma 5:3; 2 Kori 12:10; Phili 1:29; Ebe 10:34; Iako 1:2; 1 Pete 4:13,16ma te rekareka, i te mea, no tona ingoa i manakoiaʼi ratou e tau ia ratou taua takinga-kino ra. 42#Anga 4:20,29E kare e rā i tukua ia ratou, i te apii anga atu e te tuatua anga atu ia Iesu Mesia, #Anga 2:46ki roto i te iero ra, e i tera are i tera are.

Currently Selected:

Angaanga 5: CIMB

Highlight

Copy