Angaanga 21

PENE XXI - 21

To Paulo māro anga e aere rai ki Ierusalema: ko Philipa e tana au tamaine: ta Agabo tuatua auraka Paulo e aere: te aerenga ki Ierusalema, e te rave kino angaia i reira: tona opu angaia e te au vaeau e kave ki roto i te punanga.

1E TAKA ke mai nei matou ia ratou, kua tuku atura matou, ano tika ua atura matou ki Koso, e ao akera ki Roda, e mei reira oki ki Patara: 2Kite atura matou i tetai pai, te ano atura ki Phenia, aere atura matou ki rungao, e ano atura. 3E kite atura matou ia Kupero, akarukeia atura e matou i te pae kaui, tere tika atura matou ki Suria, e tapae atura ki Turia: ei reira oki te apinga i taua pai ra e tariiaʼi ki vao. 4Noo atura matou i reira e itu akera po, e aronga pipi oki tei kitea e matou i reira; #Anga 20:23; 21:12ko tei tuatua mai ïa kia Paulo no te Vaerua i tuatuaʼi, auraka aia e aere ki Ierusalema. 5E ope akera te reira puke rā ia matou, aere atura matou i to matou tere, e kua aere katoa maira ratou katoa ma te vaine e te tamariki ki vao i taua oire ra: #Anga 20:36kua tuku iora i to matou turi ki raro i taatai, pure iora matou. 6Kua aroa iora matou matou uaorai, e oti akera, aere atura matou ki runga i te pai; oki maira ratou #Ioa 1:11ki to ratou ngutuare.

7E ope akera to matou akatere anga na tai, tapae atura matou ki Petolemai mei Turia atu: aroa atura matou i te au taeake, e noo atura ki o ratou ra e okotai akera rā. 8E ao akera riro aturā Paulo ma, e tae atura matou ki Kaisarea: tomo atura matou ki roto i te are o Philipa #Ephe 4:11; 2 Timo 4:5apii evangelia, #Anga 6:5; 8:26,40no nga tangata toko itu ra aia; noo atura matou ki ona. 9Toko a ana puke tamaine paretenia, #Ioela 2:28; Anga 2:17e peroveta vaine ratou. 10No te mea e manganui to matou rā i reira, kua aere maira tetai peroveta, mei Iudea mai, ko #Anga 11:28Agabo te ingoa. 11E tae maira aia kia matou, kua rave maira aia i te tatua o Paulo, kua ruru iora i tona uaorai rima ma te vaevae, kua tuatua maira, Te na ko maira te Vaerua Tapu, #Anga 20:23; 21:33Mei teianei ta te ngati Iuda i Ierusalema ra e ruru i te tangata nona teianei tatua, e ka tuku oki iaia ki te rima o te etene ra. 12E kia akarongo atura matou i taua tuatua ra, kua tāpu atura matou, e to reira katoa, iaia, eiaa aia e aere ki Ierusalema. 13Kua tuatua mairā Paulo, #Anga 20:24Eaa kotou i tangi mai ei e i akaparukaua mai ei i toku ngakau? kua tika oki iaku kia ruruia au, auraka oki te reira anake ra, kia mate katoa atu i Ierusalema, i te ingoa o te Atu ra o Iesu. 14E kare rava akera aia i tuku mai, kua akapaki iora matou na ko atura, #Mata 6:10; 26:42; Luka 11:2; 22:42Kia tupu to te Atu ra anoano.

15E ope akera taua au rā ra, kua rave iora matou i to matou apainga, aere atura ki Ierusalema. 16E ko e tokotai puke pipi oki no Kaisarea i te aere katoa anga atu e matou katoa, arataki atura ia matou ki o tetai tangata no Kupero, ko Nasona te ingoa, e pipi taito, ei ona matou noo ei.

