Angaanga 12

PENE XII - 12

To Iakobo matenga: to Petero uri angaia ki roto i te are tapekaanga, e te akaora angaia e tetai angela: to Heroda matenga rikarika.

1 # 12:1 Te Mataiti o te Mesia 44. I TAUA tuatau ra, kua akatika maira te ariki ra ko Heroda i tona rima e takinga-kino mai i tetai pae o te ekalesia ra. 2#Mata 4:21; 20:23E kua ta iora ia Iakobo i te taeake o Ioane ki te koke. 3E kite akera aia e, te meitaki ra te ngati Iuda i te reira, kua umuumu atura aia e opu katoa ia Petero. (Ko #Exo 12:14,15; 23:15te au rā manga akaopue koreia ra te reira.) 4#Ioa 21:18E rauka iora aia iaia, tuku atura aia iaia ki roto i te are tapekaanga ra, e tuku atura iaia ki te au vaeau tino ngauru ma ono ra ei tiaki iaia: i manako aia e, kia oti te pasa arataki mai ei iaia ki vao i te tangata. 5Tiakiia iorā Petero i roto i te are tapekaanga ra: #12:5 2 Kori 11; Ephe 6:18; 1 Tesa 5:17kua pure atura te ekalesia i te Atua iaia kare i tukumoe. 6E vaitata akerā Heroda i te arataki mai iaia ki vao, te moe ua rā Petero i taua po ra i rotopu i #12:6 Tikaanga - nga.ngo vaeau toko rua, i tapekaia ki te auri pirianganaoa e rua; e tei te ngutupa nga vaeau i te tapapa anga i taua are tapekaanga ra. 7E i na, #Anga 5:19kua mama maira tetai angela a te Atu ra, e kua kakā maira te mārama ki roto i taua are tapekaanga ra; kua papaki maira aia i te kaokao o Petero, akaara maira iaia, na ko maira, Ka tu viviki. Topa atura nga auri pirianganaoa i tona rima. 8Kua tuatua maira te angela kiaia, Ka tatua na ia koe, e tākai ana i to tamaka i to vaevae. E kua pera atura aia. Kua tuatua maira aia kiaia, Ka kakau ana koe i to kakau, ka aru mai ei iaku. 9Kua aru atura aia iaia i te aere anga atu kia vao: #Sala 126:1kare aia i kite e, e mea tika ta taua angela; maara akera e, #Anga 10:3,17; 11:5e orama tana i kite ra. 10E topa maira ia raua tei mua tiaki ra e te rua oki, tae atura raua ki te pa auri e tae atu ei ki roto i te oire ra; #Anga 16:26kua amama ua maira taua pa ra kia raua: tomo atura raua ki vao, aere atura e topa maira tetai arataa; akaruke maira te angela iaia i reira. 11E rako tangata mairā Petero, kua na ko akera aia, #Sala 34:7; Dani 3:28; 6:22; Ebe 1:14Kua kite pu tikai au e, kua tono mai te Atu i tana angela, #Iobu 5:19; Sala 33:18,19; 34:22; 41:2; 97:10; 2 Kori 1:10; 2 Pete 2:9e kua akaora iaku i te rima o Heroda, e te manako o te ngati Iuda. 12Akamaara iora aia i taua mea ra, e oti akera, #Anga 4:23aere atura aia ki te are o Maria te metua vaine no #Anga 15:37Ioane, ko Mareko tetai ingoa; manganui oki tei putuputu i reira, #Anga 12:5te pure ra. 13E te topāpā aturā Petero ki te pa i te tomoanga ra, kua aere maira tetai vaine ko Roda te ingoa e ui e, Koai tena? 14E kite akera aia i te reo o Petero, kare akera aia i eeu i te pa i te rekareka, oro atura ki roto akakite atura e, te tu ua mairā Petero i te ngutupa akera. 15Kua tuatua maira ratou kiaia, Kua nenevaia koe. Kua manono atura aia e, Koia tika. Kua tuatua maira ratou, #Gene 43:16; Mata 18:10Ko tana angela ïa. 16Kua tamou marie aturā Petero i te topāpā anga atu, e kiriti akera ratou i te pa, e kite maira iaia, itirere atura. 17#Anga 13:16; 19:33; 21:40Kua kamokamo atura aia ki tona rima kia muteki atu ratou, kua akakite atura aia kia ratou i ta te Atu arataki anga mai iaia ki vao i taua are tapekaanga ra. Kua karanga atura oki aia, E akakite atu kia Iakobo e te au taeake i teianei au tuatua. Riro atura aia, aere atura ki tetai ngai ke atu.

18E ao akera, kare e keu mea ngiti to taua aronga vaeau ra ia Petero. 19Kua kimi aturā Heroda iaia, e kare akera aia i kitea, kua ui marie atura aia ki te au tiaki, e akaue atura e arataki atu ia ratou e ta. Aere atura aia ki Kaisarea, mei Iudea atu, noo atura i reira. 20Te riri rā Heroda i to Turia e to Sidona: kua aere katoa maira ratou ki mua i tona aroaro, kua oti akera oki a Belaseto te tiaki i te pia rai o te ariki ra i te akataungaia e ratou, kua pati atura ratou i te au; no te mea, #1 Ari 5:9,11; Eze 27:17no te enua o te ariki ra te kai i to ratou enua. 21E tae akera ki te rā i akonoia ra, kua noo mairā Heroda ki runga i te terono, ma te kakau ariki i te kakau anga, e kua korero maira kia ratou. 22Kua kapiki atura te tangata, E reo ïa no te Atua, kare ïa i to te tangata. 23#1 Samu 25:38; 2 Samu 24:17Kua ta maira tetai angela o te Atu iaia i reira, #Sala 115:1no te mea kare aia i oronga atu i te kakā ki te Atua ra: pou atura aia i te kaiia e te iro, e mate atura.

24 # Isa 55:11; Anga 6:7; 19:20; Kolo 1:6 Tupu atura oki te tuatua a te Atua, e pararauare rava atura. 25Kua oki mairā Banaba e Saula mei Ierusalema mai, kia oti to raua tere, #Anga 13:5,13; 15:37arataki katoa maira raua #Anga 12:12ia Ioane, ko Mareko tetai ingoa ra.

Currently Selected:

Angaanga 12: CIMB

Highlight

Copy