Pisalema 1
1
Xiyenge xo rhanga
(Tipisalema 1 – 41)
Lavo lulama ni lavo homboloka
1Ku katekile munhu
loyi a nga amukeriki makungu ya lavo homboloka,
loyi a nga landziki mikhuva ya vadyohi,
loyi a nga dzumbiki ni lava sandzaka Xikwembu,
2kambe a tsakela nawu wa HOSI,
a wu anakanya vusiku ni nhlekanhi.
3 Ú fana ni murhi lowu mileke etlhelo ka mati lama khulukaka,
lowu vekaka mihandzu ya wona hi nguva ya kona,
lowu nga dzudzekiki matluka.
Eka hinkwaswo leswi a swi endlaka,
wa humelela.
4Kasi a swi tano eka lavo homboloka:
Vona va fana ni mungu lowu hangalasiwaka hi moya.
5Hikokwalaho, hi siku ra ku avanyisa,
lavo homboloka va nga ka va nga poni,
ni vadyohi va nga ka va nga amukeriwi
enhlengeletanweni ya lavo lulama.
6Etindleleni ta vona, lavo lulama va fambisiwa hi HOSI,
kambe lavo homboloka, va khoma ndlela leyi yi va yisaka eku loveni.
Currently Selected:
Pisalema 1: TSO89
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used with permission. All rights reserved.