17 # Anga 15:4 E tae atura matou ki Ierusalema, kite maira te au taeake ia matou ma te rekareka. 18E ao akera, aere katoa atura matou ko Paulo ma kia #Anga 15:13; Gala 1:19; 2:9Iakobo ra; tei reira katoa te aronga orometua ravarai ra. 19E oti akera tona aroa anga atu ia ratou ra, #Anga 15:4,12; Roma 15:18,19akakite marie atura aia i te au mea ravarai ta te Atua i rave ki o te etene #Anga 1:17; 20:24i tana apii anga. 20E kia akarongo maira ratou i te reira, akameitaki atura i te Atu; e kua tuatua maira ratou kiaia, Kua kite koe, e to matou taeake, i te ngati Iuda akarongo nei e manganui te tausani: #Anga 22:3; Roma 10:2; Gala 1:14e te māro anake nei oki ratou i te ture: 21E kua akakiteia mai koe ia ratou e, te apii ra koe i te ngati Iuda ravarai e noo ki o te etene ra e, e akaruke ia Mose, i te na ko anga atu oki e, auraka ratou e peritome i te tamariki, e auraka oki e akono i te au peu ra. 22E teianei, eaa te ravenga? kare oki e kore te akaputuputu mai taua aronga katoa ra; ka kite oki ratou e, teia mai nei koe. 23E na ko koe i ta matou e karanga atu nei: toko a i o matou nei puke tangata, e tia ta ratou; 24E kapiti katoa mai koe kia ratou, e kia tāma katoaia koe e ratou katoa, e kia aiteite katoa toou apinga e to ratou #Nume 6:2,13,18; Anga 18:18kia varu ratou i to ratou mimiti: kite akera te tangata ravarai e, e tuatua taeke ua tei tuatuaia mai koe ia ratou; e te tika katoa ra toou aerenga, e te akono katoa ra koe i te ture. 25Kareka te au etene i akarongo ra, kua taka ïa tuatua ia tatou, #Anga 15:20,29e kua tata akenei oki tatou, eiaa ratou e akono i te reira au peu, auraka ra ratou e kai i tei apaiia atu i te idolo ra, e te toto, e te mea kukumi uaia ra, e eiaa oki e akaturi. 26Kua kapiti akerā Paulo ki taua au tangata ra, e ao akera tamāia iora aia e ratou katoa, #Anga 24:18tomo atura ki roto i te iero ra, #Nume 6:13e akakite atu i te openga o te au rā tamā anga ra, kia apaiia te atinga na ratou ravarai.

27Kare akera e ope tika taua nga rā e itu ra, #Anga 24:18kite akera te ngati Iuda no Asia ra iaia i roto i te iero, akakeu iora i te tangata ravarai, #Anga 26:21e kua opu atura to ratou rima iaia; 28Kua kapiki atura, E te au tangata Iseraela nei, e rave katoa mai; ko te tangata teia #Anga 24:5,6i apii i te tangata katoa nei, kare e ngai toe, i te mea tau kore i te tangata nei, e te ture, e teianei ngai; e kua taoi katoa mai oki i te Eleni ki roto i te iero nei, e kua viivii teianei ngai tapu iaia. 29(Kua akara ana oki ratou ia #Anga 20:4Terophimo i Ephesia ra i te kapiti anga kiaia ki roto i te oire ra, ko ta ratou ïa i manako e, kua taoiia e Paulo ki roto i te iero ra.) 30#Anga 26:21Keu atura taua oire katoa ra, e kua oro maira te tangata tini ravarai; kua opu maira ia Paulo, kua kika atura iaia ki vao mai i te iero ra: e topiriia akera te au pa i reira. 31E te rave ra oki ratou iaia e ta, kua tae atura te tuatua ki te rangatira maata o te pupu vaeau e, te keu ua nei Ierusalema katoatoa nei. 32#Anga 23:27; 24:7Kua arataki atura aia i te vaeau e te au rangatira anere, oro atura kia ratou: e kia akara maira ratou i te rangatira maata e te au vaeau, kare akera ratou i ta ia Paulo. 33Kua aere atura te rangatira maata i vaitata, kua opu atura iaia, #Anga 20:23; 21:11kua akaue atura i te tangata e tapeka iaia i nga pirianganaoa e rua; e kua ui atura kia ratou iaia, e tana ra. 34Kua kapiki maira etai no roto i taua aronga ra, e tuatua ke ïa, e tuatua ke oki ta etai; e kare ua akera i kitea meitakiia i te vaa o te tangata, kua akaue atura aia e kave iaia ki roto i te punanga. 35E tae atura aia ki te kakenga ki runga, kua maranga ua akera ki runga i te au vaeau ra, no te mea te kononinoni maira te tangata. 36Te aru maira oki te tangata tini i muringao, i te kapiki anga mai e, #Luka 23:18; Ioa 19:15; Anga 22:23E apai ke atu tena. 37E vaitata akerā Paulo i te kaveia ki roto i taua punanga ra, kua karanga atura aia ki te rangatira maata, E tika ainei ia koe kia tuatua au? Kua tuatua maira aia, Kua kite koe i te tuatua Eleni? 38#21:38 Kua tupu te kaitamaki o taua tangata Aiphiti i te Mataiti o te Mesia 55.#Anga 5:36Kare ainei koe i te tangata Aiphiti i kotikoti kupenga i muatangana, e ko tei arataki oki i te tangata ta tangata, e a katoa te tausani ki te medebara ra? 39Kua karanga aturā Paulo, #Anga 9:11E ngati Iuda tikai au no Tareso i Kilikia ra, e kare au to te oire akaaka: teia taku tuatua kia koe, e akatika mai koe e tuatua ake ana au i te au tangata nei. 40E tika maira iaia, #Anga 12:17kua kamokamo aturā Paulo i tona rima ki taua aronga tangata ra, tu uaʼi aia i te kakenga ki runga, e muteki takiri rava iora; kua karanga atura aia kia ratou i te tuatua Ebera, na ko atura,

Currently Selected:

Angaanga 21: CIMB

Highlight

Copy